PENO PERKAWINAN TIGO LUHAH TANJUNG TANAH

 INFO: ADAT LAMO PUSAKO USANG

 DALIMI SAID, SE 

 KUMPULAN PARNO KERINCI

 PENO PERKAWINAN TIGO LUHAH TANJUNG TANAH

SARAPEK-RAPEK KITAO YANG ADEO INEH, YANG DILINGKUNG PAHAIT BASUDOT EMPAT, YANG DUDEOK DIATAS TIKA YANG TAKAMBA, DIATEH NAN DISUNKUT ATAP, DIBAWAH NAN DIPIMPO LANTA, NAEK IDAEK DISEBUT NAMO, KARENA KAYO TULAH BANAMO, GEDANG IDAK PULO KAMAI SEBUT GELAR, KARENA KAYO TULAH BAGELAR, SEMBAH DI ANGKAT PADO RAJEO, AMPAU DI MINTAK KEPADO YANG TUAO, MAAF DI BAGEH PADO YANG MUDEO, SERTO SALAM KEPADO KAYAO NGAN BANYAEK INEH.

“ASSALAMUALLAIKUM WR.... WB….”

BAK KAYO JUGO YANG NGATO TU DEPATOI, KOK NYUMPAIK LAH TERASO KEK LIDAEH, KOK NAKAOK YOLAH DATEH SANGKAN, KOK GAYUNG TU BUSAMBUT, KOK PARAGAEO ADEO TAMPEK NUMBAOK KATAONYO. KEK SAPO NUMBAOK KAEH KATAO NEH?

Sinin Kayao Depatoi…!!!

SEBELUMNYA PUJI SYUKUR……

SHOLAWAT & SALAM………….....

SUNGGUH BANYAEK IKAN DI LUBUK, SIKAOK UGO DINGAN KENO JALO, SUNGGUH BANYAEK KITAO DINGAN DUDEOK, KEPADO KAYO DEPATOI JUGO KAMAI NUMBUK KATO.

Sinin Kayao Depatoi…!!!

PADO SAHAI INEH NAK KAMAI SEBUT JUGO USUL DINGAN ASAL, SEBAB DINGAN KARNO, KALU IDAK DISEBUT USUL DINGAN ASAL, SEBAB DINGAN KARNO, JANGAN PULAO SAMO DINGAN AYAEK DALAEM SAYAK, YANG IDAK TENTU PULAO ULU DINGAN MUARONYO.

KINI TERBIT AYIEK DARI ULU, TERBIT GETAEH DARI BATANG, TERBIT ANGIN DARI POHON, TERBIT MINYAEK DARI SANTAN, TERBIT HAJAET DARI ANEK JANTAE DAN ANEK BATINEO KAMAI SEPANGKALAN DUMAH INI, YOLAH UNTUK MENYAMPAIKAN HAJAT KEPADO KAYO PADO AHI INIH.

KAYO JUGO YANG NGATO TU DEPATEI, KILAT TULAH SAMO KITO NGELIH, GURUH TULAH SAMO PULO KITO NENGEH, LAH NYATO DIBUMI TERANG DIAREH NAMPAKNYO, MAKONYO PADO AHI INIH SENGAJO KAMAI NDEK MAGIH TAHU KEPADO KAYO, DIMANO ANAK JANTAN DAN ANAK BUTINO KAMAI DUMAH INIH, TIBO HAL SEPERTI INI..!!

NAMPAKNYO LAH NITI LAHAEK SEPANJANG JALAE, NAIK TANGGO TURUN TANGGO SERTA SENGAJO PULO NYERU KAYO YANG JAUH, NGIMBO PULAO KAYO DINGEN DEKAT, NAMPAKNYA KAYO DINGAN JAUH YANG DISERU TULAH TIBO, KAYO YANG DEKAT YANG DIIMBA TULAH DATANG PULAO, SERTO LAH DUDEOK PULAO DIATEH TIKA YANG TAKAMBA INEH.

SELAIN ITU PADO AHI INI SENGAJO PULO MERENGGUHKAN KAYO DEPATI NINEK MAMAK, ALIM ULAMA, TOKOH MASYARAKAT, ORANG TUO CERDIK PANDAI, ANAK JANTAN TEGANAI KAMAI DUMAH INI, SERTO LAH HADIR PULO BAPAK ANGGOTA BPD DAN KEPALA DESA PENGHULU JIWA DALAM NEGERI.

TEGAK KAYO LAH KAMAI PAMO, DUDUK KAYO LAH KAMAI MULYOKAN PULO,  SERTOLAH KAMAI SAMBUT PULAO KAYAO DENGAN HATAI YANG SUCAI DAN MUKAO YANG JERNIH.

Sinin Ji Depatoi..!!!

PADO KESEMPATAN INI, PERKENANKANLAH KAMAI MENYAMPAIKAN SECARO ADAET, HAJAET DARI ANEK JANTAE DAN ANEK BATINEO KAMAI DUMAH INI.

DIMANO KAMAI DUMAH INI, NAMPAKNYA ADO NAHUH ANAK JANTAN DAN ANAK BATINO, DIMANO ANAK JANTAN DAN ANAK BATINO KAMAI DUMAH INI, IBARAT ADO NAHUH BUNGO NAN SETANGKAI, KUMBANG NAN SEEKOR.

BAK KAYO JUGO YANG NGATO TU DEPATOI, ADAT BUNGO DIDATANGI KUMBANG, ADAT BUAH DIDATANGI TUPAI, ADAT GADIS DIDATANGI BUJANG, AIR JERNIH IKANNYO JINAK, LAH PUWEH PULO NYO BAUSIK SIHIH BAUSIK PINANG, KAYO JUGO YANG NGATO SIHIH ITU SIHIH BATUWIK, PINANG ITU PINANG BUTANYO.

NAMPAKNYO LAH BASUWO UNDING DENGAN SEPAKAT, LAH BASUWO PULO RUWEH DENGAN BUKU, KATO DENGAN SELUKU, LAH SEIYO SEKATO, IBARAT PINANG BUBELAH DUO, YANG SUHANG EMBOH, YANG SUHANG KETUJU PULO.  

Diateh ituh Pulao Tuh Depatoi..!!!

MENGINGAT UNDING IDEAK SEKALAI SUNTAOK, PIKAE IDAEK PULAO SEKALI SUDAEH, KARNO KITAO IDAEK BASULEUH DENGAN BATENG PISA, KITAO BASULEUH DENGAN MATO AHAI. MAKONYO PADO AHI INIH JUGO SENGAJO KAMAI NAK NGASIH TAW KEPADO KAYO DEPATOI, KARENA DALAM NEGEROI INIH ADO YANG MENGARAH AJUN.

YANG NGELUAKAN PAGI MEMASUKKAN PETANG, ADO YANG BUJALAE DULEU SELANGKAH, PARAGEO DULEU SEPATAH, TEGAEK NAMPAK TINGGAI, DUDEUK NAMPAK GEDAENG, YANG MEMIKUL LANTAK DAN MENAHIK TALAI, MENYELESEKAN NGAN KUSAUT, MENJERNIHKAN NGAN KERAOH.

KAYO JUGO YANG NGATO TU DEPATOI, AYAM TU BAINDUK, SERAI TU BAUMPUN. IBARATNYO KAYO TUH BATANG GEDANG TEMPAT BUSANDAE, DAUN NYAO LEBAT TEMPAT BETEDEUH, AKAR NYAO TEMPAT DUDEOK BASILEO. KAMAI BAKATEO SECARA ADAET, TANDO NEGROI ADEO BARAJEO.

KAYO JUGO YANG NGATO TU DEPATOI, ADAT PULAI BUTAKAH NAIK, BUJENJANG TURAU MENINGGALKAN RUEH DENGAN BUKUNYO, ADAT MANUSIO BUPANGKA TURAU MENINGGALKAN ADAT DENGAN PUSEKONYO, ITULAH SEBENAR ADAT, ADAT LAMO PUSAKO USANG, YANG TAK LAPUK DIHUJAN TAK LEKANG DIPANAS. 

 

DIMANO ADAT YANG KAYO PAKAI, ADAT TU BERSENDIKAN SYARAK, SYARAK TU BERSENDIKAN KITABULLAH, SYARAK YANG KAWI, ADAET YANG LAZIM, SYARAK NGATO ADAT YANG MAKE, KOK SAH KATO SYARAK BENAR KATO ADAT, KOK SALAH KATO SYARAK MAKO BETAL PULO MENURUT SEPANJANG ADAT.  

ADAT TU BUTAKAH NAIK, BUJENJANG TURAU, WARAIH YANG DIJAWAB KHALIFAH YANG DIJUNJUNG, SKO YANG KITO PEGANG ADAT YANG KITO PAKA, NEGEROI BAPAGA DENGAN ADAT, TAPIA BAPAGA DENGAN BASO, RUMAH BATIANG DENGAN TAGANAI, NEGEROI YANG BARAJOE, KAMPUNG BATUO, LUHAH BAPANGHULU, RANTAU BAJENAE.  

1.   DIMANO HAJAT KAMAI YANG PERTAMAO: ANAK JANTAN ANAK BATINO KAMAI DUMAH INI ANTARA (….&….), NAK MELAKSANAKAN SUNNAH RASUL, YAITU NAK BERUMAH TANGGO DEPATOI.

KATO KAYO TUH, KALU BERLAYAR LAH SAMPAI KEPULAU, BUJALAE LAH SAMPAI KEBATAS, MAKSUDNYO NAK NEMPUH JALAE YANG BARAMBAEH, NAK NYUHUK LAWANG YANG BERKATUB DUO, SERTA NAK MENUJU SUATU IKATAN PERKAWINAN YANG DIRIDHO OLEH ALLAH SWT. 

NAMPAKNYO KAYAO JUGO YANG NGATO TU DEPATOI, SETELAH MELEWATI PROSES YANG DIJALANKAN KEDUO CALON MEMPELAI SELAMO INEH, SESUAI DENGAN KAMAI NGATO TADIH ADAT BUNGO DIDATANGI KUMBANG, ADAT BUAH DIDATANGI TUPAI, ADAT GADIS DIDATANGI BUJANG, OLEH SEBAB ITULAH KAMAI MOHON KEPADO KAYO DEPATOI, KALU PIPAEH MINTEK DILAYANG..!!!., KALU BULET MINTEK DIGULING..!!!

DIMANO MENURUT SEPANJANG ADAT YANG KAYO PAKAI, KIRONYO SAHAI INIH AHI BAIK KETIKO JAYEO, BULAN BAIK TAHUN KERAMAT, KALU DAK ADO ARAL YANG MELINTANG, KELAK INIH KEDUO MEMPELAI DARI ANAK JANTAN DAN BUTINO KAMAI DUMAH INIH, MINTA KEPADO KAYO UNTUK DILANGSUNGKAN ATAU DILAKSANAKAN PROSESI AKAD NIKAH.

DIMANO DALAM PROSESI AKAD NIKAH ANTARO (….&….) NANTI TU DEPATOI, ENTAH KAYO SERAH KEPADO PENGHULU (P3NTR)/ TUAN KADI DALAM LUHAH YANG BERKATUB DUO INIH/ PENGHULU DARI KUA KECAMATAN, SEPANJANG ADAT YANG KAYO PAKAI SEMUA HAL TERSEBUT KAMAI SERAHKAN KEPADO KAYO NANTINYO DEPATEI.

 

Diateh ituh Pulao Tuh Depatoi..!!!

SUPAYO PINTAK BULEH KEHENDAK BELAKEU, SETELAH PROSESI AKAD NIKAH TUH KELAK, MOHON PULO DITAMPUNG DO’A SANG PENGANTIN, MUDA-MUDAHAN PERKAWINAN ANAK DARI JANTAN ANAK BATINO KAMAI DUMAH INI DIRIDHO OLEH ALLAH SWT, DAN MENJADI SUATU PERKAWINAN YANG SAKINAH, MAWADDAH, DAN WAROHMAH HENDAKNYA, AMIN.

DIMANO DALAM PERKAWINAN MEREKA NANTI HENDAK PULO DIBERIKAN KETURUNAN YANG SHOLEH DAN SHOLEHA, SERTA MINTA DIDO’AKAN PULA, SUPAYA PERKAWINAN MEREKA TERSEBUT, SEPERTI PERKAWINAN NABI ADAM DAN HAWA, NABI YUSUP DENGAN JULAEHA, DAN SEPERTI PERKAWINAN NABI MUHAMMAD SAW DENGAN SITI HADIJAH KUBRO DAN SITI AISAH R.A. 

SELANJUTNYO TUH DEPATOI, SEMOGA KEDUO MEMPELAI KITAO INEH, SAIYO SAKATO, SAILE SAMUDEK, KOK NYO MANDAKI SAMO-SAMO MUNDAPAT ANGAIN, KOK NYO KALUHAH SAMO-SAMO PULO MUNDAPAT AIR. 

KOK NYO TERENDAM LAH SAMO BASAH, KOK NYO PANEH NYO LAH SAMO KERING, KOK NYO TERAPUNG LAH SAMO ANYUT. 

BEGITU JUGO DALAM MENCARI REJEKI ATAU NAFKAH TUH DEPATOI, KALUNYO KUMO MUDA-MUDAHANNYO MENDAPAT   PADOI,   KALUNYO   KELADANG  MUDA-MUDAHAN MENDAPAT KUPAI, KALU NYO MUNCAHAI MENDAPAT EMAS HENDAKNYO.

SERTO DIPERMUDAHKAN SEGALO URUSANNYO, KALU REJEKI ITU MASIH DIATAS LANGIT MOHON DITURUNKAN, KALU MASIH DALAM BUMI MOHON DIKELUARKAN OLEH ALLAH SWT, SERTA MENDAPATKAN REJEKI YANG HALAL HENDAKNYO.

SELANJUTNYA JUGO TUH DEPATOI, SEANDAINYA KEDUA MEMPELAI INI ATAU ANTARO (….&….), TELAH MASUK DALAM ADAT ANAK JANTAN DAN ANAK BATINO KAYO NANTI, HENDAKNYA KEDUA CALON MEMPELAI INI MENGIKUTI KETENTUAN SEPANJANG ADAT YANG KAYO PAKAI.

KALU ADO UPA NAEK, UPA GEDANG, MOHON DIIKUT SERTAKAN, SERTA DALAM PERGAULAN MEREKA NANTI, SALAH LIHAT PADO MATO, SALAH LANGKAH PADO KAKI, SALAH AMBIK PADO TANGAN, SALAH UCAP PADO MULUT, MOHON KEPADO KAYO TUK MEMBIMBING DAN MENEGUR SEPANJANG ADAT YANG KAYO PAKAI.    

Dimano Kayo Jugo Yang Ngato : 

-    DIMANO TAMBILANG TARANTAK, DISITU TANAMAN TUMBUH 

-    DIMANO PERIUK PECAH, DISITU TIMBIKAR TINGGAL 

-    DIMANO RANTING PATAH, DISITU AIR DISAUK

-    DIMANO BUMI DIPIJAK DISITU LANGIT DI JUNJUNG 

-    DIMANO NEGERI DIHUNI, DI SITU ADAT DI PAKAI.

2.     SELAIN MAKSUD DAN TUJUAN KAMAI DIATAS TERSEBUT, ADO PULO MAKSUD LAIN, YAITU ADO YANG TERIKRAR OLEH LIDAH DAN TERSEDIK DIHATI, KATO KAYO TUH SEKALAI AYEK GEDANG, SAKALAI PULAO TAPIYA BARALEH, YAOLAH NAK MELPEH UTANG, IDAK PULO BERUPO UTANG MEH DINGAN PIRAK YAITU UTANG TERHADAP ANAK:  dsb……… 

TERAKHIR KALU ADO PENYAMPAIAN HAJAT KAMAI  TADIH  YANG  IDAK  PADO TEMPATNYO, MULAI DARI AWAL SAMPAI AKHIR TERSEBUT, KOK JARANG TOLONG KAYO YANG NYISUT, KOK KURANG TOLONG KAYO YANG NAMBAH, KOK KERAP TOLONG PULO KAYO NYABUT, KOK PANJANG TOLONG KAYO NYINGKAT, KOK SALAH TOLONG PULO KAYO YANG LURUS, SERTA JANGAN PULO MENJADI UPAT DINGAN PUJI.

MUNGKIN ITULAH YANG DAPAT KAMAI SAMPAIKAN, SALAH KEPADO MANUSIO KAMAI MINTA MAAF, SALAH KEPADO TUHAN KAMAI BERTAUBAT DAN MOHON AMPUN.   

 

WABILLAHITAUFIK  WALHIDAYAH     

WASSALAMUALAIKUM WR…WB…     

BY. DALIMI, SE

PNO NARIMO MUNTAE

KELURAHAN PONDOK TINGGI WILAYAH DEPATI PAYUNG

RAMAILAH BIDEOK DI TANAH KAMPAO, SAMBAE BABIDEUK MANGAMBAO JALEO, KAMAILAH DUDUK DIMUKO KAYAO, SILAKAN KAYAO NYAMPAE PARAGE.

LAHSAMPAE TOH KAYAO TAGANAO, SININ KAYAO TAGANOA, ITOH NIA ADOT KITO, ADOT PULA BAPINGKAK NAHEAK, MANINGGAKAN RUEH DENGAN BUKUNYO, ADOT MANUSIA BAPINGKAK TURAUN, MANINGGAKAN ADOT DENGAN PUSKONYO.

KUAT SRAK DENGAN DELIN, KUAT ADEK KARNO SALUKU, BAK KATAO SALUKOH NGATAO, BA DOEH BADLOI, PGON ULU MALIN, DIE BAKATAO BA ALEIH LIDEAH, BIEA ABOIH TAHAN BAGANTOI MUSIM, NAUN ADEAK IDEAK BARUBEAH.

MANAO PULAO ADOT KITAO TUMBAOH SARUPO INEH, ADOT GAYEA LEA BASAMBAUK, ADOT KATAO LEA BAJAWEAK, GAYEO DATEA GAYEO DISAMBAUK, KATAO DATEA KATAO DIJAWEAK, KAYAO BAKATAO SECARO ADEAK, LAH MANURUT PATITEIH UHA TUO KITAO.

UNDANG TALITAI LAH KAYAO KAJOI, ADOT LEMBAGE DEMIKIAN PULAO, DEK PANDAE KAYAO PARAGE, LAH LINAO KAMAI NGAN BANYEAK, DEK ILAOK SUSUN TINDEH KATAO, IDEAK TARASO KATAO LAH SUDEAH.

APOLAH PARAGO KAYAO TAGANAO TOH TADEH….......

IBARAT URAN BAJALOAN JAUH, KOK KA ILAEI TOH LAH TAMUARAO, BASUO UMBAK BARALUN TIGE, IKA TOH IDEAK MANYALAK LAGOI, KOK JAMUDEUK LAH TAHULAU.

BASUO AYEI BATITEIK GANTUN, TEMPEK SAMA BAREBUT SURAK TEMPEK ENGKAO BARABUT TANGAIH, LAI TOH IDEAK MANAROK LAGOI, KOK KADATEAH TOH LAH TARAMBUN JANTEA LAH BASUO LANGAIK DINGAN IJEA, KOK KABAWOH TOH LAH KERSIK BLEA LAH BASUO LAPA-LAPA DENGAN BLEA.

APO KOK NAN KINAI BAGI KANTAI, BAK KATAO SALUKOH NGATAO…!, KINAI KITAO UNGKEA IBAROT PANGEBEAK, BENTEA KAHILAE BENTEA KAMUDOIK MUKAK PANGEBEAK PAMBUWUN DULEU, KINAI KALAU NGAN NDOK KANTAI, MEMANGLAH ADOT KITO SEJAUK DAHULEU.

PUSAKO GELEA JAWEAK BAJAWEAK. DARI NINIK TURUN KA MAMAK, DARI MAMAK KA PANAKA PULAO, KAYO LAH BAKATAO SECARO ADEAK, IBAROT MAKA KIMAK NYO LMAK, KANTAI MENJAWOT CARO ADEAK PULAO.

MANAO LAH BAK KATAO ADEAK NGATAO…!, ADOT MAHKUTAO RAJE NGAN MAKE, KARAN SETIOA JATI PANGEBOTNYO, SRAK NGAN NGATAO ADEAK NGAN MAKE, SESUATU TOH ADEA SBOTNYO, SBEAK DEK APO KAYAO NEH DATEA PADO UMOH PADO TANGO KAMAI, PADO SAHAI INEH LEA LAH KAYAO TOH NDOK NEAT JANJOI NEMUN SAMAYAO, JANJOI DIBUEAK DIMULIO, JANJOI SAMPAE KAYAO TEPATI.

MANAO LAH JANJI KAYAO…!, LEALAH KAYAO TOH NGANTA MUNTAN KITAO NEH PADO UMOH PADO TANGO, PADO LAREIK PADO JAJUN, SERTAO KAYAO MULA NGUSEI KAMAI TAGANOA, SINEI, LEA KAMI TOH NIA TEMPEK TUOAK DENGAN BASAMBAUK, TEMPEK PULA DENGAN BATARIMO.

APO KOK NAN KINAI LAH KAYAO PULA NGUSEI KAMAI TAGANOASINEI BAK KATAO SALUKOH NGATO…!

NAKAI BUKIT SAMURAUK, NGAMPAK TAPANDA DUSUN SAKUNGKAO, NAN KAYAO TUOAK LAH KAMAI SAMBAUK, NAN KAYAO PULA LAH KAMAI TARIMO, KAMAI TARIMO NGAN HATAI SUCAI SERTAO MUKAO AMAT JERNOIH

APO KOK LAH MENJADI ANOK BATINO KAMAI….............

ANTO JAUH KAMAI NGADANEA, ANTO PARAK KAMAI NGA NGULAN, TUMBOUH KUSAUK KITAO NYALASEI, TIMBOUH KRAOH KITAO JERNIH

APO KOK AWAK SELAKU URAN SUMENDAO PULAO, MANAOTAMILA TANTAK, DISITOU TARMA TUMBOUH

DIMANAO TARMA TUMBOUH, DISITOU PANANAN DISIAN, ISAE ADEAK TUAN LUMBAGE, CUPAK PNOH GANTEA MALILAEH, JANGEA AWAK TARASAO GDEA NDOK MULANDAO, TARASAO TINGGAI NDOK MALILAIK.

SUPAYO APO TOH TUO TAGANAO…!

BA KAMPAO TOH MAK LIBEA, BAULOAH TOH MAK PANJA, ITOHLAH ADOT AWAK SELAKU URAN SAMANDAO, APO LAH NGAN KITAO PINTAK DI ATEH PERGAULAN UHA DUE ITOH…

MAUNDON BAINAOKLAH AWAK BADUE, NYIBOI MANYIBOILAH AWAK KADUO ITOH, SENDO AO DENGAN TEBOIN, TEBON JANGEA UNTAOH AO JANGEA TAKALAEK

BAK KATAO SALUKOH TOH NGATAO…!

PANATAI PAMATAN PUTAUH, TAKULOK JATEUYH KACINDAI LEPAEH, SAKO KCAIK BABUBYI KUA, BAUNDON BAINAOK JANGHEA LAH PUTAUH, KATAO NGAN KASA JANGEA LAH LAPAEH, KIMAK AMAN RUMAH TANGGAO.

KIMAK DUE KATAO SAIRAN…!

KALAO PANDAE MANEMEIH SI PINAN TUO, MAKAN SIRAEH IDEAK KA RAGEU, KALAU KITAO PANDAE DENGAN MINTUO

PINTAK KITAO BULOIH, KENDAK BALAKEU, KOK KA ILEA SARAMPAK ILEA, KOK KAMUDOIK SAREMPAK MUDOIK, SIRAEH TOH MAK SAKAO PINA TOH MAK GAYEO, BAK KATAO SALUKOH NGATAO…!

BILEA DITATAEH SIRAKO TEBEU, MAKO BULOIH MANANAN SARAE, BILEA PUTAEH GAGEAK GAGEAK DIRIMBEA, MAKO BULOIH AWAK BACARAE.

APOLAH NGAN KITAO PINTAK KEPADO ALLAH, SAPAATNYO PADO RASAO, RESKEINYO MINTAKLAH MURAH, AMALANYO MINTAKLAH BATAMBAH-TAMBAH, KOK MANDAPAEK ANAK HENDAKLAH MENDAPAEK ANAK YANG SALEH HENDAKNYO, ITOHLAH NGAN KITAO PINTAK KEPADO ALLAH, SAPAATNYO PADO RASAO.

PNO PERESMIAN MENYERAHKAN

MUNTING ATAU ANAK JANTAN

BISMILLAHIRROHMANIRRAHHIM””

ASSALAMU’ALAKUM WR-WB”

SARAPEK SALURUH KITAO YANG HADER INIH NAN SALAHIK MANDUNH DITNGAH NAN SALINGKUNG MANDUNH DI TPI, SAMPAI KEPENJUROK PENDAPURAN NAN BAPANTAEH BA PRANTINGGAI, NAN TABANDEUNG DIBILIK DELEAM NAN BAREJE O RANTAU NAN BAJANEANG :

IYAOLAH DEPATI-NINIK MAMAK, RIO MUNGGAH RIO MUDEO, UHANG TUO CARDIK PANDAI, PEMUKA MASYARAKAT, ALIM ULAMA, IMAM KHOTIB BILAL DAN GHODHI SARTAO DUEO KEPALA DESA.SENGAJI, NAN TINGGAI DIDALEM ADET NAN GADEANG DIDALAM SYARA’.DATEH NAN DISUNGKUP ATAP BAWEH NAN DIPEMPO LANTAI SARTAO DI LINGKUNG DINDENG YANG BASUDUT MPAT, NAEK IDEAK KAMAI SABUT NAMU GADEANG IDEAK PULAO KAMAI PANGGAELKAN GALE.BAGITEU PULAO KARABET DAKET DAN KARABET JEUH DEHI KADUEO PADEANG JAUH NAN DIPINGGING UNTAONG DAKET NAN DIPINGGIN SIHAEH.MININ BAKUMPOUL DIDUMEAH INIH UNTUK MEMENUHI UNDANGAN LAEK NAN BAJUNJEUNG KARJEO NAN BAPUNGKEO ATAU UHANG YANG TUAH BAJET.

RUPONYO KINAI : PAJELEN JEUH LAH BEIK KITAO UNGAK, PAJELEN DAKET BAIK PULAO KITAO ANSAO, KOK UNDEANG LAH BULEH KITAO BUKAEK, KOK PARANGEO LAH BEIK PULAO KITAO MULAI.KALOH BULETLAH PATUT KITAO GULER, PIAEH LAH PATUT KITAO LAYING.

SUNGGUHPUN BAGITEU : PARAGEO MANUJU BANEAR, NDEKNYUH SANTAU MAKSUD NAN KADISAMPEA, MENGIMAK MANUJU TANGKE NDEKNUH SANTAU BUEAH NAN KALUHAOH, MANABEANG MANANTANG BETENGH NDEKNYUH SANTAU KAYAU NAN KALABEUH, MENGABAT MANTANG BIRIH NDEKNYUH SANTAU KAYU NAN KADI PUTEONG.BAJELEAN MANUJU BETEH, BALEYEAR MANANTANG PULO, MANYUMPAIT NDEK TARASAO DILIDEAH DITANTANG PULO, MANYUMPAIT NDEK TARASAO DILIDEAH MANDUREUNG NDEK TARASAO NAKAOK BASANGKEN BAKETEO BATUMBUK TANTENG, ADET GEYEUNG BASANBEUT ADET WARAIH BAJEWET, ADET PANAO BASIMBEUT ADET KATAO BAJEWEB.KILAT CAMMAIN NDEKNYUK KAMUKAO, KILAT BALIYEUNG NDEKNYUH KA KAKAI, DEN

ULEH KARNU ITUH AKAU MINTEK MAAF KAPADO KAYAO YANG RIBU RATIH NAN BENYEAK INIH. KARNU NANGHEI BAPEGEA DENGAN ADAT TAPIAN BAPEGEA DENGAN BISIUMAH, BATIEANG BATANGANEA AYAM BAINDEUK SAHA BARUMPAUN, ADEO UHANG YANG MAMASAOKKAN PANG MANGKALUA MANGAJAUH ….. MANGARAH.

MANGILAO MAMBANTEANG, BAJELEAN DULEU SALANGAKAH BAKETEO DULEU SAPATAH. YANG ZIKIR KITAO NYATAOKAN YANG BETINO KITAO IMANKAN. AKAU BAKATEO SACARO ADAT TANDO LUAK ADEO BAPANGHULEO KANDO UHANG HE ADAO BAPANGKULAU, TANDO MANGHEI ADEO BATUMEO, DAN TANDO ALAM ADEO BAREJEO.

SBEB ITUH : AKAU NDEK JULUNG BASUWEO YANG TINGGAI TAMPAK JEUH, YANG PUTAEH TAMPAK MALAM DEN YANG DEKAT JULUNG BASUEO: IYAOLAH DAPATI-NINIK MAMAK :…………. SALANGKAH DEHI UHANG BANYEAK INIH, KOK MANAKAOK KAMAILAH DEPET SANGKAN.

TAPI….. SABALUM KAMAI MENYAMPAIKAN MAKSUD DAN UJUD KAMAI PADO AHAI INIH, TALABEH DAHULU KAMAI MINTA MINTEK MAAF KAPADO KAYAO, KARNO BAKETEO KAMAI NDEK DULEU DAPATLAH BAJELEAN NDEK DULEU SELANGKAH KALOH-KALOH LANCANG MULUT KAMAI JADI SALEH LIMBAI DIDELEM UMAH ANEK BATINU KAYAO INIH YANG BALENTENADENGEN ADETSARTAO HALAMEN YANG BAPEGEA DENGAN UNDANG-UNDANG, SARTAO MAAFKAN JUGEO PENDIRIAN AKAU INIH.

PAGIN MAPAUN KATABINGH TINGGEI, NAMPAK KIJEANG DIKILAH, MOHON AMPAUN AKAU BADIREI. PADO BETIMH NUH DUDEUK BASIMPEUH.

BAGINEI PETEI-N-MAMAK ! ADEOPUN DETENG DAN TIBO KAMAI KARUMEH ANEK BATINO PULAO DETENG UNTUK MANYARANG TIBO NDEK MARUMPAK. TAPI …. KAMAI MARASO SNANG MANAO, LAHIK DAN LAMAN KAYAO LAH KAMAI TAMPAOH, TANGGO KAYAO LAH KAMAI DEKEI YAO BANTEANG SARTAO TANTAEK, TIBO KAMAILAH KAYAO SAMBUT, DAN DUDUK KAMAILAH KAYAO MULYOKAN.DENGEN BABANTEANG TIKA BAKEMBANG LAPAEK BAPARIUK GADEANG LAH BATUNGKU JEHEANG.NASAI LAH KAMAI MAKAN LAH TARASO KANYANG, AYAEK YANG KAMAI MINAUN LAH LAPAEH AIH, DEN GULEN YANG KAMAI KICAP LAH TARASAO LAMAK DENGEN MANIHNYO.ALHAMDULLILAH KAMAI UCAPKAN KARNU LITAK LAH LAPEAH, MPAOK LAH HILANG, PNATLAH ABEIH PANJAN LAH SUDEAH.MUDAH-MUDAHAN ALLAH MEMBELEH JESO BAIK KAYAO YANG TSB TADIH.

APAOLAH NIAN DETENG DAN TIBO INIH, PETEI – NINIKMAMAK !….. BAK KATO KAYAO JUGEA KARSIK DEUNH LALANGH KARSO DEUNH BULEUH.TAPI KAMAI PETEI-NINIKMAMAK, IDEAK PULAO NDEK NGAJEI DEHI ALIF MAMBILEANG DEHI SAO, KARNU KAMAI NDEK NAPAT JENJI NAMUN SAMANYAO, JENJI DIBUAT DIMULYEOKAN JENJI SAMPAI DITEPATI MININ JANJI YANG KAMAI DAPET IKRAR NAN DIHUNI SAMAYAO NAN NDEK KAMAI TUNGGAU KATO DULU NAN KAMAI DAPET KATO KUDIAEAN IDEAK DICEREI LAGEI.

APAO KOK KINAI PECEI-NINIKMAMAK ….! BULET KAMAI LAH SAGULER, PIPAEH LAH SALAYANG, BIANGLAH TABEUK GANTEANGLAH BALELEH.ULEH KARNU, KALU ORANG BER TEGAK RUMAH PANNO KITO KATOKAN BEGINI.

RAPAT RAPILAH KITO YANG DIATAS BUMI YANG LUAS INI, YANG DISUNGKUP OLEH LANGIT YANG BIRU DALAM PARTI YANG BERSUDUT EMPAT, YANG DIGENDUNG LAWANG YANG BERPINTU DUO.

ADAPUN KAMI INI DI UCAPKAN DAN DISERAYO DAN DISERAHKAN UNTUK MELANGSUNGKAN KATO, MENYAMPAIKAN PANNO, MEMBILANG SEPANJANG ADAT, SIPANGKALAN HARI INI, FIRMAN TUHAN “BERTOLONG KAMU ATAS KEBAIKAN DAN TAQWA”.

KATO ORANG AHLI ADAT MAKRIFAT MENGATOKAN BARAMULO NIAT ITU, SAMPAI PADA ALLAH SWT.DAN KATO ORANG SYARI’AT ITU, SESUATU PEKERJAAN ITU HENDAK DIKERJOKAN DAN DISYARI’ATKAN JUGO.

YANG MANO, ANAK BATINO KITO, DIRUMAH INI MENGUNDANG BAPAKDEPATI NENEK MAMAK SELURUHNYO SERTO ORANG TUO CERDIK PANDAI SERTO LAIM ULAMA IALAH …………… KARENA ANAK BUTINO KITO INI ……….. ALAT PERAMUAN RUMAH TELAH CUKUP, KETAM SUDAH BERDESIS, PAHAT SUDAH BERDENTING, TUKOK SUDAH BERBUNYI, TIANG SUDAH BERBARIS, ALANG SUDAH TERPASANG PULO,……… IALAH, MINTAK DITEGAKKAN RUMAHNYO ………… APAKAH SEKARANG INI ……… KAMPUNG BER NAN TUWO, NEGERI BARAJO, LUHAK BAPANGHULU, RUMAH BATANGGANAI, NEGERI BERPAGAR ADAT TIPIAN BERPAGAR BASO, …..

MAKO KAMI UNDANG BAPAK SEMUA INI, KARENO BAPAKLAH YANG MENGAJUN MENGARAH, MEMBILO MEMBENTANG, MELARIK MENJEJERKAN ARAH KECIL ARAH BESAR, BAPAK MENGENENGAHKAN DAN BAPAK PULO YANG MENGENEPIKAN, MASUK PETANG KE LUAR PAGI, YANG JAUH BAPAK ULANGI, YANG DEKAT BAPAK SINGAHI, BAPAK PULO, YANG MENGAWASI, MENGIKAT MEMBUHULKAN, DUKUNG PANGKU, ATAS SEGALO ANAK BUAH BAPAK.

SIRIH YANG SEKAPUR, ROKOK YANG SEBATANG DIATAS CERANA, KAMI KETENGAHKAN PADA BAPAK DEPATI NENEK MAMAK URANG TUO CERDIK PANDAI SERTA ALIM ULAMA DAN PEMANGKU ADAT :….. APO YANG KAMI MINTAK : SEKARANG INI ,……..

KEHENDAK SUPAYO BERLAKU, MINTAK SUPAYO BOLEH, DO’A SUPAYO DIKABULKAN.

APOLAH SEKARANG INI, KAMI MINTAK PADO KAYO IALAH: MINTAK IZIN MENEGAKKAN RUMAH, YANG MENGHILANGKAN, MATI YANG MEMBANGUN, LUKO YANG MERAMPAS, ITULAH, YANG KAMI MINTA KPADO KAYO BAPAK SEMUANYO., EMAS SE EMAS NINIK MAMAK, EMAS SE EMAS DEPATI.

KATO SAMPAI PEMBICARAAN TAMAT, BERI MAAF HATI YANG SUCI, SEKIAN DAN TERIMA KASIH, ASSALAMUALAIKUM WR.WB.

PARNO PERKAWINAN

DESA TANJUNG PAUH HILIR DAN PONDOK SIGUANG

ASSALAMU’ALAIKUM WARAH MATULLAH HIWABARAKATUH

YANG KAMI HORMATI PUCUK ADAT BAPAK DEPATI TANJUNG PAUH, YANG TERHORMAT BAPAK KEPALA DESA TANJUNG PAUH HILIR BESERTA STAF, YANG TERHORMAT BAPAK KEPALA DESA PONDOK SIGUANG BESERTA STAF

YANG KAMI HORMATI PUCUK SYARAK BAPAK QADI IMAM PEGAWAI MASJID

BAPAK TUNGGAK PAMAREH CERDIK PANDAI ALIM ULAMA, TUO-TUO TANGGANAI, KETUA BPD PARA PEMUKA MASYARAKAT YANG KAMI MULYAKAN.

PERTAMA DAN UTAMA SEKALI MARILAH KITA BERSAMA SAMA MEMANJATKAN PUJI SYUKUR KEHADIRAT ALLAH SWT YANG MANA DENGAN RAHMAT DAN IRADAH IA JUALAH KITA DIBERI KESEHATAN DAN KESEMPATAN UNUTK DAPAT HADIR MEMENUHI UNDANGAN SEPENGKALAN PADA MALAM INI.

BAPAK-BAPAK IBU-IBU PARA UNDANGAN YANG BERBAHAGIA, KAMI ATAS NAMA SEPENGKALAN YANG BERSIHIH BAPINANG MENGATURKAN RIBUAN TERIMA KASIH YANG SETINGGI-TINGGINYA KEPADA BAPAK-BAPAK DAN IBU-IBU YANG TELAH SUDI KIRANYA UNTUK MEMENUHI UNDANGAN KAMI SEPENGKALAN PADA MALAM INI.

BAPAK-BAPAK IBU-IBU YANG KAMI MULIAKAN

KAMI SEPENGKALAN PADA MALAM INI BAK PEPATAH MENGATOKAN TANJUNG PAUH PONDOK SIGUANG, PERGI MEMIKAT KEKOTO PETAI, PANDANGAN JAUH LAH KAMI LAYANG,

PANDANGAN DEKAT LAH KAMI KUTEK.

YANG JAUH LAH KAMI LAYANG DENGAN SEPUCUK SURAT, MANO YANG DEKAT LAH KAMI UNDANG KAMI PANGGEI DENGAN SIRIH PANGGEI.

ADO PULO PEPATAH ADAT MENGATOKAN, HARI PTA KETIKO SENJO, SBAU-SBAU SEKUNYIT MLAII, YANG KAMI TANTEK KINAI LAH TIBO, NAN KAMAI TUNGGAU KINAI LAH SAMPE. YANG JAUH KINAI LAH DATANG, YANG DEKAT KINAI LAH BUKUPOI PULO, LAH SAMPE PULO KUTEMPAT KAMAI PADO MALAM INEH, BERUPO LAMA LAH KAYO PIJAK, TANGGO LAH KAYO TKEI,  PINTAU TABUKAK LAH KAYO SUHUK, TIKA YANG TIKEMBANG LAH KAYO DUDUKKAN PULO.

BAPAK-BAPAK PARA UNDANGAN YANG BERBAHAGIA.

KEDATANGAN BAPAK-BAPAK DAN IBU-IBU PADA MALAM INI KAMI SAMBUT DENGAN HATI YANG SUCI DAN MUKO YANG JERNIH. TEGAK LAH KAMAI PAMO, DUDUK LAH KAMAI MULYOKAN PULO, DARAH DIDADO RASOLAH TENANG, ROKOK YANG KAYO ISAP LAH TAPUTO, SIRIH NAN SAKAPO YANG DIMAKAN LAH BASPAH PULO, LAH SEWAJARNYO PULO KAMAI SEPENGKALAN MENGENENGAHKAN SEPANJANG HAJAT KAMI PADO MALAM INI.

BAPAK-BAPAK PARA UNDANGAN YANG BERBAHAGIA

KAMI SEPENGKALAN YANG BESIHEH BAPINANG PADO MALAM INI, LAH SENGAJO SIHEH, SENGAJO PINANG MENDUDUK KAYO DUPATI NENEK MAMAK, QADI IMAM PEGAWAI MASJID. MENURUT ADAT YANG KITO PIKO KITO PAKEI DIDALAM NEGERI KITO INEH, PADA SIANG HARITADI KAMI ATAS NAMA SEPENGKALAN TELAH MEMOTONG KAMBING SATU EKOR, BERAS SEPULUH, AYAM SATU EKOR DAN PADO MALAM INI KAMI KETENGAHKAN PULO BERUPO HIDANGAN NASI NAN SEPINGGAN, GULAI NAN SEPIRING, AIR NAN SEGELAS.

MENYATAKAN MENGADAKAN KENDURI WALIMATULURUS ATAU PERESMIAN PERNIKAHAN ANAK KEPENAKAN KAMI …………. BIN DENGAN …………… BINTI …………………… YANG TELAH DILAKSANAKAN PADA HARI …………… TANGGAL …………………. TAHUN. SEKALIGUS PADO MALAM INI ANAK MENANTU KAMI INI RESMI MENJADI ANAK JANTAN ANAK BATINO KAYO DUPATI, NENEK MAMAK TANJUNG PAUH MENGINGAT ADAT LAMO PUSAKO USANG, ADAT JANGAN KUPAK LEMBAGA, JANGAN SUMBANG MOHON KEPADO KAYO DUPATI NENEK MAMAK TERHADAP ANAK KEMENAKAN KAMI INI DIAJUN DIARAH, DIAYU DIPUPU DI CUPAK DIGANTANG SEKALIGUS MINTAK DIBERI GELAR KEPADA MEMPELAI YANG LAKI-LAKI , BEGITU PULA KEPADA QADI IMAM PEGAWAI MASJID MAKLUMLAH ANAK KEPENAKAN KAMI INI UMUR BELUM SEUMKUR JAGUNG DARAHNYO BELUM SETAMPUK PINANG DIBERI PETUNJUK, GELAP MINTAK DITERANGKAN, SALAH MINTAK DISAPO, LICIN MINTAK DIBIMBING, DITUNJUK JALAN YANG BENAR JALAN YANG DIRIDHAI OLEH ALLAH SWT.

BAPAK-BAPAK YANG BERBAHAGIA.

MARILAH BERSAMA-SAMA MOHON KEPADA ALLAH SWT. SEMOGA PENGANTEN DUA LAKI-ISTRI DALAM RUMAH TANGGA MENDAPAT BARAKAH DARI ALLAH YAITU RUMAH TANGGA YANG MAWADDAH WAROHMAH, SAIYO SAKATO, SAILE SAMUDEK, KOK MANDAKI SAMO-SAMO MANDAPAT ANGIN, KOK KALUHAH SAMO-SAMO MUNDAPAT AIR.

SEMOGA MENJADI RUMAH TANGGA YANG PENUH RASA KASIH SAYANG SEPERTI ADAM DENGAN SITI HAWA, YUSUF DENGAN SULAIHA, NABI MUHAMMAD SAW. DENGAN DENGAN SITI KHADIJAH. DAN MOHON JUGALAH KEPADA ALLAH SEMOGA PENGANTEN DUA LAKI ISTRI MASA-MASA YANG AKAN DATANG UMUR LANJUT, REZEKI MURAH.

BAK PEPATAH ADAT MENGATOKAN.

KOK MENCAHAI ITOH NDOK MEH, KOK BAUMO ITOH NDOK PADI,

KOK MANDAPAT ANAK-ANAK YANG SALEH TAAT KEPADA ALLAH

PATUH KEPADA KEDUA IBU BAPAKNYO, BERBAKTI KEPADA NUSA DAN BANGSA.

BAPAK-BAPAK IBU- IBU YANG KAMI HORMATI.

ADO PULU PEPATAH ADAT MENGATAKAN YANG MANO. SEKALAI KEINDRA PURO, DUO TIGO PULO KEBATANG KAPEH, SEKALAI HENDAK BICARO, DUO TIGO PULO HUTANG DILAPEH.

YANG MANO TENTANG HIDANGAN YANG KAMI KETENGAHKAN INI MENJADI SEDAKAH ARUWAH KAUM KERABAT KEDUO BELAH PIHAK, NENEK MUNYANG TERKEATAS, ANAK CUCU TERKEBAWAH BAHKAN KAUM MUSLIMIN DAN MUSLIMAT MUDAH-MUDAHAN DENGAN BERKAT DO’A KITA BERSAMA MENDAPAT RAHMAT DAN NIKMAT KUBUR HENDAKNYA, DAN JUGA TIDAK LUPA PULA MENJADI SADAKAH NENEK YANG TIGO BARADIK, YANG SAKTI, YANG KARAMAT, YANG TELAH MENGAJUN MENGARAH NEGERI KITO INI YANG BERSUDUT EMPAT DIKANDUNG LAWANG YANG DUO.

KHIR PEPATAH MENGATOKAN.

KAYU ARO PASA SEBELAH, UHANG MUNJUAL IKAN HIU, KINI PARNO IYOLAH SUDAH, MAKO DOA KITO SERAH KETUAN GURU.

JAWAB

LAH BUBUNYI BURUNG KUKOTO PTEI, NYO TEDENGAR KEMUARO TANJUNG PAOH, KETEMPAT KATO IYOLAH KEKAMI SINI, TAPI TUKANG DENGA KITO BUSAMO.

  

ROKOK LAH KAMI ISAP, SIHEH SIKAPO LAH KAMI MAKAN, KALAU IDAK KATO DIJAWAB, MANO PULO BISA TAU DIHAJAT.

LAH BIASO GULO MERESAP, PISANG BERBUAH, JAGUNG BERAMBUT, LAH BIASO KATO BEJAWAB, ANDAI BERTINGKAH, SAMBUT MENYAMBUT.

KINI KATO UHANG TUO-TUO:

DARI RAWANG MUDIK BELUI, DIDARAT DUSUN KEMANTAN, DARI AWAL SAMPAI KEAKHIR, KAYO LAH MENYAMPAI HAJAT SEPENGKALAN.

KOK SEKALAI KEINDRA PURO, DUO TIGO PULO KEBATANG KAPEH,

SEKALI KAMI MENJAWAB PNO, DUO TIGO UTANG LAH KITO LPEH.

SELANJUTNYO PULO MARI KITO MINTAK DIBACO DO’A MAK ANAK KITO BEDUO, AMAN DALAM RUMAH TANGO, SEHAT BADAN MURAH REZEKI, IDAK LUPO PULO NENEK MUNYANG KEATAS ANAK CUCU TERKEBAWAH, KOK SEMPIT MINTAK DILAPANG, KOK BERAT MINTAK DIRINGAN, KOK RINGAN MINTAK DIHILANG,, KOK GELAP MINTAK DITERANG.

DURIAN DITENGAH PADANG, AKANYO SUSUN BUSUSUN, SIHEH PINANG LAH DIMAKAN, HIDANGAN LAH DIKETENGAHKAN.

KINI BU UMO IYOLAH KESAWAH, ADALAH JUGO DINGAN DULU, KINI PARNO IYOLAH SUDAH, DO’A KITO SERAH KEPADO TUAN GURU.

BAPAK-BAPAK SAUDARA-SAUDARA YANG BERBAHAGIA.

MARILAH KITA BERSAMA-SAMA MEMANJATKAN DO’A BAROKAH, DO’A TOLAK BALA KEPADA ALLAH JIKALAU ADA BALA YANG CUCUR DARI LANGIT TERBESUT DARI BUMI, DATANG MEMUJUR, DATANG MELINTANG ARAHNYA KEPADA PENGANTEN DUA LAKI ISTRI. BAHKAN KEPADA ANAK JANTAN ANAK BATINO KAYO DUPATI NENEK MAMAK MINTAK DIJAUHKAN OLEH ALLAH.

DENGAN BERKAT DO’A KITA BERSAMA-SAMA. SEKALIAN KAMI SEPENGKALAN PADA MALAM INI TERHADAP PARA UNDANGAN JIKA TERDAPAT KEHILAPAN DAN KEALPAAN SEPERTI DUDUK TIDAK PADA TEMPATNYA DAN HIDANGAN YANG TIDAK BERKENAAN DENGAN SELERA. SEKALIGUS SAYA SEBAGAI PENYAMPAIAN HAJAT PADA MALAM INI MOHON DAPAT DIHANYUTKAN DIDALAM SUNGAI KEMAAFAN.

AKHIR KATA SAYA TUTUP DENGAN

WABILLAH HITAUFIK WAL HIDAYAH

WASSALAMU’ALIKUM WARAH MATULLAH HIWABARAKATUH

PARNO ADAT MANGGIN TAHU

ASSALMUALAIKUM WR.WB.

SEIRING BALAM DENGAN MURBAH BALAM LALU MURBAH MANDI, SEIRING SALAM DENGAN SEMBAH SALAM LALU SEMBAH KEMBALI, SALAM KAMI TUJUKAN KEPADO KAYO SELAKU DEPATI NINIK MAMAK PEMANGKU ADAT SEMBAH KAMI SAMPAIKAN KEPADO KAYO STAF NEGERI DALAM PARIT YANG BESUDUT EMPAT KINI NAN KURIK KUNDU NAN MERAH SAGO NAN BAIK BUDI NAN INDAH BASOPUTIH KAPEH DAPAT DIKIMAK PUTIH HATI BERKEADAAN.

PADO MALAM INI NYATO DIALAM TERANG DIAREH DAN MENGINGAT KEJO BAPUKOK SILANG BUPANGKA KAMI DARI ANAK JANTAN TEGANAI RUMAH INI LAH DAPAT KATO SELUKU DAN MUFAKAT UNTUK MENYAMPAIKAN HAJAT DAN MAKSUD CUPAK GANTANG KITO KEPADO KAYO STAF NEGERI MAKO PENYAMPAIAN KATO KAMI TUJUKAN KEPADO NINIK MAMAK PEMANGKU ADAT ALU KAKAYO PUMEN PUNUMBUK KATO.

BEGINI KAYO NINIK MAMAK,

MENGINGAT NEGERI YANG BUPAGA ADAT TAPIAN BUPAGA BASO PADANG BUPAGA MALU RUMAH BUTAGANAI KAMPONG BATUO LUAK BUPANGHULU ALAM BARAJO, PADO MALAM INI SENGAJO KAMI MERUNGGUHKAN STAF NEGERI KARNO KAYO TUWEN ANAK BUAH ANAK PUNAKAN MASUK KAPETANG NGALUAKAN PAGI MENGARAH MANGAJUN MENGILO MEMBENTANG KARNO PADA MALAM INI CUPAK GANTANG KITO NAK MANGGIN TAHU KEPADO KAYO YAITU NAK MUTONG KAKI EMPAT ATAU NAK MUNUH KAMBEK/BIRI2 , JAWI [1] DALAM RANGKA MAU ANAK KE SUNGAI ATAU TURUN MANDI YAITU PADO HARI JUM’AT DAN LANGSUNG KENDURI, JADI PADO HARI ITU KAMI MINTAK KEPADO KAYO UNTUK DAPAT MENGARAH MENGAJUN, SEBALIK DARI PADO ITU PULO KARNO KITO MENGINGAT SIGEDONG-GEDONG KEJO BAPULONG PERTENGAHAN KEJO BANJUK TAHU SEKICIK KEJO SETAHU MENURUT ICO PAKAI KITO ADAT RUSAK LUMBAGO JANGAN SUMBIN JADI PADO MALAM HARI INI KALU ADO KANTI KANTI KAYO DENGAN IDAK HADIR ATAU IDAK TIBO KATO-MENGATO NYAMPAI MENYAMPAI BAHWA PADO HARI TERSEBUT KAMI MINTAK DIHADIRI KENDURI CUPAK GANTANG KITO INI JADI SEBAGAI PENYAMPAIAN KATO WATEH PUMEN KALU JARANG SISUT KERAP TUHONG DI NINIK MAMAK,, TERIMO KASIH.

PARNO ADAT MAMPEH

ASSALMUALAIKUM WR.WB.

SEIRING BALAM DENGAN MURBAH BALAM LALU MURBAH MANDI, SEIRING SALAM DENGAN SEMBAH SALAM LALU SEMBAH KEMBALI, SALAM KAMI TUJUKAN KEPADO KAYO SELAKU DEPATI NINIK MAMAK PEMANGKU ADAT SEMBAH KAMI SAMPAIKAN KEPADO KAYO STAF NEGERI DALAM PARIT YANG BESUDUT EMPAT KINI NAN KURIK KUNDU NAN MERAH SAGO NAN BAIK BUDI NAN INDAH BASOPUTIH KAPEH DAPAT DIKIMAK PUTIH HATI BERKEADAAN.

PADO MALAM INI NYATO DIALAM TERANG DIAREH DAN MENGINGAT KEJO BAPUKOK SILANG BUPANGKA KAMI DARI ANANK JANTAN RUMAH INI LAH DAPAT KATO SELUKU DAN MUFAKAT UNTUK MENYAMPAIKAN HAJAT DAN MAKSUD CUPAK GANTANG KITO KEPADO KAYO STAF NEGERI MAKO PENYAMPAIAN KATO KAMI TUJUKAN KEPADO NINIK MAMAK PEMANGKU ADAT ALU KAKAYO PUMEN PUNUMBUK KATO.

BEGINI SEGALO KITO NGAN DUDUK, MENGINGAT NEGERI BUPAGAT ADAT TAPIAN BUPAGA BASO PADANG BUPAGA MALU ADAT JANGAN RUSAK LEMBAGO JANGAN SUMBIN ADAT ICO PAKAI KITO CONTOH YANG SUDAH TUWAH YANG MENANG TITIN TIPASANG LAH DITITI JALAN DIRAMBAH LAH DITEMPUH APOBILO CUPAK GANTANG KITO DAPAT MUSIBAH ATAU SESUATU KITO PAMPEH UNTUK MENJADDI OBAT DIMANO CUPAK GANTANG KITO TADI BAK KATO PEPATAH MENGATOKAN MALANG TAK DAPAT DITULAK MUJUR TAK DAPAT DIRAIH MALANG SEKIJAB MATO MUJUR SEPANJANG HARI LAH TERJADI PELANGGARAN SIANG TADI LAH LUKO JANGAT GURIH DAGING MUDAH-MUDAHAN DENGAN TEPUNG TAWA INI SAKIT CUPAK GANTANG KITO MAKNYU BURANSU SIHAT BUBALIK ASO DENGAN DULU NGULANG ASO DENGAN LAMO DAN UNTUK AKAN DATANG BELA DUNIA BELA AKHIRAT DIJAUHKAN ALLAH HENDAKNYO,

JADI NITULAH PUMENNYU, TERIMO KASIH.

PARNO MEMBAYAR UTANG (MAYIE UTANG)

PEPAT DIPEPAT BATANG KADUDUK, BATANG CEMPAKO DI DUO KUTO, SERAPAT KITO DENGAN DUDUK ALU KE NINIK MAMAK KETUMBUK KATO; KOK BUKATO DALAM ADAT, JIWA ITU TANDA, RIMBO JANJI, LAUT PIKI; KOK BUKATO DALAM PESUKO, MUNANAM SELINGKUNG PAGA.

ADAPUN NAMO YANG TERANG DALAM ADAT 4 PERKARO : PERTAMO NAMO DEPATI ; KEDUO NAMO NINEK MAMAK ; KETIGO NAMO TEGANAI ; KEEMPAT NAMO ANAK JANTAN.

MLI GULO ILUK BUKANTI; DIBELI DI PEKAN TINGGAN; KAMI PARNO MULAI KINI; NAK BILANG MAKSUD CUPAK DINGE GANTANG, IDAK DI BILANG MAKSUD CUPAK DINGEN GANTANG; JANGAN SEPERTI AYI DALAM PINGGAN; IDAK BU ULU IDAK BU MARO; TERBIT AYI DARI ULU, TERBIT GETAH DARI BATANG; TERBIT ANGIN DARI POHON; TERBIT KATO DARI CUPAK DINGEN GANTANG; KARNO CUPAK DEINGE GANTANG; LAH DAPAT SUSUN DINGE TINDIH TOP DINGE ANGGIT UNDIN DINGE SLUKU LAH MULEK AYI DI PEMBULUH LAH GETU KATO MUFAKAT.

KATO TISERAH PADA URANG SURANG, MENGINGAT KITO UMAH BUTAGANAI ; KAMPUNG BUTUO, LUAK PENGHULU ALAM BURAJO; SENGAJO DI RANGKUH KITO ANAK JANTA TEGANAI UMAH; TAU-TAU PATI PENGHULUI; SERTO KAYO PERBUKALO; BUNGKAN YANG EMPAT ; IMAM, KATIB, CERDIK PANDAI; SERTO KAYO ANGGOTA BPD; LAH HADIR PULO BAPAK KEPALA DESA, SENGAJO MERANGKUHKAN KAYO TERSEBUT PADA MALOM INI; SEBAB KAYO ITU DINGEN MGANG KUNCI KAMPUN PASAK NEGERI; MNAUN KE JENGKUN DINGE PAKUNYU; MANO KITO SELAKU HAMBA ALLAH; UMAT MUHAMMAD; SURUH KERJO TEGAH DI NTI;SAH DIPAKAI BATAL DIBUANG.

MENGINGAT KITO BUSKO KAMARKEN ; BA ADIK BAKAKAK; BU KAUM SANAK SAUDARO; SENGAJO DIRUNGGUH KITO ANAK JANTAN; KEDUO BELAH PIHAK PADA MALAM INI; ANAK BUAH ANAK PNAKEN KITO IA BSERANG SELISIH, KALU KUSUT KITO USAI KALU SILANG NA KITO SUSUN KALU SARANGN NA DIBAGI KALU RENGGANG NA KITO PATUT; NYATO DIAREH TERANG DIALAM, SI A IA TICALIK DI GUNUNG KAPU; PUTIH TUNJUK; TEINJAK DI GUNUNG ARANG; ITAM TAPAK; KALU DI GANTUNG SUKO TINGGI KALU DUSO SUKO TUBAT; KALU SALAH SUKO BATANG

MENUHUT ICO PAKAI SEJAK DULU SAMPAI SEKARANG, KALU SALAH TENTU YO BUTANG MENURUT TOP JENANG DEINGE RAJO ADAT KAYO IDAK KUPAK LAMAGO IDAK SUMBING INI NYU MEH NYU, PUTIH KAPEH BULI DILIHAT; PUTIH HATI BERKENYATAAN KALU JARANG SISUT KERAP TUHONG.

JAWABAN PARNO

ADOPUN NAMO NGE TERANG DALAM ADAT EMPAT PERKARO PERTAMO NAMO DEPATI KEDUO NAMO NINEK MAMAK KETIGO NAMO TEGANAI KEEMPAT NAMO ANAK JANTAN NYATO DIAREH TERANG DIALAM.

PADA MALAM INI ANAK BUAH ANAK PENAKAN KITO IA DAPAT SUSUN DINGEN TINDIH TOP DINGE ANGGIT UNDIN DINGE INUK NGE KUSUT LA SELESAI NGE BSILANG IA PATUT NGE KRUH LA JERNIH NGE BUSLANG KANG LAH SUSUN UJUNG PANGKEN YO BUSUO.

ANAK BUAH ANAK PANAKAN KITO LAH CALIT DI GUNUNG KAPU TENTU YO PUTIH TUNJUK TPIJAK GUNUNG ARANG ITAM TAPAK.

PADA MALAM INI IDAK LAHI PADO ICO PAKAI KITO SEJAK DULU SAMPAI SEKARANG KALU DUSO TUBAT SALAH BUTANG UTANG DIBAYA.

PADO MALAM INI ADAT IDAK KUPAK LEMBAGO IDAK SUMBING INI MEH NYO

PARNO PERTUNANGAN

PEPAT DIPEPAT BATANG KADUDUK BATANG CEMPAKO DI DUO KUTO SERAPAT KITO DENGAN DUDUK ALU KE NINIK MAMAK KETUMBUK KATO, KOK BUKATO DALAM ADAT JIWA ITU TANDA, RIMBO JANJI, LAU PIKI KOK BUKATO DALAM PESUKO MUNANAM SELINGKUNG PAGA ADAPUN NAMO YANG TERANG DALAM ADAT 4 PERKARO PERTAMO NAMO DEPATI KEDUO NAMO NINEK MAMAK KETIGO NAMO TEGANAI KEEMPAT NAMO ANAK JANTAN;

MLI GULO ILUK BUKANTI DIBELI DI PEKAN TINGGAN KAMI PARNO MULAI KINI NAK BILANG MAKSUD CUPAK DINGE GANTANG IDAK DI BILANG MAKSUD CUPAK DINGEN GANTANG JANGAN SEPERTI AYI DALAM PINGGAN IDAK BU ULU IDAK BU MARO TERBIT AYI DARI ULU TERBIT GETANG DARI BATANG TERBIT ANGIN DARI POHON TERBIT KATO DARI CUPAK DINGEN GANTANG KARNO CUPAK DEINGE GANTANG LAH DAPAT SUSUN DINGE TINDIH TOP DINGE ANGGIT UNDIN DINGE SLUKU LAH MULEK AYI DI PEMBULUH LAH GETU KATO MUFAKAT KATO TISERAH PADA URANG SURANG.

MENGINGAT KITO UMAH BUTAGANAI KAMPUNG BUTUO, LUAK PENGHULU ALAM BURAJO SENGAJO DI RANGKUH KITO ANAK JANTA TEGANAI UMAH TAU-TAU PATI PENGHULUI SERTO KAYO PERBUKALO BUNGKAN YANG EMPAT IMAM, KATIB, CERDIK PANDAI SERTO KAYO ANGGOTA BPD LAH HADIR PULO BAPAK KEPALA DESA.

SENGAJO MERANGKUHKAN KAYO TERSEBUT PADA MALOM INI SEBAB KAYO ITU DINGEN MGANG KUNCI KAMPUN PASAK NEGERI MNAUN KE JENGKUN DINGE PAKUNY KALU MENEBANG MENUJU BANGKA MELANTING MENUJU TAMPUK MENIMBAK MENUJU ALAMAT ANYUT BUGO DARI ULU BUNGO CEMPAKO KMBANG MASAK DIMAKAN PUNAI MARABAH.

KINI JANJI NAK TPET ARAM NAK DI HUNI KATO DULU NAK TEPATI ADET UHA KERIMBO ADO RINTEH DINGE TERANTANG

ADET UHANG BUKAYO ADO LEPANG NGE BUTAKUK ADET UHA BUTUNONG ADO SEBENTUK CINCIN SEBILAH JARUM BUNGO MEH BUNGO MENTAWI URANG BUKUDO DARI JAMBI PADO MALOM INI TUKA MEH BJUANG BLI BUKA PIRAK DINGE KITO MNAGO.

PADA MALOM INI MLETAK TANDA SI A DENGAN SI B

KALU KERANG TUHONG KALU JARANG SISUT SADI ITU KATUNYO NINEK MAMAK

JAWAB PARNO PERTUNANGAN

NAK KAMI TULAK BUKAN NYO RAKIT NAK KAMI KABIN BUKANYO PERAHU NYATO DI AREH TERANG DIALAM PADO MALAM INI LAH CUCOK WEH MLAWEN BUKU LAYAK MLAWEN JODOH.

NEPAT ARO BUBUNGO KUNING NEPAT DURIAN RUNTUH SIPAGI NEPAT PISANG MASAK SMALAM BUKAN TUHA PENDAPAT SEMILAN KALI BAIK SEPULUH KALI AGUNG, ANAK NGINI LA MELETAK TANDO LAH JADI ANAK BUAH ANAK PNAKAN KITO JESAK PADO MALAM INI KALU NGPIN LAH SAMO GDANG NIMBANG SAMU BRET NGUKU SAMO PANJONG JAUH PAGA ATI DEKAT PAGA MATO LA JADI ANAK BUAH ANAK PENAKAN KITO.

MANO TMILANG DICACAK SITU TMILANG TUMBUH MANO BUMI DIPIJAK SITU LANGIT DI JUNJUNG MANO NEGERI DI TUNGGU SITU ADAT DI TUHUT MANO KAYO BILANG DARI AWAL SAMPAI AKHIR JARANG IDAK DAPAT DISISUT KERAP IDAK DAPAT DI TUHONG LAH YO NIA GALU SADU NGE KAYO KATO.

PARNO NGUNJUK TAU

SUNGGUH BANYAK IKAN DI LUBUK, SIKU UGO DENGE KENO JALO, SUNGGUH BANYAK KITO DINGE DUDUK, ALU KA NINIK MAMAK KUTUMBUK KATO, KINI NAK KITO BILANG JUGO USUL DINGEN ASAL, SEBAB DINGEN KARNO.

KALU IDAK DIBILANG USUL DINGE ASAL, SEBAB DINGE KARNO JANGAN PULO SAMU DINGEN AYI DALOM SAYAK, IDAK TENTU PULO ULU DENGE MARO.

KINI TERBIT AY DARI ULU, TERBIT GETAH DARI BATANG, TERBIT ANGIN DARI POHON, TERBIT KATO DARI CUPAK DINGE GANTANG, MANO CUPAK DINGE GANTANG DIRUMAH INI, LAH DAPAT PULO UNDING DINGE INOK, TOP DINGE ANGGIT, SUSUN DINGE TINDIH.

KOK ILI LAH SERENTAK SATANG, KOK MUDIK LAH SERENGKUH DAYUNG, KOK TERENDAM LAH SAMO BASAH, KOK TERAMPAI LAH SAMO KERING, KOK TERAPUNG LAH SAMO ANYUT, LAH SELETUH BEDIN SE ALUN SUHAK, SE IYO SEKATO, SECIOK BAK AYAM, SEDENTING BAK BESI, SERUMPUN BAK SERAI, LAH BULEK AI DIPEMBULUH, MULEK KATO DEK MUFAKAT.

 

KATO TERSERAH PADO URANG SURANG, YANG MANO SEPANGKALAN PADO MALAM INI, SENGAJO MERENGGUHKAN KAYO INI ANAK JANTAN TEGANAI RUMAH BESERTO KAUM ADAT,CERDIK PANDAI,ALIM ULAMO, LAH HADIR PULO BAPAK KEPALA DESA PENGHULU JIWA NEGERI, ULU BALANG TABING NEGERI, ALIM ULAMO SULUH YANG AMAT TERANG AI YANG AMAT JERNIH, KAUM ADAT YANG NGUNCI KAMPUNG PASAK NAGERI, DINGE NAK NYEKUN DINGE PAKU, DINGE NGILO DINGE MENTANG, MENGARAH MENGAJUN ANAK BUAH ANAK PUNAKAN, DINGE NGULUA KA PAGI MASUK KA PTANG, ANAK BUAH ANAK PUNAKAN DALOM NEGERI KITO INI, MENURUT ADAT DINGE ICOKITO PAKAI, SIGDONG-GDONG KJO BU PULONG

PERTENGAHAN KJO NGENJUK TAU, SIKCIK-KCIK KJO SITAU NAMPAK NYO SEPANGKALAN PADO MALAM INI NAK NGENJUK TAU YAITU NAK MUTONG KAKI MPAT PADO HARI ……………..

PUMEN NYU ANAK NGINI NAK MAU ANAK TURUN KESUNGAI NAK MULPEH UTANG, BUKAN PULO UTANG MEH DINGE PIRAK

YAITU UTANG TERHADAP ANAK ADO PULO LIMO PARA KARO:

1. UTANG TINDIH TABUNG, 2. MAU ANAK TURUN KE SUNGAI, 3. SUNAT RASUL, 4. MULPI ANAK NUNTUT ILMU, 5. TIKAH KAWIN. NAMPAK NYU ANAK NGINI NAK MULPEH UTANG KE …………. JADI SEGALO KAYO DINGE HADIR PADO MALOM INI

MUHON PULO KAYO HADIR PADO HARI ……….. DAN MANO KANTI KAYO YANG IDAK HADIR MALOM INI MUHON PULO KAYO SAMPAI MENYAMPAI KATO MUNGATO SUPAYO KAYO SAMO-SAMO HADIR PADO HARI ………. UNTUK MENGARAH MENGAJUN PADO HARI ITU

JADI SEJAK DARI AWAL SAMPAI AKHIR NYU TADI, APU DINGE LAH KAMI SAMPAIKAN TADI, KOK JARANG TULUNG KAYO SISUT

KOK KERAPTULUNG PULO KAYO NYABUT, NAU MUDO SGA NYU RAPAT, NYU RAPAT KE UJUNG LIDI, KARNU KAMI AGI MUDO KURANG SEPENDAPAT,, JANGAN PULO MENJADI UPAT DINGE PUJI, BUNYI KTUK UHANG KOTO RENDAH, NYU KU DENGA KE BANGKAHULU, KAMI NYAWAB PURNO IYO LA SUDAH, KALU SALAH MINTAK MAAF TERLEBIH DAHULU.

JAWAB PARNO

BUJALAN KE LUBUK PAKU, TERUH KE BIDENG LIMO, KUTUMBUK KATO IYO LAHI KA AKU, TAPI NANGA KITO BUSAMO, DEK LAH BIASO GULO MERUAP PISANG BUBUAH, JAGUNG BURAMBUT LAH BIASO PULO KATO BUJUAP ANDAI DI TINGKAH, GAYUNG BUSAMBUT, KALU KATO IDAK BUJUAP, ANDAI IDAK DITINGKAH GAYUNG IDAK DISAMBUT.

IDAK PULO BENA MENUHUT ADAT KITO, KINI NAK KAMI JAWAB UGO SIPANJANG KATO KAYO, PANJANG BARIH UHANG BULAHAK, TUAN JI BUSERBAN KEREH, KAYO URAI PANJANG DINGE PANDAK, IYO KAMI SAMBUT CEPAT DINGE TANGKEH, JADI SEJAK DARI AWAL SAMPAI AKHIR, APO YANG KAYO SAMPAI TADI.

KOK TABILOK LAH MENJADI UKIR, TERENTANG LAH MENJADI BARIH, MUNIMBAK LAH MENUJU ALAMAT, MELENTING LAH MENUJU TAMPUK, MENEBANG LAH MENUJU BANGKA, KOK JARANG IDAK NYADO UNTUK DISISUT, KOK KERAP IDAK NYADO UNTUK DICABUT, IYO KINI LAH DIADOKAN NASI YANG SESUAP

GULAI YANG SETANGKAI, AI YANG SEREGUK.

IYO MINTAK DI BACOKAN DO’A BERKAT DO’A SELAMAT, IYO SUPAYO KITO SELAMAT DUNIA AKHIRAT, BEGITU PULO TERHADAP KELUARGA KITO, KOK ADO YANG MATI BARU MATI LAMO SUPAYO AMAL PERBUATANNYA DAPAT DITERIMO, KOK SEMPIT KUBUR MINTA DILAPANG, KOK PANEH MINTAK DI DINGIN, KOK BERAT KESALAHANNYA MINTAK DIRINGANKAN.

KAYU ARO PASA SEBELAH, ILUK DI BELI IKAN HIU KINI JAWAB PARNO IYO LA SUDAH, KOK ADO SALAH JANGGALNYA MINTAK MAAF TERLEBIH DAHULU, UNTUK MEMBACO DO’A KITO SERAHKAN KEPADO ALIM ULAMO.

PARNO MELETAK TANDO/CIHI

BEGINI KITO BUSAMO SEGALO KITO DINGE DUDUK, SEBELUM ACARA INI KITO MULAI LEBIH BAIK KITO SILISU TERLEBIH DULU, KATO ADAT MENGATOKAN SEBELUM DAHAN KA MANIMPO, ANTING KA MANCUCUK, MAKSUD KAMI ITU BUGINI, KATU ADAT NGATO KALU NAK BUBINI ISI ADAT, ISI PUSKO, KALU NAK LAHI TUANG LAMBAGO, IDAK ADO KAYO KEDUO BELAH PIHAK INI MENA BUET DINGE JANJI ANTARO ANAK NGINI BUDUO, KULU ADO KATOKAN ADO, KALU IDAK KATOKAN IDAK.

JANGAN NANTI API PADAM, PUNTUNG BERASAP, RUMAH SUDAH TOKOK BABUNYI, KALU ADO ATAU IDAKNYADO MAI KITO MULAI ACARA KITO INI.

ASSALAMU’ALIKUM WARAHMATULLAH HIWABARAKATUH

PEPAT DIPEPATBATANG KUDUDUK, SERUPO DINGE BATANG UBI, CIMPAKO DILUAR KOTO, SERAPET KITO DINGE DUDUK, SADU DILINGKUNG RUMAH INI ALU KAYO SITU PUNUMBUK KATO.

KINI PURMULAAN KATO USUL DINGE ASAL, PENYUDAHAN KATO ICO DINGE PAKAI, KOK BAKATO DIDALAM ADAT ITU, JIWA ADALAH TANDO RIMBO ITU JANJI, LAUT ITU PIKI, KOK BUKATO DI DALAM PUSKO, MUNANAM SILINGKU PAGA, BUJALAN MENUJU LURUS, BUKATO MENENTANG BENA, MENEBANG MENUJU BANGKA, MENEMBAK MENUJU ALAMAT

MELENTING, MENUJU TAMPUK, KITO MENUJU PULO MAKSUD, MANOLAH MAKSUD KEDATANGAN KAMI PADO MALAM INI ADOLAH USUL DINGE ASAL, SEBAB DINGE KARO, YAITU GAWE ANAK NGINI BUDUO.

PUMENLAH MBUK NYU SA UNDING SA INOK, SA IYO SA KATO, KOK ILI LAH SARANTAK SATANG, KOK MUDIK LAH SARANGKUH DAYUNG, TERBANG LAH BAKAWAN, HINGGAP LAH BA PULUN LAH DICARI PULO HARI BAIK KUTIKO JAYO, NYATO DI ALAM TERANG DI AREH.

KOK RUWEH LAH BULAWEN BUKU, GARIS LAH BUSUBUK DINGE TITIK, KINI PINANG NAK BUBALIK KU TAMPUK, SIRIH NAK BALIK KA GAGANG, JANJI NAK DITEPATI, IKRAR NAK BAUNI, BUET BUTUNGGU, KATO DULU DITEPATI.

KINI TANDO UHANG KA RIMBO ADO RINTEH DINGE TABANTANG

TANDO UHANG BAKAYU, ADO LEPANG DINGE BATAKUK, TANDO UHANG MEMINANG ADO CINCIN DINGE BU BENTUK, TANDO UHANG BUTUNONG ADO TANDO DINGE TALETAK, KINI PANJANG TARUMPAH UHANG BANJA, DI BAO ILI KE BANGKA HULU

ADAT UHANG NEMPAH IYO PAKAI PANJA, TANDO UHANG NGETAK CIHI ADO SAH TANDO JADI, INI NYU TANDO SAH DINGE JADI KAMI SERAHKAN KEPADO KAYO MENURUT TOP JENANG DINGE RAJO, ADAT IDAK KUPAK LEMBAGO IDAK SUMBING.  

TERIMOLAH……………

JAWAB PARNO MULTAK TANDO/CIHI

LAH SAMPAI ITU NINIK MAMAK, MENYALO KELUBUK PAKU, DAPAT IKAN SI IKAN RAYO, PUNUMBUK KATO IYO LAHI KA AKU

TAPI DINGE NENGA KITO BUSAMO, KINI GEDANG AI UHANG SUNGAI LANDAI, PASANG MENYENAK KE BANGKAHULU, IDAK PULO KAMI DINGE NAK NGACAK CEDIK DINGE PANDAI, KITO MENUHUT TELATAH TELITIH UHANG TUO DULU.

MANO TELATAH TELITI UHANG TUO DULU, ADAT GULO ITU MERUAP, ADAT PISANG ITU BA BUAH, ADAT JAGUNG ITU BA RAMBUT, LAH BIASO PULO KATO DI JAWAB ANDAI DITINGKAH, GAYUNG DI SAMBUT.

KALU KATO IDAK DIJAWAB ANDAI IDAK DITINGKAH, GAYUNG IDAK DI SAMBUT, TENTU SALAH MENURUT ADAT, KINI NAK KAMI JAWAB JUGO SEPANJANG NINIK MAMAK SAMPAIKAN TADIH.

APO LAH KAYO SAMPAIKAN TADI, KOK MENEBANG LAH MENUJU BANGKA, MENEMBAK LAH MENUJU ALAMAT, MELENTING LAH MENUJU TAMPUK, KINI SEMBILAN BAIK,SEPULUH KALI AGUNG.

NAPET ARO BABUNGO ARUM, NAPET PISANG MASAK SETAHUN

NAPET DURIAN RUNTUH SEPAGI, IKAN DILAUT ASAM DIGUNUNG

DI DALAM KUALI BATEMU JUGO, YANG DINANTI TELAH TIBO, YANG DI TINGGU LAH DATANG, NGE DICARI LAH DAPAT, MIMPI LAH NYATO MAKSUD NAK SAMPAI, MAKAN ABIH, MENGGAN PUTUH, BUJALAN NAK SAMPAI KE BATAS, BULAYAR SAMPAI KA PULAU.

MAKO KAMI PADO MALAM PADA HARI INI, PARNO ADAT PERKAWINAN, MAKSUD CUPAK NGE GANTANG KITO PADO MALOM INI ARTI ANAK INI NAK MENEMPU PLO LAWANG DINGE DUO, “LAWANG ADAT, LAWANG SERAK, LAWANG ADAT SIRIH NAK BUTUIK PINANG NAK BUTANYO, LAWANG SERAK DIJAWAT IJAB NGE KABUL”.

MININ MENEMPUH LAWANG ADAT MANO NGA DI KATO LAWANG, ADAT ARTI ADAT PEREMPUAN MENGETAHUI ORANG MASUK ORANG KELUAR KALU IDAK MENGETAHUI ORANG MASUK ORANG KELUAR SEBAB ADAT SI PEREMPUAN MENARU DAMA SEGELUMBUNG KALU IDAK MENGETAHUI ORANG MASUK ORANG KELUAR, SAMU NGE DAMA DISILAT API ADAT SI LAKI LAKI INI SAMU MUNARUH KBU, GDANG IDAK BUKANDANG PIPIT JANTAN IDAK BUSARANG, ILE LPEH MUDIK TILAMPAU ILI TIMARO MUDIK, TI ULU DI LPEH KA PAGI MUNGURUNG KU PETANG DI LPEH KA PAGI MUNCARI TAWEH NAN BAGINDO RATI MUNIMBAK MUNUJU ALAMAT, MULANTING MUNUJU TAMPUK, MUNCARI WEH DINGAN BUKU, MUNCARI ALUR NGAN PATUT, MENCARI UNDING NGAN CINOK, MENCARI PIKI DINGAN SIPAHAM, MENCARI KATO NGAN SIPKAT.

KINI LAH DAPAT KATONGAN SIPEKAT, PAO ADAT MUNGATO KAITU CABE DI GUNUNG, GARAM DI LAUT, KINI NAK BUTEMU DALAM SINGGALAM, NANIN IBARAT UHANG NANGKOP TANAH ADO RMBAT NGERINTEH ADO RMBAN NGE BUTAKUK ITU NGE DI PEGANG NINIK MAMAK DEPATI PUNGULU TEGANAI DUMAH NAUK MUDO SGA NYO RAPAT RAPAT TRUH KE UJUNG LIDI, KAMI PURNO SADU ITUNGE DAPAT JANGAN PULO JAI UPAT NGE PUJI.

JAWAB PARNO

MININ ADET JAGUNG BURAMBUT, ADET GULO MURUAP, IDAK DI JUAP KATO KAYO, JANGAN DI KATO KAMI MUMBABI BUTO MININ KITO JUAP UGO KATO KAYO, KOK JARANG DAK NYADO TUK DISISUT KOK KRAP. DAK NYADO TUK DI CABUT SEDANG ILUK PANDANGAN MATO, IJU RUNDING SERAKAT KATO.

PARNO TURUN MANDI

KAPAL MERAPAT DI TANAH JAMBI, BERI BUBALI DENGAN BULATA SIRAPAT KITO DI TEMPAT INI KAMENO PULO KAMI NAK NUMBUK KA KATO ORANG MERAPAT SAMI DUDUK BUAT BINGKAI KALU CERMIN IYO NAK DI PASANG BAGIAN MUKO SERAPAT KITO DENGA DUDUK DI TEMPAT INI IYO ALU KAYO KUTUMBUK KATO.

BEGINI SEGALO KITO YANG DUDUK DALAM RUMAH YANG BERTAGANAI DAN YANG DUDUK DILUAR RUMAH BUPAGA ADAT KCIK IDAK KAMI SEBUT NAMO GDANG IDAK KAMI SEBUT GLA.

SEIRING BALAM DENGAN REMBAH, BALAM LALU MEREBAM MANDI SEIRING SALAM DENGAN SEMBAH SALAM LALU SEMBAH KEMBALI, UHANG BUTUAH DI UJUNG TANJUNG, UHANG MULANCA DI AI MULIH, UHANG BUTULAP DI BATU IPUH RAJA, JAUH LA DI PANGGIN, UNTUNG RAJA DEKAT LA DI PANGGIN SIHIH RAJA DEKAT LA DI PANGGIN PULO, DINGAN KATO KALU IDAK DI SAMPAI MAKSUD CUPAK NGAN GANTANG JANGAN SENDUK AI DALAM PINGGAN IDAK TENTU ULU IDAK TENTU PULO MUARUNYU.

KINI KITO MUNCARI ULU NGA NERBIT, AI DARI ULU, TERBIT ANGIN DARI POHON, MANO CUPAK NGAN GANTANG LAH SEUNDIN, LAH SEINAK SEIYO SEKATO, PADO AHI INI SENGAJO BERUNGGUHKAN SEGALO KAYO NGAN ADO KAYO NGAN HADIR YAITU ANGGOTA EMPAT JENIS, BPD BESERTA BAPAK KEPALA DESA PENGHULU JIWA NEGRI, ALIM ULAMA SELURUH BIDANG DALAM NEGERI, SELURUH YANG AMAT TERANG, AYI YANG AMAT JERNIH, KAUM ADAT YANG MEMEGANG KUNCI KAMPUNG, PASAK NEGERI NGE NAUH, KE JENGKUN DENGAN PAKUNYU MENGHILO MEMBENTANG MENGARAH MENGAJUN, MENEMPAH MEMBIMBING, CERDIK PANDAI, MEMELIHARAKAN DIRI SERTA DENGAN AGAMO, PANDAI BUKU CITAK DALOM AI PANDAI BUKU CEMBUNG DALAM AI.

PANDAI BUJALAN DALAM TANAH, PANDAI BUKATO DALAM AI, PANDAI MEMADU SAME MEJAM, PANDAI MENANGKAP BAYANG- BAYANG, PANDAI MENARIMO KATO SUDAH, PANDAI BUSIUL SAME NGANGO, DEK MENGINGAT KEWAJIBAN, MAK DINGE BAPAK, MENURUT ADAT ADO EMPAT LIMO PARAKARO YAITU MAO ANAK KE SUNGAI TINDIK GABUNG SUNAT RASUL MULEPEH ANAK NUNTUT ILMU TIKAH KAWIN PUMEN PADO AHI INI CUPAK GANTANG MELEPEH KEWAJIBAN NGANPARTAMO YAITU MAO ANAK KE SUNGAI KINI KAMI MINTAK KEPADO KAYO NGAN HADIR MAK KITO DOAKAN SUPAYA ANAK YANG KITO BAO KE SUNGAI PADOAHI INI MAK NYU MENJADI ANAK YANG SALEH YAITU ANAK YANG BERBAKTI KEPADO KEDUO UHANG TUO MASYARAKAT BANGSA DAN AGAMO.

JAWAB PARNO

LAH BUNGI UNGKO DI TANAH JAMBI, NYUKU DENGA KE MARO, BUNGO KUTUMBUK, KATO YO ALU KAK SISI NGA BUSAMO, GEDANG AI UHANG SUNGAI LANDANG PASANG, MENYENAK KE BANGKA HULU, BUKAN PULO KAMI NGACAK CEDIK DENGA PANDAI, DAK TELATAH TELITIH, UHANG TUO DULU MANO TELATAH TELITIH UHANG TUO DULU DEK LAH BIASO, GULO MURUAP PISANG BUBUAH, JAGUNG BERAMBUT LAH BIASO KATO BUJUAH ANDAI BUTINGKAH, GAYUNG BUSAMBUT, KINI NAK KAMI JAWAB JUGO SEPANJANG KATO KAYO MANO HAJAT NGE KAYO SAMPAI, PERTAMO MAMBAO ANAK TURUN KE SUNGAI KINI SAGALO KITO NGAN HADIR MAK SAMO SAMO KITO DOAKAN KEPADA ALLAH SUPAYO ANAK NGE KITO BAO KE SUNGAI, MAK NYU MUNJADI ANAK YANG SALEH, TAAT BERAGAMO KINI LAH DI DOAKAN, NASI NGE SISUAP GULAI NGE SITANGKAI AI, NGE SETEGUG MINTAK DI LANCA, DOA SELAMAT DOA BERKAH SERTA DOA NULUNG ARWAH UHANG MATI BAHU DAN MATILAMO KOK DUO KITO SERAHKAN KE ALIM ULAMA.

PETATAH PETITIH ADAT ALAM KERINCI

TEBU BEPALUT DENGAN DAUN, NANGKO KALUMAK DENGAN GETAH, TAU AYE BELUM BURIAK, DAUN KAYU BELUM BERINGGUNG.

   

Artinya:

KALAU TERJADI PERSELISIHAN DALAM LINGKUNGAN KELUARGA, HENDAKNYA DISELESAIKAN SECEPAT MUNGKIN, SEBELUM DIKETAHUI OLEH ORANG BANYAK.

KERUH AYE JINGOK KE HULU, NYENTUNG AYI JINGOK KE MUARO

Artinya:

DALAM MENYELESAIKAN SUATU PERMASALAHAN HARUS DILIHAT SEBAB MUSEBABNYA, SEHINGGA DIDAPAT PENYELESAIAN YANG ADIL.

BERUK DIRIMBO KENO JAJA, ANAK DIPANGKU KENO BUANG, KATO PUSAKO IDAK DI AJAK.

Artinya :

DALAM MENGAMBIL KEPUTUSAN HARUS BERTINDAK ADIL, TANPA PANDANG BULU, SESUAI DENGAN ATURAN ADAT.

SARI ADO SARI BUNAMO, SARI ADO SARI BUGELA, SARI GUNAR SARI KILAT SARI BUTEPUK TELINGO ANGAT.

Artinya :

JIKA TERJADI SUATU PERISTIWA YANG MENYEBABKAN ADANYA KORBAN, MAKA HARYS CEPAT DISELESAIKAN SECARA ADAPT, DAN SESUAI DENGAN HUKUM ADAPT YANG BERLAKU.

KA ILE SERENTAK SATANG, KA MUDIK SERENGKUH DAYUNG

Artinya :

DALAM SUATU PEKERJAAN DILAKUKAN DENGAN KERJA SAMA, YANG BAIK DAN SALING MENDUKUNG.

LA DAPAT SUSUN DINGAN TINDIH, TOP DINGEN ANGGIT, UNDIN DINGEN IMOK

Artinya :

SUDAH MENDAPAT KATA SEPAKAT DALAM KELUARGA UNTUK MENANJILO SATU ORANG PEKAJAI PENYAMPAI KATA MAKSUD DARI SEPANGKALAN.

  

NYATO DI ALAM TERANG DI AREH

Artinya :

SUDAH JELAS DIHADAPAN ORANG BANYAK.

SEPERTI AUR DENGAN TEBING, AUR BUSKO KE TEBING, TEBING BUSKO KE AUR

Artinya :

HARAPAN KEPADA KEDUA MEMPELAI DALAM MEMBINA RUMAH TANGGA UNTUK SALING MENDUKUNG DAN BEKERJA SAMA DALAM MEMBINA RUMAH TANGGA YANG BAHAGIA DAN SALING MEMBUTUHKAN.

BURUK BINGKAI DEK PENYAKIT, DURUK SAP DINGE JERAMI

Artinya :

SEMOGA KEHIDUPAN RUMAH TANGGA RUKUN UNTUK SELAMANYA DAN TIDAK ADA YANG DAPAT MEMISAHKAN KECUALI MAUT.

ALAM BARAJO, LUHAK BAPANGHULU, KAMPUNG BATUO, UMAH BATAGANAI.

Artinya :

DALAM KAHIDUPAN BERMASYARAKAT DI KERINCI MULAI DARI LINGKUNGAN KECIL (KELUARGA) DAN SETERUSNYA KEATAS, ADA YANG DITUNJUK SEBAGAI PEMIMPIN (ORANG YANG DITUAKAN) UNTUK MEMIMPIN MASYARAKATNYA.

MENEBANG MENUJU BANGKA, MELANTING MENUJU TAMPAK, MENEMBAK MENUJU ALAMAT.

ARTINYA :

APA YANG DISAMPAIKAN SESUAI DENGAN ATURAN ADAT DAN TEPAT MENURUT APA YANG DIINGINKAN.

DIMANO BUMI DIPIJAK, DISITU LANGIT DIJUNJUNG, DIMANO TIMILANG DICECAH DISITU TELMAN TUMBUH, DIMANO BUMI DIPIJAK DISITU LANGIT DIJUNJUNG.

ARTINYA :

DIMANA SAJA KITA BERADA KITA HARUS MENGIKUTI ADAT ISTIADAT DAN ATURAN SETEMPAT.

BURUK LI BARAGANTI LI, BURUK PULA JALIPO TUMBAH, BAH KAYU ARO JELATANG BANGKIT, HILANG CINCIN PARAMATO TIMBUN

ARTINYA :

WALAUPUN GENARASI BERGANTI DARI NENEK TURUN KEMAMAK DAN TURUN LAGI KEKEMENAKAN, SAMPAI KEANAK CUCU NAMUN GELAR ADAPT DAN ADAPT ISTIADAT TIDAK AKAN PUNAH MATI, AKAN SELALU DILANJUTKAN OLEH ANAK CUCU ATAU GENERASI BERIKUTNYA.

TAPIAN BUPAGA BASO, PADANG BUPAGA BASO, NEGERI BUPAGA ADAT

ARTINYA :

DALAM KEHIDUPAN BERMASYARAKAT HARUS MEMATUHI ATAU MENGHORMATI NORMA-NORMA YANG BERLAKU

MENGISI CUPAK PENUH, GANTANG MELILIH

ARTINYA :

BILA SESEORANG ATAU SUATU KELUARGA YANG INGIN MASUK MENJADI WARGA DESA ATAU NEGERI HARUS MEMBAYAR MEH ANGUS ATAU UANG ADAPT SESUAI DENGAN YANG TELAH DITENTUKAN.

MENGAJI DIATAS KITAB, MERATAP DIATAS BANGKAI

ARTINYA :

SESEORANG TIDAK BOLEH BERKATA DAN BERBUAT SEMBARANG, TETAPI HARUS BERDASARKAN ILMU PENGETAHUAN YANG DIPELAJARI ATAY TERCANTUM DALAM KITAB

PARNO ADAT

NGETAK TANDO

PAT DIPEPAT, BATANG KEDUDUK, BESUSUN BATANG JERAMI. CEMPAKO DILUA’ KOTO, SIRAPAT KITO DINGEN DUDUK SADU DILINGKUNG UMAH INI, ALU KAKAYO KA TUMBUH KATO, KALU IDAK TANAH DIPINGKAH; MANO BULIH TANAH DIPANGKU KALU IDAK KATO DIBILANG, MANO BULIH DAPAT MAKSUD

KINI KITO BILANG MAKSUD KEDATANGAN KAMI PADO MALOM INI..

ADOLAH USUL DINGAN ASAL, SEBAB DENGAN KARNO ANTARO NYU ANAK NGINI BUDUO PUMEN. IA.-BAIYO BAPINAK BAINOK, MULEH AIR DIPAMULUH LA KETU KATO DI MUFAKAT

CUCOK UWEH MULAWAN BUKU, LAYAK MELAWAN JUDU,MENURUT DINGAN ICO KITO PAKAI, ATEH TANDO ORANG PGI KURIMBO RINTEH DINGAN RANTAU, ICO DINGAN TANDO ORANG BUKAYU ADO LEPANG DINGEN BUTAKUK, TANDO BUTUNONG ADO TANDO DINGEN TELATAK.

IYO PUMEN PADO MALAM INI KAMI MLETAK TANDONYO TERHADAP IYO ANAK NGINI PUMEN NYU NAMPAK MAKSUD KEDATANGAN KAMI PADO MALAM INI

JAWAB P A R N 0

ADAT GULO MURESAP, PISANG BABUAH, JANGUNG BERAMBUT. ADAT KATO BUJUWAB ANDAI BUTINGKAH, GAYUNG BUSAMBUT IDAK DIJAWAB KATO KAYO NAMPAK NIA KAMI MABIN; KOK NAK DIJUWAB KATO KAYO NAMPAK PULO KITO BUTINGKAH KATO; KINI MENURUT ADAT ICO KAMI JUWAB SEPANJONG KATU KAYO;

SADU NGEKAYO BILANG SADU IYO KAYO TAP SADU BENA NIA NGEH TABILOK LAH JADI UKIR, MANO NGATERENTANG JADI BARIH; KARENO KAYO MERATAP DIATEH BANGKAI, NGAJI DENGAN KITAB.

I K A TA N

KALU NGULAK DINGEN JANTAN, IYO LUNCUNG CIHI; KALU NGULAK DINGE BUTINO, IYO GANDO CIHI ( DUO KALI LIPAT)

NGENJUK TAHU

………………….BUSUDUT EMPAT ,INI

SEGALU KITO DINGEN DILINGKUNG

DITUDUNG ATAP DINGEN BUSANGGIT MENDUN DINGEN UMUM LANTAI DINGEN BUTANAI; SUNGGUH BANYAK IKAN DILUBUH SIKU JUGO DINGEN KENO JALO, SUNGGUH BANYAK KITO DINGEN DUDUK SUHANG, JUGO KUTUMBUH KATO.

YO KALU MBELI GULO, ITU DUKITI, GULO TIBELI DI PEKAN TINGGAN; KAMI PARNO MULONYU KINI NYAMPAIKAN MAKSUD CUPAK DINGEN GANTANG, KALU IDAK DISAMPAI MAKSUD CUPAK DINGEN GANTANG, JANGAN SENDUK AYI DALAM PINGGAN IDAK TENTU ULU IDAK TENTU MARO; KINI KITO MENCARI ULU DINGEN MARUNYU.

TERBIT AIR: JAK HULU, TERBIT GETAH JOK BATANG, TERBANG ANGIN JAK PUHUN TERBIT KATO JAK CUPAK DINGEN GANTANG;

KARNO CUPAK DINGEN GANTANG LAH DAPAT TAP DINGEN ANGGIT SUSUN DINGAN TINDIK, IYO KA ILI SERENTAK SATANG KE MUDIK, SERENGKUH DAYUNG, TERANDAM SAMO BASAH TERAMPAI YO SAMO KERING, TERAPUNG SAMO HANYUT, LAH SELETUH BDIN, SATALU SUHAK, SIPINDUN SEINOK SEIYO SEKATO LAH MULEK AIR DI PEMULUH LAH KETU KATO DIMUPAKAT TERSERAH KEPADO ORANG SEORANG.

MANO KATO TERSERAH KEPADO ORANG SURANG, PADO MALOM INI SENGAJO, MERENGGUH KAYO TENGGANAI RUMAH. TAU-TAU PATI PENGHULU, ORANG TUA DINGEN EMPAT JENIS DALAM NEGERI KITO INI, DINGEN JAUH LAH DIPANGGIL UNTUNG, DINGEN PAHAK LAH DIPANGGIN KATO LAH DAPAT. ‘KITO BASUSUN, PADO MALAM INI, IDAK TUAH PENAPET NIAN, MANOLAH MAKSUD SIPENGIKALAN PADO MALAM INI MENURUT ADAT DINGEN KITO ICO PAKAI.

SEKECIK-KECIK KEJO SETAUI; BETENGGANG KEJO INJUK TAU; SI GEDONG YO LAH PULONG.

IYO PUMEN PADO MLAM INI SIPENGGAKALAN KITO MANGGIN NJUK TAU DIN INI.KAYOMUTONG KAKI EMPAT, KEJO PADO HARI……JADI MANO NGEH LUN TAU ROMBONGAN KAYO INI, IO KATO SAMPAI MENYAMPAI SUPAYO HADIR DATANG PADO HARI TERSEBUT.

IYO-NAMPAK NYU KOK JARANG SISUT, KOK KERAP CABUT DIKAYO NGGIH ITU PUMEN PARNO KAMI.

J A W A B P A R N 0

PAT DIPEPAT BATANG KUDUDUK CEMPAKO DI LUAR KOTO’ SERAPAT KITO DINGEN DUDUK IYO KA AKU KA TUMBUH KATO: KATUMBUH KATO IO KA AKU TAPI DINGE NGA KITO BUSAMO.

ADAT KATO JUWAB, ANDA DITINGKAH GAYUNG, BUSAMBUT, KALE IDAK DIJUWAB KATO KAYO NAMPAK NIA KAMI MABIN MULALI, KOK NAK DIJUWAB, NAMPAK NIAN KITO BUTINGKAH KATO IYO KAMI JUWAB SEPANJONG KATO KAYO.

PANJANG BARIH UHA BULAHAK TUAN JI BUSERBAN KEREH KAYO URAI PANJANG DINGEN PANDAK IYO KAMI JAWAB CEPAT DINGEN TANGKEH.

KINI SADU DINGEN KAYO KATO SADU BENA, SADU KAYO BILONG: SADU IYO, SEJAK AWAL SAMPAI KE AKHIRNYO LAH JELEH MAKSUD SIPENGKALAN.

NAMPAK PADO HARI ITU DI-TETAPKAN, SEPENGKALAN IYO AHI ITU SAMO•SAMO KITO HADIR, MANO NGEH KANTI KAYO IYO KATO SAMPAI MENYAMPAI SUPAYO HADIR PADA HARI ITU.

MANO DINGEN LAH.TABILOK LAH JADI UKIR, MANO NGEH TERENTANG LAH BARI KARNO KAYO NGAJI DATEH KITAB MERATAP DATEH BANGKAI DAN MEMAHAM DALOM YANG BUSIPAT, KINI YO IYO KOK JARANG IDAK NYADO NAK DISISUT, KOK KERAP IDAK NYADO DINGEN NAK DICABUT, IYO ILUK NIAN PUMANDONG MATO.

BUNYI KETUH URANG JUDAH, IYO KUDNGA KE BANGKAHULU

KINI PARNO IYO LAN SUDAH, IYO MINTA MAAP LEBIH DAHULU.

IYO INGGU ITU PUMEN.

PARNO MAWU ANAK KE SUNGAI.

PAT DI PEPAT BATANG KUDUDUK CEMPAKO LUAR KUTO SIRAPAT KITO DINGEN DUDUK IYO ALU KA KAYO KUTUMBUH KATO KALU IDAK TANAH PINGKAH MANO BULIH TANAH DIPANGKU KALU IDAK KATO DIBILANG MANO BULIH DAPAT MAKSUD.

JANGAN SENDUK AIR DALOM PINGGAN IDAK TENTU ULU, IDAK TENTU MARU, KINI KITO NAK MENCARI ULU DINGE MARU. TERBIT AIR DARI ULU, TERBIT GETAH JAK BATANG, TERBIT ANGIN JAK PUHUN; TERBIT KATO JAK CUPAK DINGEN GANTANG, PADO AHI INI LAH TOP.

DENGAN TINDIK, SUSUN DINGEN ANGGIT, KOK I1I SERENTAK SATANG. KOK MUDIK SERENGKUH DAYUNG, TERANDAM SAMO BASAH, TERAPUNG SAMO HANYUT, TERAMPAI SAMO KERING.

LAH SELETUH BEDIN SETALU SUHAK, LAH SEUNDIN SEINOK GOLEK LAH DAPAT GILING, KOK PIPIH LAH DAPAT KITO IAYANG, KOK BULEK IDAK NYADO, AGI BASUDUT, KOK PICAK IDAK NYADO AGI BUSANDING, KOK BUNGKUK LAH DITARAH, KOK KESAT LAH DISIPLEH, LAH MULEH AYI DIPEMULUH, LAH GETU KAYO DIMUPAIKAT KATO TERSERAH PADO UHANG SUHANG.

PADO HARI INI, SENGAJO MERUNGGUH KAYO ANAK JANTAN TEGANAI UMAR, BESERTO DINGEN EMPAT. JENIS DCSA KITO INI LAH HADIR PULO KEPALA DESA, DINGEN JAUH LAH DIPANGGIN DINGEN DEKAT LAH DI IMBAU. YANG MANO MAKSUD SIPENGKALAN PADO AHI INI. IYO NAK MEMBAYAR UTANG UTANG UHANG TUO TERHADAP ANAK ITU ADO EMPAT/ LIMO PERKARO YANG PERTAMO MAMBAO ANAK KESUNGAI, KEDUA SUNAH RASUL, KATIGO, MELEPEH ANAK MENUNTUT ILMU, KEEMPAT TIKAH KAWIN.

JADI PUMEN PADO AHI INI MALOM INI SIPENGKALAN KITO MENUNAIKAN KEWAJIBAN YANG PERTAMO MEMBAO ANAK KE SUNGAI JADI KITO MINTAK KEPADO ALLAH SEMOGA ANAK INI MENJADI ANAK URANG SHALEH, BERBAKTI KEPADO ORANG, JUGO BERBAKTI KEPADA MASYA­RAKAT, NEGARA DAN AGAMO, IDAK PULO PULO SUPAYO ANAK INI SEHAT ROH­ANI DAN JASMANI DAN IDAK PULO LUPUT TERHADAP UHANG NGE MATI LAMO – MATI BARU KOK ARWAH UHANG DALOM KUBU;

MINTAK DILAPANG, MINTAK DIDINGIN KOK BERAT MINTAK DIRINGAN KINI NAMPAKNYU, BUBUNYI KETUK UHANG JUDAH IYO KUDENGA KE BANGKAHULU KINI PARNO LAH SUDAH MINTA MAAF DAHULU KOK JARANG SISUT KERAP CABUT INGGE ITU PUMEN NYU.

JAWAB

ADAT GULO MERUSAP PISANG BABUAH JAGUNG BERAMBUT ANDAI BUTINGKAH, GAYUNG BUSAMBUT, KOK IDAK DIJAWAB KATO KAYO NAMPAK NYA NIA KAMI MABIN MLALI DI JAWAB KATO KATO NAMPAK NA BUTINGKAH KATO KINI KAMI JAWAB SEPANJONG KATO KAYU MENURUT ICO PAKAI KITO.

JADI PUMEN LAH TERANG DIAREH, NYATO DIALAM BAHWA, MAKSUD SEPENGKALAN KITO. NAMPAK NYU NAK MEMBAYAR UTANG TERHADAP ANAK HUTANG YANG PERTAMO. YAITU NAK MEMBAWO ANAK KESUNGAI, JADI KITO MINTAK KEPADO ALLAH, PADA RASUL AGAR ANAK KITO INI, MENJADI SNAK, YANG SALEH HENDAKNYO, JUGO ANAK MEK NYU SEHAT JASMANI DAN ROHANINYO, IBU MAK NYU SIHAT, PULO , DEMIKIAN PULO SELURUH KELUARGA DEMIKIAN JUGO. ARWAH UHA, NGE MATI IAMO, MATI BARU, MAK MENDAPAT LINDUNGAN DARI-PADO—ALLAH SWT., JADI PUMEN JADI SADU DENGAN KAYO KATO SADU IO SADU KAYO BILANG SADU BENA YANG TABILOK LAH MENJADI AKIR YANG TERANTANG LAH JADI BARI LAH ILUK NIA DAK NYADO NAK DISISUT, KOK KERAP NYADO PULO D CABUT, SEDANGI ILOK NIAN DIPANDANG MATO.

BUBUNYI KETUK UHANG JUDAH IYO KUDENGA KE BANGKAHULU KINI PARNO LAH SUDAH MINTA MAAF DAHULU KOK JARANG SISUT KERAP CABUT INGGE ITU PUMEN NYU.

KINI PARNO IYOLAH SUDAH, MACOKA DOA KITO SRAH KEPADO TUAN GURU IYO ITU LAB PUMEN.-

PARNO NGULUKA MEH UTANG

BEGINI …….KARNO ANAK BUAH ANAK PUNAKAN KAMI DINGEN DATANG DARI SUKU………. TERHADAP KE SUKU ………. DESA KAYO INI :

PUMEN LAH TEPANJAT DINGEN BASALANGUNG, TASUHUK DINGEN BUGAWA KOK TAPIJAK DI GUNUNG ARANG, ITAM TAPAK. KOK TACALIT DI KAPU PUTIH TELUNJUK, RUPONYU KINI SALAH MENURUT ADAT SUKO BERUTANG, KOK BADUSO SUKO TAUBAT, KOK GAWA SUKO MENYEMBAH, SUKO-SKCIK-KECIK UTANG KAMI PANGKU SEGEDANG-GEDANG UTANG KAMI JUNJUNG, KINI KARNO LAH TUMBUH MENURUT ADAT LUKO BUPAMPEH, MATI BUBANGUN, IYO KAMI BAYA SEPANJANG MENURUT ADAT INI, IDAK PENUH KEATEH PENUH KUBAWAH.

J A W A B

ADAT KATO BUJUWAB, ANDAI BUTINGKAH, GAYUNG BUSAMBUT, KOK IDAK DIJUWAB NAMPAK KAMI MABIN MULALI, KOK NAK DIJUWAB NAMPAK KITO BUTINGKAH KATO KINI MENURUT ADAT IYO KAMI JUWAB SEPANJONG KATU KAYO, KINI SEPANJONG KATO KAYO YO LAH IYO GALU, KARNO NYU LAH TUMBUH LUKO BUPAMPEH, MATI BU BANGUN, IYO IDAK PULO MIMPI KAH MEH NIA KA LANTING, MIMPI PADI NIO KA PUHUN, KARNO LAH TUMBUH SALAH BARUTANG, BADUS TAUBAT MENURUT ADAT YO KAMI TERIMO.

PARNO MENJADI WARGA DESA *

PAT DIPERPAT BATANG KEDUDUK, BASUSUN BATANG UBI CEMPAKAO DILUAR KOTO SERAPAT DINGE DUDUK DILINGKUNG UMAH INI, IYO ALU KA KAYO KA TUMBUH KATO.

KOK MILI GULO ILUK, BUKATI, PULO TEBELI DI PEKAN TI­NGGAN, KAMI PARNO MULONYU KINI NYAMPAIKAN MAKSUD CUPAK DINGEN GANTANG.

KALU IDAK DISAMPAIKAN MAKSUD CUPAK DINGAN GANTANG, JANGAN SENDU AYI DALAM PINGGAN, IDAK TENTU HULU, IDAK TENTU MARU, KINI TERBIT AYI DARI HULU TERBIT GETAH DARI BATANG, TERBIT ANGIN DARI PUHUN, KATO TERBIT DARI SEPENGKALAN MANO SEPENGKALAN PADA MALAM HARI INI……

AH DAPAT TOP DINGEN TINDIK, SUSUN DINGEN ANGGIT KOK ILI LAH SERENTAK SATANG, KOK MUDIKLAH SERENGKUH DAYUNG, TENDAM SAMO BASAH, TERAPUNG SAMO HANYUT, TERAMPAI SAMO KERING, LAH SELETUH BEDIN, SETALHU SUHAK, SEUNDING, SEINOK, SEIYO SEKATO, LAH MULEH AIR DIPEMULUH LAH KETU KATO DI MUFAKAT, KATO TERSERAH PADO UHANG SUHANG, MANO KATO TERSERAH UHANG SUHANG, SENGAJO MERENGGUH SEGALO KITO INI LAH HADIR PULO KEPALO DESA, YANG MANO MAKSUD SEPENGKALAN YAITU NAK NGISI ADAT NGISI PUSAKO DALOM DESA KITO INI, NAK JADI WARGA DESA KITO INI, MINTAK DIPAPAK, MINTAK DIARAH DIAJUN, KARNO KAYO INI NGE MEGANG JENGKUN DINGE PAKU, KUNCI DINGE PASAK NGULUA KA PAGI MASUK KA PETANG.

YO KAMI MINTAK DINGE KAYO INI ;

KALUNYO KARAM MINTAK DISELAM, KALUNYO TANABUN MINTAK DIKEKEH, KALUNYU KUMPANG MINTAK DIGALI, KALUNYO KA GUNUNG MINTAK DIBANGKAT KALU NYU CUNDUNG MINTAK DITUNGKAT, KALUNYU JATUH MINTAK DISAMBUT KALUNYU HANYUT MINTAK DIPENTEH.

KINI PUMEN KAMI SERAH DINGEN KAYO INI :

MANO BUMI DIPIJAK SITU LANGIT DIJUNJUNG SAMU TEGENANG SAMO DISAWAH, LAMAN BERSIH SAMO DITEMPUH.

KINI DURIAN DITEGAH PADANG BUAHNYO BANYAK DIMAKAN ULAT KALU KUBENTANG AGI MBUH NYU PANJANG KINI KITO PUNTAN MAKNY SINGKAT, KOK JARANG SISUT KERAP CABUT HINGGU ITU PUMEN.

J A W A B :

ADAT KATO BUJUWAB ANDAI BUTINGKAH, GAYUNG BUSAMBUT, KINI MENURUT ADAT IYO KAMI JUWAB SEPANJONG KATO KAYO SEJAK AWAL SAMPAI AKHIR APO YANG KAYO TOP SADU BENA, APO YANG KAYO HILANG SADU IYO.

MANO SIPANGKALAN PADO MALAH INI NAK NGISI ADAT DINGEN PUSKO NAK JADI ANAK BUAH ANAK PUNAKAN DESA KITO INI, MENURUT ADAT MANO BUMI DIPIJAK SITU LANGIT DIJUNJUNG SAMO TEGENANG SAMO DICAUK LAMAN BERSIH SAMO DITEMPUH LBUHK IDAK KA KURANG IKAN NEGERI IDAK KAKURANG.

ADAT TEPIAN IDAK KA KURANG BASO TUMBUH DALAM NEGERI UTANG NEGERI SAMO DIBAYA GAWE NEGERI SAMO DIKAKAP, SECIOK BAK AYAM SEDENTING BAK BESI SERUMPUN BAK SERAI, MANO UHANG SITU PULO KITO DALAM MASYARAKAT, JANGAN NAK NYANGKUT KA BUUN DILIYI, JANGAN NAK NAYANGKUT KA BATANG NGEBAT KE PINGGAN SALAH KATO ADAT BATAL KATO SERAK IDAK SAH KTO ICO PAKAI, KINI PUMEN ITU NGEN AGI TAMPAK BUNYI KETUK UHANG JUDAH IYO DENGAN KE BANGKAHULU KINI PARNOLAH SUDAH MACO KA DOA KITO SERAH PADA TUAN GURU

ARNO ADAT YANG DISAMPAIKAN OLEH ANAK JANTAN

DIRUMAH PUSAKO DEPATI NAN SELAPAN

BEGINI MANGKAU……….!

KAYO JUGUO PUSAT JALUO HIMPUNAN IKAAN, TEMPAT KAMI MENUMBUK KATOA.

AKAU INI MANGKAU, PADO AHAI NAN SAHAI INIH, SERUPOA BURUNG MAU DIASUONG PERGI/PGUI, DIIMBAO TIBUO, KOK BAJALIEN DULIU SALANGAKAH, KOK BAKATUO DULIU SEPATAH, BAK KIJEANG PELANCANG BUKUIT, BAK PARANG PARAMBAH TAMBAK, PEMBULUH AIR, POLONGAN ASAP, PA ULEAH JARUI SAMBUNGAN LIDIAH, DARI ANAK JANTAN ANAK BATINO LUHAK KAMAI DEPATI KUJUO, SEDIKUIT AKAU NAK MENYAMPAIKAN KATOA NAN SEPATAH DUO

AKAU INI MANGKAU ! BUKIEN BABIDUK-BABIDUK SAJUO, AKAU BABIDUK DIUJUNG UMUO NAK MEMASANG JERAT RUAK, BUKANNYO AKAU DUDUOK-DUDUOK SAJUO, AKAU DUDUOK ATEH KITO BASAMUO, BASAMUO DENGAN KAYOA DEPATI NENEK MAMAK, SERTA URANG TUO CERDIEK PANDAI, ALIM ULAMA, IMAM PEGAWAI, HULU BALING ADEAT TIGO PULUH SERTO KAYO MANGKAU. IKUT SERTOA TIGO KEPALA DESA SELAKU SERBU ADIET DALAN NEGERUI, SERTO PULOA PARA UNDANGAN YANG HADIR PADO HARI INUIH.

YANG MANOA KAYOA NAN DUDUOK BERHIMPIT LUTAUT NAN SELENGKAONG MENDAOL DITEPAI, NAN SELARIK MENDAOL DITENGAH, NAN TALINDAONG DIBILIK DALIAM, DIATEH LANTAI NAN SABINTUIT, DIBAWAH ATAP NAN SELEPAK. KOK ADUO PULOA NAN BAPENTEH, BERPERAN TINGGAI, NAN DUDUOK DITANGGOA JALIEN NAEK, NAN TAGIEK DIHALAMAN NAN DISAPIU.

YANG MANOA PADO AHAI NAN SAHAI INIH , KAMI ANAK JANTAN ANAK BATINO LUHAK DEPATI KUJUO, BAK KATO ADIET, BERDERAK TAGO DI MUAROA, BERDENTUM GURUOH DILANGAIT, TAKEJIUT TAGAMEANG KAMAI, TERSERAK DARIAH DIDADUO, BERDEBAR HATAI DIDALIAM, NGLEH MARWAN NAN TATAGEAK DITENGAH NAGRUI DALAM PARAIT NAN SUDIUT EMPAT LAWANG NAN BERKATUB DUO, NANGAH TABUOH NAN BERDENTIUM-DENTIUM, NANGAH GUONG NAN BANANEAK-NANEAK, YANG MANOA KAYOA UHANG ADEAT PADA HARI INI MANGADOKAN KENDURI ADEAT, KENDURI PUSAKO, KENDURI SUDEAH MANUAI OLEH KARENO ITU PULOALAH KAMAI ANAK JANTAN ANAK BATINO LUHAK DEPATI KUJUO, YANG DIBUKUIT LAH MANURAUN, NAN DILUHAK LAH MANDAKAI, NAN BUTUO LAH DIBIMBIENG, NAN LUMPAOH LAH DIDUKUONG, NAN DIRANTAU LAH BALIEK PULO,LAH PENUAH TAKUMPAOL DIATEH RUMAH PUSAKO KAMAI DEPATI KUJUO DAN KAMAI NAK MANDINGUIN ATAU MALIMOOK PULO PUSAKO KAMAI, PUSAKO NAN TRIKAT DIALANG PANJANG, KERIS NAN TASISAUT DITIANG TENGAH.

BAK KATO ADEAT, LAPAOK-LAPAOK BAHUI, KUMAL-KUMAL DISESAH, ADEAT LAMO PUSAKO USANG, ADEAT NAN DAK LAPAOK DEH HUJIEN, NAN DAK LEKANG DEK PANEAH, WARAIH NAN KAMI JAWEAT, HALIPAH NAN KAMI JUNJUONG, HIDUP MENINGGAL PESAN, MATAI MENIGGALKAN AMANAH, PESAN SKO NAN KAMAI TERIMOA.

MANGKAU ………………..!

PADO PADO AHAI NAN SAHAI INIH, KAMAI ANAK JANTAN ANAK BATINO LUHAK DEPATI KUJUO, MENGUCAPKAN TERIMA KASIH KEPADO KAYOA KAUM ADEAT YANG TELAH MENGAJUN ARAH KAMAI UNTUK KASAWAH, KA LADEANG, BAIDUN BATARNEAK.

MANGKAU ……………….!

KOK KASAWAH LAH BATUMPAK DI NAN DATEA, KOK BALADEANG LAH BATUMPAK DI NAN LIREANG, BENDAR BALIKUOK TURUT BUKUIT, CENCANG LATEH NENEK MOYANG, TEMBILEANG BESUI UHANG TUO-TUO, AJUN ARAH KAYO KAUM ADEAT. KOK KASAWAH KAMAI LAH MANDAPEAT PADUI, KOK KALADEANG KAMAI LAH BERHASIL, KOK MANAMBAANG KAMAI LAH MANDAPEAT EMEAH, KOK BATERNEAK KAMAI LAH BAKEMBANG BEAK, KASAWAH LAH BABUNGUO EMPAENG, KA SUNGAI LAH BABUNGUO PASAE, KA LAUT LAH BABUNGUO KARANG, KARIMBOA LAH BABUNGUO KAYAU.

MANGKAU ………………..!

PADO HARI INIUH JUGUO KAMAI MENGUCAPKAN SYUKUR KEPADA ALLAH SUBHA NAHU WATAALA, KARNO KAMAI LAH BERHASIL ATAS ARAHAN KAYOA KAUM ADEAT, MAKO DENGAN INUIH KAMAI ANAK JANTAN ANAK BATINO LUAH DEPATI KUJUO, LAH MENENGAH PULOA NASAI NAN BABUNGKUIH, GULIE NAN BATANGKIE, LEMANG NAN BABATEANG, PISANG NAN BASIKIET, AYAEK NAN BATABUONG, DIHADAPAN KAYOA UNTUK DISANTAP BASAMUO-SAMUO, PUTH KAPEH BULEAH DI KELEH, PUTEH HATAI BAKADAAN.

TERAKHIRNYO, KAMAI MENGHARAPKAN PULUO SUPAYO KAYOA MEMBACUO DO’A AGAH SE AMAIN, DO’A SELAMAT, DO’A BERKAH DAN DO’A TOLAK BALA, SEMISAL PAHALONYA NAK MANULONG ARWAH UHANG NAN MALATAH MELATIH PUSAKO KAMAI, JAUHLAH DARI BALA HENDAKNYO, BAIK BALA TUHAUN DARI LANGAIT MAUPUN BALA ITU TERBUIT DARI BUMUI, DAN ANAK JANTAN ANAK BATINO SELURUHNYO TASUSAUN BESERTO DENGAN  DEPATI NENEK MAMAK, SELALU HIDUP SEJAK TERA DAN BAHAGIA HENDAKNYO.

SEKAWAN BAK BURUONG, SE ALAUN BAK IKAN, KE HULU SERENTAK SATANG, KEHILEI SERANGKUH DAYUONG, KA ATEH SAPUCAOK, KE BAWOH SE AKA.

ITULAH RUPONYO MANGKAU………..! KATO NAN DAPIET KAMAI SAMPAIKAN KEPADA KAYO, LEBIH DAN KURANG KAMAI MINTA MA’AF.

PARNO MENGISI CUPAK PNOH GANTANG MELILIH

TP                        : ASSALAMUALIKUM WR.WB

HADIRIN                : WALAIKUMSALAM WR.WB

KAPAL MERAPAT DITANAH JAMBI BERI BETALI DINGAN BULATA SIRAPAT KITO DTEMPAT INI         KMANO PULO KAMI NAK NUMBUK KA KATO UHANG MERAPAT SAMI DUDUK BUAT BINGKAI KALU CERMIN IYO NAK DIPASANG BAGIAN MUKO, SERAPAT KITO DINGAN DUDUK DI TEMPAT INI IYO ALU KAYO KUTUMBUK KATO.

NINIK MAMAK       : IYO. . . .!

BUKAN LEBAH SEMBARANG LEBAH, LEBAH BUSUSUN DIBUKU BULUH, BUKAN SEMBAH SEMBARANG SEMBAH, SEMBAH BUSUSUN JAHI SEPULUH. BUSUSUN JAHI DINGAN SEPULUH SEBLEH DINGAN KAPALO MOHON MAAF KEPADO SEGALO KAYO PARA DEPATI NINIK MAMAK. DEK KAYO YANG MEGANG LANTAK DINGAN GUYANG, KAIT DINGAN IDAK SEKAH, TALI DINGAN IDAK PUTUH, CERMIN DINGAN IDAK KABU, SERTO MEMEGANG TERUPUNG YANG AMAT TRUH MENERUPUNG ANAK BUAH ANAK KEMANAKAN DIDALOM NEGERI.

NINIK MAMAK       : IYO. . . .!

LAH KAMI LAYANG PANDANGAN DINGAN JAUH, LAH KAMI TUKIK PANDANGAN NGE DEKAT, DALOM MENGADOKAN UNDIN DINGAN INOK TOP DINGAN ANGGIT, SUSUN DINGAN TINDIH. KOK MLI GULO ILUK BUKATI, GULO TEBLI DI PEKAN TINGGAN, KAMI PARNO MULUNYO KINI NAK NYAMPAI MAKSUD CUPAK DINGAN GANTANG, KALU IDAK DISAMPAI MAKSUD CUPAK GANTANG JANGAN SNDUK AYI DALOM PINGGAN IDAK TENTU ULU DINGAN MARO, KINI KITO MENCARI ULU DINGAN MARO, TERBIT AYI DARI ULU TERBIT GETAH DARI BATANG, TERBIT ANGIN DARI PUHUN, TERBIT KATO DARI CUPAK DINGAN GANTANG, MANO CUPAK GANTANG KITO LAH DAPAT KATO SEFAKAT, BULEK AYI KEPEMBULUH, BULEK KATO KEMUPAKAT, BULEK DAPAT KITO GULINGKAN KE TEMPAT YANG DATA, PICAK DAPAT KITO LAYANGKAN DITEMPAT NGE LICIN.

NINIK MAMAK       : IYO. . . .!

LAH SELETUH BDIN, SETALU SUHAK , LAH SECIOK BAK AYAM, SEDENTIN BAK BESI, SERUMPUN BAK SERAI, PADO MALOM INI SENGAJO MERUNGGUHKAN KAYO STAF NEGERI YOITU PENGHULU JIWA NEGERI HULU BALANG TABIN NEGERI, ALIM ULAMO SULUH BINDANG DALOM NEGERI, KAUM ADAT MEGANG KUNCI KAMPUNGPASAK NEGERI, NGENAUN KEJKUN DINGAN PAKU, MENGARAH MENGAJUN , MENGHILO MEMBENTANG, MEMAPAH MEMBIMBING, NYELESAI NGE KUSUT, MEMATUT NGE SILANG, MENYUSUN DINGAN RENGGANG, SERTO MASUK KEPETANG NGELUA KA PAGI, NGE TAU UHANG MASUK NGE UHANG KELUA.

NINIK MAMAK       : IYO. . . .!
KINI NAK KAMI SAMPAIKAN MAKSUD SEPANGKALAN MERUNGGUHKAN SEGALO KAYO INI IDAK BUSISIH, IDAK BUHINGGO. SEPANGKALAN KITO PADO MALOM INI NAK NGISI CUPAK NGE PNOH GANTANG MELILIH, NAK MENJADI WARGA DESA……………………., MAKO KAMI DARI TAGANAI RUMAH MENYERAH UHANGINI SEKELUARGA KEPADO  STAF NEGERI DESA……………, DINGAN KAMI SERAHKAN UHANGINI KEPADO KAYO STAF NEGERI, KAMI MINTAK KEPADO KAYO UNTUK MENGARAH MENGAJUN, MEMAPAH MEMBIMBING, KALU NYU KUSUT MINTAK DISELSAI, SILANG MINTAK DIPATUT, RENGGANG MINTAK DISUSUN, KARAM MINTA DISELAM, TANABUN MINTA DIKEKEH, KEGUNUNG MINTA DISIGAI, KELANGIT MINTA DIASAP, KALU JAUH MINTA DISAMBUT, REBAH MINTA DIBANGKIT, HANYUT MINTA DIPINTEH, DEK MENGINGAT KATO ADAT DIMANO BUMI DIPIJAK DISITU LANGIT DIJUNJUNG, DIMANO SUMO TEGENANG DISITU AYI DICAUK.
NINIK MAMAK       ; IYO. . . .!

KINI LAH DIADOKAN NASI NGE SUAP GULAI DINGAN SITANGKAI, AYI DINGAN SIREGUK, MINTAK DIBACO DO’A SELAMAT, DO’A BERKAH, DO’A TULAK BALA, DAN DO’A NULUNG ARWAH UHANG MATI BARU MAUPUN MATI LAMO. KALU JARANG MINTA DISISUT , KRAP MINTAK DITUHONG. HINGGU ITU PARNO DARI KAMI, SEGALO KEKURANGAN MOHON MAAF KEPADO SEGALO KAYO YANG HADIR.   


JAWAB PARNO

NINIK MAMAK       : LAH BUNGI UNGKO DITANAH JAMBI NYU KUDENGA KE MARA BUNGO KUTUMBUK KATO YO ALU KA KAMI SINI NGE NENGA BUSAMO.

TP                        : IYO. . . .!

NINIK MAMAK       : DEK MENGINGAT LUBUK IDAK KEKURANGAN IKAN, NEGERI IDAK KEKURANGAN ADAT, ANDAI IDAK KEKURANGAN TINGKAH GAYUNG IDAK KEKURANGAN SAMBUT, KATO IDAK KEKURANGAN JUWAB, ANDAI BUTINGKAH GAYUNG BUSAMBUT, KALU NAK LUHUH KITO ENTANG KA TALI, KALU NAK TINGGI NAIK KAN BUDI, NAK MULIH TEPATI JANJI, NAK MULIO BUBASO BASI, NAK ILOK LAPANG HATI, NAK TEGUH PAHAM DI KUNCI, NAK BULABO BUAT BERUGI, NAK BARADO KUAT MANCARI.

TP                        : IYO. . . .!

NINIK MAMAK       : APO LAH KAYO URAIKAN SEJAK AWAL SAMPAI AKHIR NYU TADI, LAIN IDAK NYAMPAI KAN MAKSUD SEPANGKALAN. KARENO MENURUT ADAT BAHWO KAMI YANG MENGARAH, MENGAJUN, MEMAPAH, MEMBIMBING, MASUK KA PTANG, NGELUA KA PAGI, ANAK BUAH ANAK KEMENAKAN DI DALAM NEGERI, DEK UHANG INIEH PADO MALAM INI NGISI CUPAK DENGAN GANTANG MELILIH TERHADAP STAF NEGERI DESA KAMI INI YO KINI KAMI TERIMO DEGAN HATI SUCI MUKO DENGAN JERNIH, SEJAK MALA MINI UHANG INI LAH RESMI MENJADI WARGA MASYARAKAT DESA KAMI INI.

TP                        : IYO. . . .!

NINIK MAMAK       : KARNO LAH MENJADI WARGA DESA KAMI INI HARUSLAH UHANG INI PATUH DAN TUNDUK KEPADO PEMERINTAH DESA, JANGAN NAK SEKALI-KALI TERASO NAK MUANG LMAK, TERASO GDANG NAK MUNINDIH, TERASO TINGGI NAK MUNIMPO, TERASO CDIK NAK MUANG KAWAN. TETAPI HARUS BUKAMPUNG LIBA BAULEH PANJANG JANGAN BUKAMPUNG LIBA CABIK, BAULEH PANJANG PUTUH IDAK BULIH, MENURUT ADAT DENGAN ICO KITO PAKAI.

TP                        : IYO. . . .!

NINIK MAMAK       : DEK UHANG INI LAH MENJADI WARGA DESA KAMI IO APOBILO NYU KARAM IO KAMI SLAM, TANABUN KAMI KEKEH, KEBUKIT IO KITO SIGAI, KE LANGIT YO KITO ASAP, JATUH DISAMBUT REBAH DIBANGKIT, HANYUT DIPINTEH MAK SLAMAT HIDUP DIDALOM DESA KITO INI.

TP                        : IYO. . . .!

NINIK MAMAK       : ADOPUN KEWAJIBAN KITO TERHADAP NEGERI KITO, YO ITU APOBILO ADO GAWE KCIK, GAWE GDANG MAK SAMO-SAMO DIGAWE, APOBILO ADO PCEN KCIK PCEN GDANG MAK SAMO-SAMO KITO BAYIE, KOK MUSUH DARI MUDIK SAMO-SAMO KEMUDIK, ADO MUSUH DARI ILEI MAK SAMO-SAMO KITO KE ILIE, KOK MUSUH DITENGAH-TENGAH MAK SAMO-SAMO KITO KEPUNG. INILAH NGE PERLU KITO INGAT SEBAGAI WARGA MASYARAKAT.

TP                        : IYO. . . .!

NINIK MAMAK      : KINI DEKLAH DIADOKAN NASI NGE SASUAP GULAI NGEK SITANGKAI, AYIE DENGAN SIREGUK, IO MINTA KITO BACOKAN DOA SELAMAT DOA NOLAK BALA, MAK SEPANGKALAN KITO BADAN MAK SEHAT, REZKI MAK DIO LIPAT GANDO, IBADAH SEMAKIN TAAT, MAK MENJADI UHANG YANG TAQWA KEPADA ALLAH SWT, DAN JUGO MINTA DIBACO DOA NULUNG ARWAH UHANG MATI LAMO MAUPUN MATI BARU, KALU SEMPIT DALOM KUBU MINTAK DILAPANG, KALU ADO ADO AZAB NGEK BERAT MINTAK DIRINGAN, KALU ADO DENGAN RINGAN MINTAK DIHILANG SEGALO AZAB YANG ADO. KOK MACO DOA KITO SERAHKAN SALAH SATU PARA ALIM ULAMO. YO HINGGO ITU JUOB PARNO DARI KAMI SINI, LEBIH KURANG MOHON MAAF

ARNO ADAT MANGGIN TAHU

ASSALMUALAIKUM WR.WB.

SEIRING BALAM DENGAN MURBAH BALAM LALU MURBAH MANDI, SEIRING SALAM DENGAN SEMBAH SALAM LALU SEMBAH KEMBALI, SALAM KAMI TUJUKAN KEPADO KAYO SELAKU DEPATI NINIK MAMAK PEMANGKU ADAT SEMBAH KAMI SAMPAIKAN KEPADO KAYO STAF NEGERI DALAM PARIT YANG BESUDUT EMPAT KINI NAN KURIK KUNDU NAN MERAH SAGO NAN BAIK BUDI NAN INDAH BASOPUTIH KAPEH DAPAT DIKIMAK PUTIH HATI BERKEADAAN. PADO MALAM INI NYATO DIALAM TERANG DIAREH DAN MENGINGAT KEJO BAPUKOK SILANG BUPANGKA KAMI DARI ANAK JANTAN TEGANAI RUMAH INI LAH DAPAT KATO SELUKU DAN MUFAKAT UNTUK MENYAMPAIKAN HAJAT DAN MAKSUD CUPAK GANTANG KITO KEPADO KAYO STAF NEGERI MAKO PENYAMPAIAN KATO KAMI TUJUKAN KEPADO NINIK MAMAK PEMANGKU ADAT ALU KAKAYO PUMEN PUNUMBUK KATO.

BEGINI KAYO NINIK MAMAK,

MENGINGAT NEGERI YANG BUPAGA ADAT TAPIAN BUPAGA BASO PADANG BUPAGA MALU RUMAH BUTAGANAI KAMPONG BATUO LUAK BUPANGHULU ALAM BARAJO, PADO MALAM INI SENGAJO KAMI MERUNGGUHKAN STAF NEGERI KARNO KAYO  TUWEN ANAK BUAH ANAK PUNAKAN MASUK KAPETANG NGALUAKAN PAGI MENGARAH MANGAJUN MENGILO MEMBENTANG KARNO PADA MALAM INI CUPAK GANTANG KITO NAK MANGGIN TAHU KEPADO KAYO YAITU NAK MUTONG KAKI EMPAT ATAU NAK MUNUH KAMBEK/BIRI^{2 ,} JAWI[1] DALAM RANGKA MAU ANAK KE SUNGAI ATAU TURUN MANDI YAITU PADO HARI JUM’AT DAN LANGSUNG KENDURI, JADI PADO HARI ITU KAMI MINTAK KEPADO KAYO UNTUK DAPAT MENGARAH MENGAJUN, SEBALIK DARI PADO ITU PULO KARNO KITO MENGINGAT SIGEDONG-GEDONG KEJO BAPULONG PERTENGAHAN KEJO BANJUK TAHU SEKICIK KEJO SETAHU MENURUT ICO PAKAI KITO ADAT RUSAK LUMBAGO JANGAN SUMBIN JADI PADO MALAM HARI INI KALU ADO KANTI KANTI KAYO DENGAN IDAK HADIR ATAU IDAK TIBO KATO-MENGATO NYAMPAI MENYAMPAI BAHWA PADO HARI TERSEBUT KAMI MINTAK DIHADIRI KENDURI CUPAK GANTANG KITO INI JADI SEBAGAI PENYAMPAIAN KATO WATEH PUMEN KALU JARANG SISUT KERAP TUHONG DI NINIK MAMAK,, TERIMO KASIH.

PARNO ADAT MAMPEH

ASSALMUALAIKUM WR.WB.

SEIRING BALAM DENGAN MURBAH BALAM LALU MURBAH MANDI, SEIRING SALAM DENGAN SEMBAH SALAM LALU SEMBAH KEMBALI, SALAM KAMI TUJUKAN KEPADO KAYO SELAKU DEPATI NINIK MAMAK PEMANGKU ADAT SEMBAH KAMI SAMPAIKAN KEPADO KAYO STAF NEGERI DALAM PARIT YANG BESUDUT EMPAT KINI NAN KURIK KUNDU NAN MERAH SAGO NAN BAIK BUDI NAN INDAH BASOPUTIH KAPEH DAPAT DIKIMAK PUTIH HATI BERKEADAAN. PADO MALAM INI NYATO DIALAM TERANG DIAREH DAN MENGINGAT KEJO BAPUKOK SILANG BUPANGKA KAMI DARI ANANK JANTAN RUMAH INI LAH DAPAT KATO SELUKU DAN MUFAKAT UNTUK MENYAMPAIKAN HAJAT DAN MAKSUD CUPAK GANTANG KITO KEPADO KAYO STAF NEGERI MAKO PENYAMPAIAN KATO KAMI TUJUKAN KEPADO NINIK MAMAK PEMANGKU ADAT ALU KAKAYO PUMEN PUNUMBUK KATO.

BEGINI SEGALO KITO NGAN DUDUK, MENGINGAT NEGERI BUPAGAT ADAT TAPIAN BUPAGA BASO PADANG BUPAGA MALU ADAT JANGAN RUSAK LEMBAGO JANGAN SUMBIN ADAT ICO PAKAI KITO CONTOH YANG SUDAH TUWAH YANG MENANG TITIN TIPASANG LAH DITITI JALAN DIRAMBAH LAH DITEMPUH APOBILO CUPAK GANTANG KITO DAPAT MUSIBAH ATAU SESUATU KITO PAMPEH UNTUK MENJADDI OBAT DIMANO CUPAK GANTANG KITO TADI BAK KATO PEPATAH MENGATOKAN MALANG TAK DAPAT DITULAK MUJUR TAK DAPAT DIRAIH MALANG SEKIJAB MATO MUJUR SEPANJANG HARI LAH TERJADI PELANGGARAN SIANG TADI LAH LUKO JANGAT GURIH DAGING MUDAH-MUDAHAN DENGAN TEPUNG TAWA INI SAKIT CUPAK GANTANG KITO MAKNYU BURANSU SIHAT BUBALIK ASO DENGAN DULU NGULANG ASO DENGAN LAMO DAN UNTUK AKAN DATANG BELA DUNIA BELA AKHIRAT DIJAUHKAN ALLAH HENDAKNYO,

JADI NITULAH PUMENNYU, TERIMO KASIH.

PARNO MEMBAYAR UTANG (MAYIE UTANG)

PEPAT DIPEPAT BATANG KADUDUK, BATANG CEMPAKO DI DUO KUTO,  SERAPAT KITO DENGAN DUDUK ALU KE NINIK MAMAK KETUMBUK KATO; KOK BUKATO DALAM ADAT, JIWA ITU TANDA, RIMBO JANJI, LAUT PIKI; KOK BUKATO DALAM PESUKO, MUNANAM SELINGKUNG PAGA

ADAPUN NAMO YANG TERANG DALAM ADAT

4 PERKARO : PERTAMO NAMO DEPATI ; KEDUO NAMO NINEK MAMAK ; KETIGO NAMO TEGANAI ; KEEMPAT NAMO ANAK JANTAN

MLI GULO ILUK BUKANTI; DIBELI DI PEKAN TINGGAN; KAMI PARNO MULAI KINI; NAK BILANG MAKSUD CUPAK DINGE GANTANG

IDAK DI BILANG MAKSUD CUPAK DINGEN GANTANG; JANGAN SEPERTI AYI DALAM PINGGAN; IDAK BU ULU IDAK BU MARO; TERBIT AYI DARI ULU

TERBIT GETAH DARI BATANG; TERBIT ANGIN DARI POHON; TERBIT KATO DARI CUPAK DINGEN GANTANG; KARNO CUPAK DEINGE GANTANG; LAH DAPAT SUSUN DINGE TINDIH TOP DINGE ANGGIT UNDIN DINGE SLUKU LAH MULEK AYI DI PEMBULUH LAH GETU KATO MUFAKAT

KATO TISERAH PADA URANG SURANG

MENGINGAT KITO UMAH BUTAGANAI ; KAMPUNG BUTUO, LUAK PENGHULU ALAM BURAJO; SENGAJO DI RANGKUH KITO ANAK JANTA TEGANAI UMAH; TAU-TAU PATI PENGHULUI; SERTO KAYO PERBUKALO; BUNGKAN YANG EMPAT ; IMAM, KATIB, CERDIK PANDAI; SERTO KAYO ANGGOTA BPD; LAH HADIR PULO BAPAK KEPALA DESA

SENGAJO MERANGKUHKAN KAYO TERSEBUTR PADA MALOM INI; SEBAB KAYO ITU DINGEN MGANG KUNCI KAMPUN PASAK NEGERI; MNAUN KE JENGKUN DINGE PAKUNYU; MANO KITO SELAKU HAMBA ALLAH; UMAT MUHAMMAD; SURUH KERJO TEGAH DI NTI;SAH DIPAKAI BATAL DIBUANG.

MENGINGAT KITO BUSKO KAMARKEN ; BA ADIK BAKAKAK; BU KAUM SANAK SAUDARO; SENGAJO DIRUNGGUH KITO ANAK JANTAN; KEDUO BELAH PIHAK PADA MALAM INI; ANAK BUAH ANAK PNAKEN KITO IA BSERANG SELISIH

KALU KUSUT KITO USAI KALU SILANG NA KITO SUSUN KALU SARANGN NA DIBAGI KALU RENGGANG NA KITO PATUT; NYATO DIAREH TERANG DIALAM

SI A IA TICALIK DI GUNUNG KAPU; PUTIH TUNJUK; TEINJAK DI GUNUNG ARANG; ITAM TAPAK; KALU DI GANTUNG SUKO TINGGI KALU DUSO SUKO TUBAT; KALU SALAH SUKO BATANG

MENUHUT ICO PAKAI SEJAK DULU SAMPAI SEKARANG

KALU SALAH TENTU YO BUTANG MENURUT TOP JENANG DEINGE RAJO ADAT KAYO IDAK KUPAK LAMAGO IDAK SUMBING INI NYU MEH NYU

PUTIH KAPEH BULI DILIHAT; PUTIH HATI BERKENYATAAN KALU JARANG SISUT KERAP TUHONG

JAWABAN PARNO

ADOPUN NAMO NGE TERANG DALAM ADAT EMPAT PERKARO PERTAMO NAMO DEPATI KEDUO NAMO NINEK MAMAK KETIGO NAMO TEGANAI KEEMPAT NAMO ANAK JANTAN NYATO DIAREH TERANG DIALAM

PADA MALAM INI ANAK BUAH ANAK PENAKAN KITO IA DAPAT SUSUN DINGEN TINDIH TOP DINGE ANGGIT UNDIN DINGE INUK NGE KUSUT LA SELESAI NGE BSILANG IA PATUT NGE KRUH LA JERNIH NGE BUSLANG KANG LAH SUSUN UJUNG PANGKEN YO BUSUO

ANAK BUAH ANAK PANAKAN KITO LAH CALIT DI GUNUNG KAPU TENTU YO PUTIH TUNJUK TPIJAK GUNUNG ARANG ITAM TAPAK

PADA MALAM INI IDAK LAHI PADO ICO PAKAI KITO SEJAK DULU SAMPAI SEKARANG KALU DUSO TUBAT SALAH BUTANG UTANG DIBAYA.

PADO MALAM INI ADAT IDAK KUPAK LEMBAGO IDAK SUMBING INI MEH NYO

PARNO PERTUNANGAN

PEPAT DIPEPAT BATANG KADUDUK BATANG CEMPAKO DI DUO KUTO SERAPAT KITO DENGAN DUDUK ALU KE NINIK MAMAK KETUMBUK KATO

KOK BUKATO DALAM ADAT JIWA ITU TANDA, RIMBO JANJI, LAU PIKI KOK BUKATO DALAM PESUKO MUNANAM SELINGKUNG PAGA ADAPUN NAMO YANG TERANG DALAM ADAT 4 PERKARO PERTAMO NAMO DEPATI  KEDUO NAMO NINEK MAMAK KETIGO NAMO TEGANAI KEEMPAT NAMO ANAK JANTAN; MLI GULO ILUK BUKANTI DIBELI DI PEKAN TINGGAN KAMI PARNO MULAI KINI NAK BILANG MAKSUD CUPAK DINGE GANTANG IDAK DI BILANG MAKSUD CUPAK DINGEN GANTANG JANGAN SEPERTI AYI DALAM PINGGAN IDAK BU ULU IDAK BU MARO TERBIT AYI DARI ULU TERBIT GETANG DARI BATANG TERBIT ANGIN DARI POHON  TERBIT KATO DARI CUPAK DINGEN GANTANG KARNO CUPAK DEINGE GANTANG LAH DAPAT SUSUN DINGE TINDIH TOP DINGE ANGGIT UNDIN DINGE SLUKU LAH MULEK AYI DI PEMBULUH LAH GETU KATO MUFAKAT KATO TISERAH PADA URANG SURANG

MENGINGAT KITO UMAH BUTAGANAI KAMPUNG BUTUO, LUAK PENGHULU ALAM BURAJO SENGAJO DI RANGKUH KITO ANAK JANTA TEGANAI UMAH TAU-TAU PATI PENGHULUI SERTO KAYO PERBUKALO BUNGKAN YANG EMPAT IMAM, KATIB, CERDIK PANDAI SERTO KAYO ANGGOTA BPD LAH HADIR PULO BAPAK KEPALA DESA

SENGAJO MERANGKUHKAN KAYO TERSEBUT PADA MALOM INI  SEBAB KAYO ITU DINGEN MGANG KUNCI KAMPUN PASAK NEGERI  MNAUN KE JENGKUN DINGE PAKUNY KALU MENEBANG MENUJU BANGKA  MELANTING MENUJU TAMPUK MENIMBAK MENUJU ALAMAT ANYUT BUGO DARI ULU BUNGO CEMPAKO KMBANG MASAK DIMAKAN PUNAI MARABAH

KINI JANJI NAK TPET ARAM NAK DI HUNI KATO DULU NAK TEPATI ADET UHA KERIMBO ADO RINTEH DINGE TERANTANG

ADET UHANG BUKAYO ADO LEPANG NGE BUTAKUK ADET UHA BUTUNONG ADO SEBENTUK CINCIN SEBILAH JARUM BUNGO MEH BUNGO MENTAWI URANG BUKUDO DARI JAMBI PADO MALOM INI TUKA MEH  BJUANG BLI BUKA PIRAK DINGE KITO MNAGO

PADA MALOM INI MLETAK TANDA

SI A DENGAN SI B ………………………………….

KALU KERANG TUHONG KALU JARANG SISUT SADI ITU KATUNY NINEK MAMAK

JAWAB PARNO PERTUNANGAN

NAK KAMI TULAK BUKAN NYO RAKIT NAK KAMI KABIN BUKANYO PERAHU NYATO DI AREH TERANG DIALAM PADO MALAM INI LAH CUCOK WEH MLAWEN BUKU LAYAK MLAWEN JODOH

NEPAT ARO BUBUNGO KUNING NEPAT DURIAN RUNTUH SIPAGI NEPAT PISANG MASAK SMALAM BUKAN TUHA PENDAPAT SEMILAN KALI BAIK SEPULUH KALI AGUNG.

ANAK NGINI LA MELETAK TANDO LAH JADI ANAK BUAH ANAK PNAKAN KITO JESAK PADO MALAM INI KALU NGPIN LAH SAMO GDANG NIMBANG SAMU BRET NGUKU SAMO PANJONG JAUH PAGA ATI DEKAT PAGA MATO LA JADI ANAK BUAH ANAK PENAKAN KITO

MANO TMILANG DICACAK SITU TMILANG TUMBUH MANO BUMI DIPIJAK SITU LANGIT DI JUNJUNG MANO NEGERI DI TUNGGU SITU ADAT DI TUHUT MANO KAYO BILANG DARI AWAL SAMPAI AKHIR JARANG IDAK DAPAT DISISUT KERAP IDAK DAPAT DI TUHONG LAH YO NIA GALU SADU NGE KAYO KATO

PARNO NGUNJUK TAU

SUNGGUH BANYAK IKAN DI LUBUK

SIKU UGO DENGE KENO JALO

SUNGGUH BANYAK KITO DINGE DUDUK

ALU KA NINIK MAMAK KUTUMBUK KATO

KINI NAK KITO BILANG JUGO USUL DINGEN ASAL

SEBAB DINGEN KARNO

KALU IDAK DIBILANG USUL DINGE ASAL

SEBAB DINGE KARNO

JANGAN PULO SAMU DINGEN AYI DALOM SAYAK

IDAK TENTU PULO ULU DENGE MARO

KINI TERBIT AY DARI ULU

TERBIT GETAH DARI BATANG

TERBIT ANGIN DARI POHON

TERBIT KATO DARI CUPAK DINGE GANTANG

MANO CUPAK DINGE GANTANG DIRUMAH INI

LAH DAPAT PULO UNDING DINGE INOK

TOP DINGE ANGGIT, SUSUN DINGE TINDIH

KOK ILI LAH SERENTAK SATANG

KOK MUDIK LAH SERENGKUH DAYUNG

KOK TERENDAM LAH SAMO BASAH

KOK TERAMPAI LAH SAMO KERING

KOK TERAPUNG LAH SAMO ANYUT

LAH SELETUH BEDIN SE ALUN SUHAK

SE IYO SEKATO, SECIOK BAK AYAM

SEDENTING BAK BESI, SERUMPUN BAK SERAI

LAH BULEK AI DIPEMBULUH

MULEK KATO DEK MUFAKAT

KATO TERSERAH PADO URANG SURANG

YANG MANO SEPANGKALAN PADO MALAM INI

SENGAJO MERENGGUHKAN KAYO INI

ANAK JANTAN TEGANAI RUMAH

BESERTO KAUM ADAT,CERDIK PANDAI,ALIM ULAMO

LAH HADIR PULO BAPAK KEPALA DESA PENGHULU JIWA NEGERI

ULU BALANG TABING NEGERI

ALIM ULAMO SULUH YANG AMAT TERANG AI YANG AMAT JERNIH

KAUM ADAT YANG NGUNCI KAMPUNG PASAK NAGERI

DINGE NAK NYEKUN DINGE PAKU

DINGE NGILO DINGE MENTANG

MENGARAH MENGAJUN ANAK BUAH ANAK PUNAKAN

DINGE NGULUA KA PAGI MASUK KA PTANG

ANAK BUAH ANAK PUNAKAN DALOM NEGERI KITO INI

MENURUT ADAT DINGE ICOKITO PAKAI

SIGDONG-GDONG KJO BU PULONG

PERTENGAHAN KJO NGENJUK TAU

SIKCIK-KCIK KJO SITAU

NAMPAK NYO SEPANGKALAN PADO MALAM INI NAK  NGENJUK TAU

YAITU NAK MUTONG KAKI MPAT PADO HARI .................

PUMEN NYU ANAK NGINI NAK MAU ANAK TURUN KESUNGAI

NAK MULPEH UTANG, BUKAN PULO UTANG MEH DINGE PIRAK

YAITU UTANG TERHADAP ANAK ADO PULO LIMO PARA KARO

1. UTANG TINDIH TABUNG, 2. MAU ANAK TURUN KE SUNGAI, 3. SUNAT RASUL, 4. MULPI ANAK NUNTUT ILMU, 5. TIKAH KAWIN.

NAMPAK NYU ANAK NGINI NAK MULPEH UTANG KE .............

JADI SEGALO KAYO DINGE HADIR PADO MALOM INI

MUHON PULO KAYO HADIR PADO HARI ........... DAN MANO KANTI KAYO YANG IDAK HADIR MALOM INI MUHON PULO KAYO SAMPAI MENYAMPAI KATO MUNGATO SUPAYO KAYO SAMO-SAMO HADIR PADO HARI .......... UNTUK MENGARAH MENGAJUN PADO HARI ITU

JADI SEJAK DARI AWAL SAMPAI AKHIR NYU TADI

APU DINGE LAH KAMI SAMPAIKAN TADI

KOK JARANG TULUNG KAYO SISUT

KOK KERAPTULUNG PULO KAYO NYABUT

NAU MUDO SGA NYU RAPAT, NYU RAPAT KE UJUNG LIDI

KARNU KAMI AGI MUDO KURANG SEPENDAPAT,

JANGAN PULO MENJADI UPAT DINGE PUJI

BUNYI KTUK UHANG KOTO RENDAH

NYU KU DENGA KE BANGKAHULU

KAMI NYAWAB PURNO IYO LA SUDAH

KALU SALAH MINTAK MAAF TERLEBIH DAHULU.

 

JAWAB PARNO

BUJALAN  KE LUBUK PAKU

TERUH KE BIDENG LIMO

KUTUMBUK KATO IYO LAHI KA AKU

TAPI NANGA KITO BUSAMO

DEK LAH BIASO GULO MERUAP

PISANG BUBUAH, JAGUNG BURAMBUT

LAH BIASO PULO KATO BUJUAP

ANDAI DI TINGKAH, GAYUNG BUSAMBUT

KALU KATO IDAK BUJUAP, ANDAI IDAK DITINGKAH

GAYUNG IDAK DISAMBUT

IDAK PULO BENA MENUHUT ADAT KITO

KINI NAK KAMI JAWAB UGO SIPANJANG KATO KAYO

PANJANG BARIH UHANG BULAHAK

TUAN JI BUSERBAN KEREH

KAYO URAI PANJANG DINGE PANDAK

IYO KAMI SAMBUT CEPAT DINGE TANGKEH

JADI SEJAK DARI AWAL SAMPAI AKHIR

APO YANG KAYO SAMPAI TADI

KOK TABILOK LAH MENJADI UKIR

TERENTANG LAH MENJADI BARIH

MUNIMBAK LAH MENUJU ALAMAT

MELENTING LAH MENUJU TAMPUK

MENEBANG LAH MENUJU BANGKA

KOK JARANG IDAK NYADO UNTUK DISISUT

KOK KERAP IDAK NYADO UNTUK DICABUT

IYO KINI LAH DIADOKAN NASI YANG SESUAP

GULAI YANG SETANGKAI

AI YANG SEREGUK

IYO MINTAK DI BACOKAN DO’A BERKAT DO’A SELAMAT

IYO SUPAYO KITO SELAMAT DUNIA AKHIRAT

BEGITU PULO TERHADAP KELUARGA KITO

KOK ADO YANG MATI BARU MATI LAMO

SUPAYO AMAL PERBUATANNYA DAPAT DITERIMO

KOK SEMPIT KUBUR MINTA DILAPANG

KOK PANEH MINTAK DI DINGIN, KOK BERAT KESALAHANNYA MINTAK DIRINGANKAN

KAYU ARO PASA SEBELAH

ILUK DI BELI IKAN HIU

KINI JAWAB PARNO IYO LA SUDAH

KOK ADO SALAH JANGGALNYA MINTAK MAAF TERLEBIH DAHULU

UNTUK MEMBACO DO’A KITO SERAHKAN KEPADO ALIM ULAMO

PARNO MELETAK TANDO/CIHI

BEGINI KITO BUSAMO SEGALO KITO DINGE DUDUK

SEBELUM ACARA INI KITO MULAI LEBIH BAIK KITO SILISU TERLEBIH DULU

KATO ADAT MENGATOKAN SEBELUM DAHAN KA MANIMPO, ANTING KA MANCUCUK

MAKSUD KAMI ITU BUGINI, KATU ADAT NGATO KALU NAK BUBINI ISI ADAT, ISI PUSKO

KALU NAK LAHI TUANG LAMBAGO

IDAK ADO KAYO KEDUO BELAH PIHAK INI MENA BUET DINGE JANJI  ANTARO ANAK NGINI BUDUO

KULU ADO KATOKAN ADO, KALU IDAK KATOKAN IDAK

JANGAN NANTI API PADAM, PUNTUNG BERASAP, RUMAH SUDAH TOKOK BABUNYI

KALU ADO ATAU IDAKNYADO MAI KITO MULAI ACARA KITO INI

ASSALAMU’ALIKUM WARAHMATULLAH HIWABARAKATUH

PEPAT DIPEPATBATANG KUDUDUK

SERUPO DINGE BATANG UBI

CIMPAKO DILUAR KOTO

SERAPET KITO DINGE DUDUK

SADU DILINGKUNG RUMAH INI

ALU KAYO SITU PUNUMBUK KATO

KINI PURMULAAN KATO USUL DINGE ASAL

PENYUDAHAN KATO ICO DINGE PAKAI

KOK BAKATO DIDALAM ADAT ITU, JIWA ADALAH TANDO

RIMBO ITU JANJI, LAUT ITU PIKI

KOK BUKATO DI DALAM PUSKO, MUNANAM SILINGKU PAGA

BUJALAN MENUJU LURUS

BUKATO MENENTANG BENA

MENEBANG MENUJU BANGKA

MENEMBAK MENUJU ALAMAT

MELENTING, MENUJU TAMPUK, KITO MENUJU PULO MAKSUD

MANOLAH MAKSUD KEDATANGAN KAMI PADO MALAM INI ADOLAH USUL DINGE ASAL

SEBAB DINGE KARO, YAITU GAWE ANAK NGINI BUDUO

PUMENLAH MBUK NYU SA UNDING SA INOK, SA IYO SA KATO

KOK ILI LAH SARANTAK SATANG, KOK MUDIK LAH SARANGKUH DAYUNG

TERBANG LAH BAKAWAN, HINGGAP LAH BA PULUN

LAH DICARI PULO HARI BAIK KUTIKO JAYO

NYATO DI ALAM TERANG DI AREH

KOK RUWEH LAH BULAWEN BUKU

GARIS LAH BUSUBUK DINGE TITIK

KINI PINANG NAK BUBALIK KU TAMPUK

SIRIH NAK BALIK KA GAGANG

JANJI NAK DITEPATI, IKRAR NAK BAUNI

BUET BUTUNGGU, KATO DULU DITEPATI

KINI TANDO UHANG KA RIMBO ADO RINTEH DINGE  TABANTANG

TANDO UHANG BAKAYU, ADO LEPANG DINGE BATAKUK

TANDO UHANG MEMINANG ADO CINCIN DINGE BU BENTUK

TANDO UHANG BUTUNONG ADO TANDO DINGE TALETAK

KINI PANJANG TARUMPAH UHANG BANJA

DI BAO ILI KE BANGKA HULU

ADAT UHANG NEMPAH IYO PAKAI PANJA

TANDO UHANG NGETAK CIHI ADO SAH TANDO JADI

INI NYU TANDO SAH DINGE JADI

KAMI SERAHKAN KEPADO KAYO MENURUT TOP JENANG DINGE RAJO

ADAT IDAK KUPAK LEMBAGO IDAK SUMBING

TERIMOLAH...............

JAWAB PARNO MULTAK TANDO/CIHI

LAH SAMPAI ITU NINIK MAMAK

MENYALO KELUBUK PAKU

DAPAT IKAN SI IKAN RAYO

PUNUMBUK KATO IYO LAHI KA AKU

TAPI DINGE NENGA KITO BUSAMO

KINI GEDANG AI UHANG SUNGAI LANDAI

PASANG MENYENAK  KE BANGKAHULU

IDAK PULO KAMI DINGE NAK NGACAK CEDIK DINGE PANDAI

KITO MENUHUT TELATAH TELITIH UHANG TUO DULU

MANO TELATAH TELITI UHANG TUO DULU

ADAT GULO ITU MERUAP

ADAT PISANG ITU BA BUAH

ADAT JAGUNG ITU BA RAMBUT

LAH BIASO PULO KATO DI JAWAB ANDAI DITINGKAH

GAYUNG DI SAMBUT

KALU KATO IDAK DIJAWAB ANDAI IDAK DITINGKAH

GAYUNG IDAK DI SAMBUT, TENTU SALAH MENURUT ADAT

KINI NAK KAMI JAWAB JUGO SEPANJANG NINIK MAMAK SAMPAIKAN TADI

APO LAH KAYO SAMPAIKAN TADI

KOK MENEBANG LAH MENUJU BANGKA

MENEMBAK LAH MENUJU ALAMAT

MELENTING LAH MENUJU TAMPUK

KINI SEMBILAN BAIK,SEPULUH KALI AGUNG

NAPET ARO BABUNGO ARUM, NAPET PISANG MASAK SETAHUN

NAPET DURIAN RUNTUH SEPAGI, IKAN DILAUT ASAM DIGUNUNG

DI DALAM KUALI BATEMU JUGO

YANG DINANTI TELAH TIBO, YANG DI TINGGU LAH DATANG

NGE DICARI LAH DAPAT, MIMPI LAH NYATO  MAKSUD NAK SAMPAI

MAKAN ABIH, MENGGAN PUTUH, BUJALAN NAK SAMPAI KE BATAS

BULAYAR SAMPAI KA PULAU

MAKO KAMI PADO MAAM PADA HARI INI

PARNO ADAT PERKAWINAN

MAKSUD CUPAK NGE GANTANG KITO PADO MALOM INI ARTI ANAK INI NAK MENEMPU PLO LAWANG DINGE DUO

LAWANG ADAT, LAWANG SERAK

LAWANG ADAT SIRIH NAK BUTUIK PINANG NAK BUTANYO

LAWANG SERAK DIJAWAT IJAB NGE KABUL

MININ MENEMPUH LAWANG ADAT MANO NGA DI KATO LAWANG ADAT ARTI ADAT PEREMPUAN MENGETAHUI ORANG MASUK ORANG KELUAR KALU IDAK MENGETAHUI ORANG MASUK ORANG KELUAR SEBAB ADAT SI PEREMPUAN MENARU DAMA SEGELUMBUNG KALU IDAK MENGETAHUI ORANG MASUK ORANG KELUAR SAMU NGE DAMA DISILAT API ADAT SI LAKI LAKI INI SAMU MUNARUH KBU GDANG IDAK BUKANDANG PIPIT JANTAN IDAK BUSARANG ILE LPEH MUDIK TILAMPAU ILI TIMARO MUDIK TI ULU DI LPEH KA PAGI MUNGURUNG KU PPETANG DI LPEH KA PAGI MUNCARI TAWEH NAN BAGINDO RATI MUNIMBAK MUNUJU ALAMAT MULANTING MUNUJU TAMPUK MUNCARI WEH DINGAN BUKU MUNCARI ALUR NGAN PATUT MENCARI UNDING NGAN CINOK MENCARI PIKI DINGAN SIPAHAM MENCARI KATO NGAN SIPKAT KINI LAH DAPAT KATONGAN SIPEKAT PAO ADAT MUNGATO KAITU CABE DI GUNUNG GARAM DI LAUT KINI NAK BUTEMU DALAM SINGGALAM NANIN IBARAT UHANG NANGKOP TANAH ADO RMBAT NGERINTEH ADO RMBAN NGE BUTAKUK ITU NGE DI PEGANG NINIK MAMAK DEPATI PUNGULU TEGANAI DUMAH NAUK MUDO SGA NYO RAPAT RAPAT TRUH KE UJUNG LIDI KAMI PURNO SADU ITUNGE DAPAT JANGAN PULO JAI UPAT NGE PUJI

JAWAB PARNO

MININ ADET JAGUNG BURAMBUT ADET GULO MURUAP IDAK DI JUAP KATO KAYO JANGAN DI KATO KAMI MUMBABI BUTO MININ KITO JUAP UGO KATO KAYO KOK JARANG DAK NYADO TUK DISISUT KOK KRAP DAK NYADO TUK DI CABUT SEDANG ILUK PANDANGAN MATO IJU RUNDING SERAKAT KATO

PARNO TURUN MANDI

KAPAL MERAPAT DI TANAH JAMBI BERI BUBALI DENGAN BULATA SIRAPAT KITO DI TEMPAT INI KAMENO PULO KAMI NAK NUMBUK KA KATO ORANG MERAPAT SAMI DUDUK BUAT BINGKAI KALU CERMIN IYO NAK DI PASANG BAGIAN MUKO SERAPAT KITO DENGA DUDUK DI TEMPAT INI IYO ALU KAYO KUTUMBUK KATO .

BEGINI SEGALO KITO YANG DUDUK DALAM RUMAH YANG BERTAGANAI DAN YANG DUDUK DILUAR RUMAH BUPAGA ADAT KCIK IDAK KAMI SEBUT NAMO GDANG IDAK KAMI SEBUT GLA SEIRING BALAM DENGAN REMBAH BALAM LALU MEREBAM MANDI SEIRING SALAM DENGAN SEMBAH SALAM LALU SEMBAH KEMBALI UHANG BUTUAH DI UJUNG TANJUNG UHANG MULANCA DI AI MULIH UHANG BUTULAP DI BATU IPUH RAJA JAUH LA DI PANGGIN UNTUNG RAJA DEKAT LA DI PANGGIN SIHIH RAJA DEKAT LA DI PANGGIN PULO DINGAN KATO.

KALU IDAK DI SAMPAI MAKSUD CUPAK NGAN GANTANG JANGAN SENDUK AI DALAM PINGGAN IDAK TENTU ULU IDAK TENTU PULO MUARUNYU KINI KITO MUNCARI ULU NGA NERBIT AI DARI ULU TERBIT ANGIN DARI POHON MANO CUPAK NGAN GANTANG LAH SEUNDIN LAH SEINAK SEIYO SEKATO PADO AHI INI SENGAJO BERUNGGUHKAN SEGALO KAYO NGAN ADO KAYO NGAN HADIR YAITU ANGGOTA EMPATJENIS BPD BESERTA BAPAK KEPALA DESA PENGHULU JIWA NEGRI ALIM ULAMA SELURUH BIDANG DALAM NEGERI SELURUH YANG AMAT TERANG AYI YANG AMAT JERNIH KAUM ADAT YANG MEMEGANG KUNCI KAMPUNG PASAK NEGERI NGE NAUH KE JENGKUN DENGAN PAKUNYU MENGHILO MEMBENTANG MENGARAH MENGAJUN MENEMPAH MEMBIMBING CERDIK PANDAI MEMELIHARAKAN DIRI SERTA DENGANA AGAMO PANDAI BUKU CITAK DALOM AI PANDAI BUKU CEMBUNG DALAM AI PANDAI BUJALAN DALAM TANAH PANDAI BUKATO DALAM AI PANDAI MEMADU SAME MEJAM PANDAI MENANGKAP BAYANG BAYANG PANDAI MENARIMO KATO SUDAH PANDAI BUSIUL SAME NGANGO  DEK MENGINGAT KEWAJIBAN MAK DINGE BAPAK  MENURUT ADAT ADO EMPAT LIMO PARAKARO YAITU MAO ANAK KE SUNGAI TINDIK GABUNG SUNAT RASUL MULEPEH ANAK NUNTUT ILMU TIKAH KAWIN PUMEN PADO AHI INI CUPAK GANTANG MELEPEH KEWAJIBAN NGANPARTAMO YAITU MAO ANAK KE SUNGAI KINI KAMI MINTAK KEPADO KAYO NGAN HADIR  MAK KITO DOAKAN SUPAYA ANAK YANG KITO BAO KE SUNGAI PADOAHI INI MAK NYU MENJADI ANAK YANG SALEH YAITU ANAK YANG BERBAKTI KEPADO KEDUO UHANG TUO MASYARAKAT BANGSA DAN AGAMO

JAWAB PARNO

LAH BUNGI UNGKO DI TANAH JAMBI NYUKUDENGAKE MARO BUNGO KUTUMBUK KATO YO ALU KAK SISI NGA BUSAMO GEDANG AI UHANG SUNGAI LANDANG PASANG MENYENAK KE BANGKA HULU BUKAN PULO KAMI NGACAK CEDIK DENGA PANDAI DAK TELATAH TELITIH UHANG TUO DULU  MANO TELATAH TELITIH UHANG TUO DULU DEK LAH BIASO GULO MURUAP PISANG BUBUAH JAGUNG BERAMBUT LAH BIASO KATO BUJUAH ANDAI BUTINGKAH GAYUNG BUSAMBUT KINI NAK KAMI JAWAB JUGO SEPANJANG KATO KAYO MANO HAJAT NGE KAYO SAMPAI PERTAMO MAMBAO ANAK TURUN KE SUNGAI KINI SAGALO KITO NGANHADIR MAK SAMO SAMO KITO DOAKAN KEPADA ALLAH SUPAYO ANAK NGE KITO BAO KE SUNGAI MAK NYU MUNJADI ANAK YANG SALEH TAAT BERAGAMO KINI LAH DI DOAKAN NASI NGE SISUAP GULAI NGE SITANGKAI AI NGE SETEGUG MINTAK DI LANCA DOA SELAMAT DOA BERKAH SERTA DOA NULUNG ARWAH UHANG MATI BAHU DAN MATILAMO KOK DUO KITO SERAHKAN KE ALIM ULAMA

PETATAH PETITIH ADAT ALAM KERINCI

1.      TEBU BEPALUT DENGAN DAUN, NANGKO KALUMAK DENGAN GETAH, TAU AYE BELUM BURIAK, DAUN      KAYU BELUM BERINGGUNG

ARTINYA :

KALAU TERJADI PERSELISIHAN DALAM LINGKUNGAN KELUARGA, HENDAKNYA DISELESAIKAN SECEPAT MUNGKIN, SEBELUM DIKETAHUI OLEH ORANG BANYAK

2.      KERUH AYE JINGOK KE HULU, NYENTUNG AYI JINGOK KE MUARO

ARTINYA :

DALAM MENYELESAIKAN SUATU PERMASALAHAN HARUS DILIHAT  SEBAB MUSEBABNYA, SEHINGGA DIDAPAT PENYELESAIAN YANG ADIL

3.      BERUK DIRIMBO KENO JAJA, ANAK DIPANGKU KENO BUANG, KATO PUSAKO IDAK DI AJAK

ARTINYA :

DALAM MENGAMBIL KEPUTUSAN HARUS BERTINDAK ADIL, TANPA PANDANG BULU, SESUAI DENGAN ATURAN ADAT

4.      SARI ADO SARI BUNAMO, SARI ADO SARI BUGELA, SARI GUNAR SARI KILAT SARI BUTEPUK TELINGO ANGAT

ARTINYA :

JIKA TERJADI SUATU PERISTIWA YANG MENYEBABKAN ADANYA KORBAN, MAKA HARYS CEPAT DISELESAIKAN SECARA ADAPT, DAN SESUAI DENGAN HUKUM ADAPT YANG BERLAKU

5.      KA ILE SERENTAK SATANG, KA MUDIK SERENGKUH DAYUNG

ARTINYA :

DALAM SUATU PEKERJAAN DILAKUKAN DENGAN KERJA SAMA, YANG BAIK DAN SALING MENDUKUNG

6.      LA DAPAT SUSUN DINGAN TINDIH, TOP DINGEN ANGGIT, UNDIN DINGEN IMOK

ARTINYA :

SUDAH MENDAPAT KATA SEPAKAT DALAM KELUARGA UNTUK MENANJILO SATU ORANG PEKAJAI  PENYAMPAI KATA MAKSUD DARI SEPANGKALAN

7.      NYATO DI ALAM TERANG DI AREH

ARTINYA :

SUDAH JELAS DIHADAPAN ORANG BANYAK

8.      SEPERTI AUR DENGAN TEBING, AUR BUSKO KE TEBING, TEBING BUSKO KE AUR

ARTINYA :

HARAPAN KEPADA KEDUA MEMPELAI DALAM MEMBINA RUMAH TANGGA UNTUK SALING MENDUKUNG DAN BEKERJA SAMA DALAM MEMBINA RUMAH TANGGA YANG BAHAGIA DAN SALING MEMBUTUHKAN

9.      BURUK BINGKAI DEK PENYAKIT, DURUK SAP DINGE JERAMI

ARTINYA :

SEMOGA  KEHIDUPAN RUMAH TANGGA RUKUN UNTUK SELAMANYA DAN TIDAK ADA YANG DAPAT MEMISAHKAN KECUALI MAUT.

10.  ALAM BARAJO, LUHAK BAPANGHULU, KAMPUNG BATUO, UMAH BATAGANAI

ARTINYA :

DALAM  KAHIDUPAN BERMASYARAKAT DI KERINCI MULAI DARI LINGKUNGAN KECIL (KELUARGA) DAN SETERUSNYA KEATAS, ADA YANG DITUNJUK SEBAGAI PEMIMPIN (ORANG YANG DITUAKAN) UNTUK MEMIMPIN MASYARAKATNYA.

11.  MENEBANG MENUJU BANGKA, MELANTING MENUJU TAMPAK, MENEMBAK MENUJU ALAMAT.

ARTINYA :

APA YANG DISAMPAIKAN SESUAI DENGAN ATURAN ADAT DAN TEPAT MENURUT APA YANG DIINGINKAN.

12.  DIMANO BUMI DIPIJAK, DISITU LANGIT DIJUNJUNG, DIMANO TIMILANG DICECAH DISITU TELMAN TUMBUH, DIMANO BUMI DIPIJAK DISITU LANGIT DIJUNJUNG.

ARTINYA :

DIMANA  SAJA KITA BERADA KITA HARUS MENGIKUTI ADAT ISTIADAT DAN ATURAN SETEMPAT.

13.  BURUK LI BARAGANTI LI, BURUK PULA JALIPO TUMBAH, BAH KAYU ARO JELATANG BANGKIT, HILANG CINCIN PARAMATO TIMBUN

ARTINYA :

WALAUPUN  GENARASI  BERGANTI DARI NENEK TURUN KEMAMAK DAN TURUN LAGI KEKEMENAKAN, SAMPAI KEANAK CUCU NAMUN GELAR ADAPT DAN ADAPT ISTIADAT TIDAK AKAN PUNAH MATI, AKAN SELALU DILANJUTKAN OLEH ANAK CUCU ATAU GENERASI BERIKUTNYA.

14.  TAPIAN BUPAGA  BASO, PADANG BUPAGA BASO, NEGERI BUPAGA ADAT

ARTINYA :

DALAM  KEHIDUPAN BERMASYARAKAT HARUS MEMATUHI ATAU MENGHORMATI NORMA-NORMA YANG BERLAKU

15.  MENGISI CUPAK PENUH, GANTANG MELILIH

ARTINYA :

BILA  SESEORANG ATAU SUATU KELUARGA YANG INGIN MASUK MENJADI WARGA DESA ATAU NEGERI HARUS MEMBAYAR MEH ANGUS ATAU UANG ADAPT SESUAI DENGAN YANG TELAH DITENTUKAN.

16.  MENGAJI DIATAS KITAB, MERATAP DIATAS BANGKAI

ARTINYA :

SESEORANG TIDAK BOLEH BERKATA DAN BERBUAT SEMBARANG, TETAPI HARUS BERDASARKAN ILMU PENGETAHUAN YANG DIPELAJARI ATAY TERCANTUM DALAM KITAB

PARNO ADAT

NGETAK TANDO

PAT DIPEPAT, BATANG  KEDUDUK, BESUSUN BATANG JERAMI. CEMPAKO DILUA' KOTO, SIRAPAT KITO DINGEN DUDUK SADU DILINGKUNG UMAH INI, ALU KAKAYO KA TUMBUH KATO, KALU IDAK TANAH DIPINGKAH; MANO BULIH TANAH DIPANGKU  KALU IDAK KATO DIBILANG, MANO BULIH DAPAT MAKSUD

KINI KITO BILANG MAKSUD KEDATANGAN KAMI PADO MALOM INI..

ADOLAH USUL DINGAN ASAL, SEBAB DENGAN KARNO  ANTARO NYU ANAK NGINI BUDUO PUMEN. IA.-BAIYO BAPINAK BAINOK, MULEH AIR DIPAMULUH LA KETU KATO DI MUFAKAT

CUCOK UWEH MULAWAN BUKU, LAYAK MELAWAN JUDU,MENURUT DINGAN ICO KITO PAKAI

ATEH TANDO ORANG PGI KURIMBO RINTEH DINGAN RANTAU, ICO DINGAN TANDO ORANG BUKAYU ADO LEPANG DINGEN BUTAKUK, TANDO BUTUNONG ADO TANDO DINGEN TELATAK

IYO PUMEN  PADO MALAM INI KAMI MLETAK TANDONYO TERHADAP IYO ANAK NGINI PUMEN NYU NAMPAK MAKSUD KEDATANGAN KAMI PADO MALAM INI

JAWAB P A R N 0

ADAT GULO MURESAP, PISANG BABUAH, JANGUNG BERAMBUT. ADAT KATO BUJUWAB ANDAI BUTINGKAH, GAYUNG BUSAMBUT IDAK DIJAWAB KATO KAYO NAMPAK NIA KAMI MABIN; KOK NAK DIJUWAB KATO KAYO NAMPAK PULO KITO BUTINGKAH KATO; KINI MENURUT ADAT ICO KAMI JUWAB SEPANJONG KATU KAYO;

SADU NGEKAYO BILANG SADU IYO KAYO TAP SADU BENA NIA  NGEH TABILOK LAH JADI UKIR, MANO NGATERENTANG JADI BARIH; KARENO KAYO MERATAP DIATEH BANGKAI, NGAJI DENGAN KITAB

I K A TA N

KALU NGULAK DINGEN JANTAN, IYO LUNCUNG CIHI; KALU NGULAK DINGE BUTINO, IYO GANDO CIHI ( DUO KALI LIPAT)

NGENJUK TAHU

………………….BUSUDUT EMPAT ,INI

SEGALU KITO DINGEN DILINGKUNG

DITUDUNG ATAP DINGEN BUSANGGIT MENDUN DINGEN UMUM LANTAI DINGEN BUTANAI; SUNGGUH BANYAK IKAN DILUBUH SIKU JUGO DINGEN KENO JALO, SUNGGUH BANYAK KITO DINGEN DUDUK SUHANG, JUGO KUTUMBUH KATO.

YO KALU MBELI GULO, ITU  DUKITI, GULO TIBELI DI PEKAN TINGGAN; KAMI PARNO MULONYU KINI NYAMPAIKAN MAKSUD CUPAK DINGEN GANTANG, KALU IDAK DISAMPAI MAKSUD CUPAK DINGEN GANTANG, JANGAN SENDUK AYI DALAM PINGGAN IDAK TENTU ULU IDAK TENTU MARO; KINI KITO MENCARI ULU DINGEN MARUNYU

TERBIT AIR: JAK HULU, TERBIT GETAH JOK BATANG, TERBANG ANGIN JAK PUHUN TERBIT KATO JAK CUPAK DINGEN GANTANG;

KARNO CUPAK DINGEN GANTANG LAH DAPAT TAP DINGEN ANGGIT SUSUN DINGAN TINDIK, IYO KA ILI SERENTAK SATANG KE MUDIK, SERENGKUH DAYUNG, TERANDAM SAMO BASAH TERAMPAI YO SAMO KERING, TERAPUNG SAMO HANYUT, LAH SELETUH BDIN, SATALU SUHAK, SIPINDUN SEINOK SEIYO SEKATO LAH MULEK AIR DI PEMULUH LAH KETU KATO DIMUPAKAT TERSERAH KEPADO ORANG SEORANG,

MANO KATO TERSERAH KEPADO ORANG SURANG, PADO MALOM INI SENGAJO, MERENGGUH KAYO TENGGANAI RUMAH. TAU-TAU PATI PENGHULU, ORANG TUA DINGEN EMPAT JENIS DALAM NEGERI KITO INI, DINGEN JAUH LAH DIPANGGIL UNTUNG, DINGEN PAHAK LAH DIPANGGIN KATO LAH DAPAT. 'KITO BASUSUN, PADO MALAM INI, IDAK TUAH PENAPET NIAN, MANOLAH MAKSUD SIPENGIKALAN PADO MALAM INI MENURUT ADAT DINGEN KITO ICO PAKAI

SEKECIK-KECIK KEJO SETAUI; BETENGGANG KEJO INJUK TAU; SI GEDONG YO LAH PULONG.

IYO PUMEN PADO MLAM INI SIPENGGAKALAN KITO MANGGIN NJUK TAU DIN INI.KAYOMUTONG KAKI EMPAT, KEJO PADO HARI……JADI MANO NGEH LUN TAU ROMBONGAN KAYO INI, IO KATO SAMPAI MENYAMPAI SUPAYO HADIR DATANG PADO HARI TERSEBUT

IYO-NAMPAK NYU KOK JARANG SISUT, KOK KERAP CABUT DIKAYO NGGIH ITU PUMEN PARNO KAMI.-

J A W A B  P A R N 0

PAT DIPEPAT BATANG KUDUDUK CEMPAKO DI LUAR KOTO' SERAPAT KITO DINGEN DUDUK IYO KA AKU KA TUMBUH KATO: KATUMBUH KATO IO KA AKU TAPI  DINGE NGA KITO BUSAMO.

ADAT KATO JUWAB, ANDA  DITINGKAH GAYUNG,  BUSAMBUT, KALE IDAK DIJUWAB KATO KAYO NAMPAK NIA KAMI MABIN MULALI, KOK NAK DIJUWAB, NAMPAK NIAN KITO BUTINGKAH KATO IYO KAMI JUWAB SEPANJONG KATO KAYO

PANJANG BARIH UHA BULAHAK TUAN JI BUSERBAN KEREH KAYO URAI PANJANG DINGEN PANDAK IYO KAMI JAWAB CEPAT DINGEN TANGKEH

KINI SADU DINGEN KAYO KATO SADU BENA, SADU KAYO BILONG: SADU IYO, SEJAK AWAL SAMPAI KE AKHIRNYO LAH JELEH MAKSUD SIPENGKALAN

NAMPAK PADO HARI ITU DI-TETAPKAN, SEPENGKALAN IYO AHI ITU SAMO•SAMO KITO HADIR, MANO NGEH KANTI KAYO IYO KATO SAMPAI MENYAMPAI SUPAYO HADIR PADA HARI ITU

MANO DINGEN LAH.TABILOK LAH JADI UKIR, MANO NGEH TERENTANG LAH BARI KARNO KAYO NGAJI DATEH KITAB MERATAP DATEH BANGKAI DAN MEMAHAM DALOM YANG BUSIPAT, KINI YO IYO KOK JARANG IDAK NYADO NAK DISISUT, KOK KERAP IDAK NYADO DINGEN  NAK DICABUT, IYO ILUK NIAN PUMANDONG MATO

BUNYI KETUH URANG JUDAH, IYO KUDNGA KE BANGKAHULU

KINI PARNO IYO LAN SUDAH, IYO MINTA MAAP LEBIH DAHULU.

IYO INGGU ITU PUMEN.

PARNO MAWU ANAK KE SUNGAI.

PAT DI PEPAT BATANG KUDUDUK CEMPAKO LUAR KUTO SIRAPAT KITO DINGEN DUDUK IYO ALU KA KAYO KUTUMBUH KATO KALU IDAK TANAH PINGKAH MANO BULIH TANAH DIPANGKU KALU IDAK KATO DIBILANG MANO BULIH DAPAT MAKSUD.

JANGAN SENDUK AIR DALOM PINGGAN IDAK TENTU ULU, IDAK TENTU MARU, KINI KITO NAK MENCARI ULU DINGE MARU. TERBIT AIR DARI ULU, TERBIT GETAH JAK BATANG, TERBIT ANGIN JAK PUHUN; TERBIT KATO JAK CUPAK DINGEN GANTANG, PADO AHI INI LAH TOP,
DENGAN TINDIK, SUSUN DINGEN ANGGIT, KOK I1I SERENTAK SATANG. KOK MUDIK SERENGKUH DAYUNG, TERANDAM SAMO BASAH, TERAPUNG  SAMO HANYUT, TERAMPAI SAMO KERING.

LAH SELETUH BEDIN SETALU SUHAK, LAH SEUNDIN SEINOK GOLEK LAH DAPAT GILING, KOK PIPIH LAH DAPAT KITO IAYANG, KOK BULEK IDAK NYADO, AGI BASUDUT, KOK PICAK IDAK NYADO AGI BUSANDING, KOK BUNGKUK LAH DITARAH, KOK KESAT LAH DISIPLEH, LAH MULEH AYI DIPEMULUH, LAH GETU KAYO DIMUPAIKAT KATO TERSERAH PADO UHANG SUHANG.

PADO HARI INI, SENGAJO MERUNGGUH  KAYO ANAK JANTAN TEGANAI UMAR, BESERTO DINGEN EMPAT. JENIS DCSA KITO INI LAH HADIR PULO KEPALA DESA, DINGEN JAUH LAH DIPANGGIN DINGEN DEKAT LAH DI IMBAU. YANG MANO MAKSUD SIPENGKALAN PADO AHI INI. IYO NAK MEMBAYAR UTANG UTANG UHANG TUO TERHADAP ANAK ITU ADO EMPAT/ LIMO PERKARO YANG PERTAMO MAMBAO ANAK KESUNGAI, KEDUA SUNAH RASUL, KATIGO, MELEPEH ANAK MENUNTUT I1MU, KEEMPAT TIKAH KAWIN

JADI PUMEN PADO AHI INI MALOM INI SIPENGKALAN KITO MENUNAIKAN KEWAJIBAN YANG PERTAMO MEMBAO ANAK KE SUNGAI JADI KITO MINTAK KEPADO ALLAH SEMOGA ANAK INI MENJADI ANAK URANG SHALEH, BERBAKTI KEPADO ORANG, JUGO BERBAKTI KEPADA MASYA­RAKAT, NEGARA DAN AGAMO, IDAK PULO PULO SUPAYO ANAK INI SEHAT ROH­ANI DAN JASMANI DAN IDAK PULO LUPUT TERHADAP UHANG NGE MATI LAMO - MATI BARU KOK ARWAH UHANG DALOM KUBU; MINTAK DILAPANG, MINTAK DIDINGIN KOK BERAT MINTAK DIRINGAN KINI NAMPAKNYU

BUBUNYI KETUK UHANG JUDAH IYO KUDENGA KE BANGKAHULU KINI PARNO LAH SUDAH MINTA MAAF DAHULU KOK JARANG SISUT KERAP CABUT INGGE ITU PUMEN NYU

JAWAB

ADAT GULO MERUSAP PISANG BABUAH JAGUNG BERAMBUT ANDAI BUTINGKAH, GAYUNG BUSAMBUT, KOK IDAK DIJAWAB KATO KAYO NAMPAK NYA NIA KAMI MABIN MLALI DI JAWAB KATO KATO NAMPAK NA BUTINGKAH KATO KINI KAMI JAWAB SEPANJONG KATO KAYU MENURUT ICO PAKAI KITO

JADI PUMEN LAH TERANG DIAREH, NYATO DIALAM BAHWA, MAKSUD SEPENGKALAN KITO. NAMPAK NYU NAK MEMBAYAR UTANG TERHADAP ANAK HUTANG YANG PERTAMO. YAITU NAK MEMBAWO ANAK KESUNGAI, JADI KITO MINTAK KEPADO ALLAH, PADA RASUL AGAR ANAK KITO INI, MENJADI SNAK, YANG SALEH HENDAKNYO, JUGO ANAK MEK NYU SEHAT JASMANI DAN ROHANINYO, IBU MAK NYU SIHAT, PULO , DEMIKIAN PULO SELURUH KELUARGA DEMIKIAN JUGO. ARWAH UHA, NGE MATI IAMO, MATI BARU, MAK MENDAPAT LINDUNGAN DARI-PADO—ALLAH SWT., JADI PUMEN JADI SADU DENGAN KAYO KATO SADU IO SADU KAYO BILANG SADU BENA YANG TABILOK LAH MENJADI AKIR YANG TERANTANG LAH JADI BARI LAH ILUK NIA DAK NYADO NAK DISISUT, KOK KERAP NYADO PULO D CABUT, SEDANGI ILOK NIAN DIPANDANG MATO.

BUBUNYI KETUK UHANG JUDAH IYO KUDENGA KE BANGKAHULU KINI PARNO LAH SUDAH MINTA MAAF DAHULU KOK JARANG SISUT KERAP CABUT INGGE ITU PUMEN NYU.

KINI PARNO IYOLAH SUDAH, MACOKA DOA KITO SRAH KEPADO TUAN GURU IYO ITU LAB PUMEN.-

PARNO  N G U L U K A  MEH UTANG

BEGINI …….KARNO ANAK BUAH ANAK PUNAKAN KAMI DINGEN DATANG DARI SUKU………. TERHADAP KE SUKU ……….       DESA  KAYO INI :

PUMEN LAH TEPANJAT DINGEN BASALANGUNG, TASUHUK DINGEN BUGAWA KOK TAPIJAK DI GUNUNG ARANG, ITAM TAPAK. KOK TACALIT DI KAPU PUTIH TELUNJUK, RUPONYU KINI SALAH MENURUT ADAT SUKO BERUTANG, KOK BADUSO SUKO TAUBAT, KOK GAWA SUKO MENYEMBAH, SUKO-SKCIK-KECIK UTANG KAMI PANGKU SEGEDANG-GEDANG UTANG KAMI JUNJUNG, KINI KARNO LAH TUMBUH MENURUT ADAT LUKO BUPAMPEH, MATI BUBANGUN, IYO KAMI BAYA SEPANJANG MENURUT ADAT INI, IDAK PENUH KEATEH PENUH KUBAWAH.

J A W A B

ADAT KATO BUJUWAB, ANDAI BUTINGKAH, GAYUNG BUSAMBUT, KOK IDAK DIJUWAB NAMPAK KAMI MABIN MULALI, KOK NAK DIJUWAB NAMPAK KITO BUTINGKAH KATO KINI MENURUT ADAT IYO KAMI JUWAB SEPANJONG KATU KAYO, KINI SEPANJONG KATO KAYO YO LAH IYO GALU, KARNO NYU LAH TUMBUH LUKO BUPAMPEH, MATI BU BANGUN, IYO IDAK PULO MIMPI KAH MEH NIA KA LANTING, MIMPI PADI NIO KA PUHUN, KARNO LAH TUMBUH SALAH BARUTANG, BADUS TAUBAT MENURUT ADAT YO KAMI TERIMO

PARNO MENJADI WARGA  DESA *

PAT DIPERPAT BATANG KEDUDUK, BASUSUN BATANG UBI CEMPAKAO DILUAR KOTO SERAPAT DINGE DUDUK DILINGKUNG UMAH INI, IYO ALU KA KAYO KA TUMBUH KATO.

KOK MILI GULO ILUK, BUKATI, PULO TEBELI DI PEKAN TI­NGGAN, KAMI PARNO MULONYU KINI NYAMPAIKAN MAKSUD CUPAK DINGEN GANTANG.

KALU IDAK DISAMPAIKAN MAKSUD CUPAK DINGAN GANTANG, JANGAN SENDU AYI DALAM PINGGAN, IDAK TENTU HULU, IDAK TENTU MARU, KINI TERBIT AYI DARI HULU TERBIT GETAH DARI BATANG, TERBIT ANGIN DARI PUHUN, KATO TERBIT DARI SEPENGKALAN MANO SEPENGKALAN PADA MALAM HARI INI……

AH DAPAT TOP DINGEN TINDIK, SUSUN DINGEN ANGGIT KOK ILI LAH SERENTAK SATANG, KOK MUDIKLAH SERENGKUH DAYUNG, TENDAM SAMO BASAH, TERAPUNG SAMO HANYUT, TERAMPAI SAMO KERING, LAH SELETUH BEDIN, SETALHU SUHAK, SEUNDING, SEINOK, SEIYO SEKATO, LAH MULEH AIR DIPEMULUH LAH KETU KATO DI MUFAKAT, KATO TERSERAH PADO UHANG SUHANG, MANO KATO TERSERAH UHANG SUHANG, SENGAJO MERENGGUH SEGALO KITO INI LAH HADIR PULO KEPALO DESA, YANG MANO MAKSUD SEPENGKALAN YAITU NAK NGISI ADAT NGISI PUSAKO DALOM DESA KITO INI, NAK JADI WARGA DESA KITO INI, MINTAK DIPAPAK, MINTAK DIARAH DIAJUN, KARNO KAYO INI NGE MEGANG JENGKUN DINGE PAKU, KUNCI DINGE PASAK NGULUA KA PAGI MASUK KA PETANG

YO KAMI MINTAK DINGE KAYO INI ;

KALUNYO KARAM MINTAK DISELAM, KALUNYO TANABUN MINTAK DIKEKEH, KALUNYU KUMPANG MINTAK DIGALI, KALUNYO KA GUNUNG MINTAK DIBANGKAT KALU NYU CUNDUNG MINTAK DITUNGKAT, KALUNYU JATUH MINTAK DISAMBUT KALUNYU HANYUT MINTAK DIPENTEH.

KINI PUMEN KAMI SERAH DINGEN KAYO INI :

MANO BUMI DIPIJAK SITU LANGIT DIJUNJUNG SAMU TEGENANG SAMO DISAWAH, LAMAN BERSIH SAMO DITEMPUH.

KINI DURIAN DITEGAH PADANG BUAHNYO BANYAK DIMAKAN ULAT KALU KUBENTANG AGI MBUH NYU PANJANG KINI KITO PUNTAN MAKNY SINGKAT

KOK JARANG SISUT KERAP CABUT HINGGU ITU PUMEN.

J A W A B :

ADAT KATO BUJUWAB ANDAI BUTINGKAH, GAYUNG BUSAMBUT, KINI MENURUT ADAT IYO KAMI JUWAB  SEPANJONG KATO KAYO SEJAK AWAL SAMPAI AKHIR APO YANG KAYO TOP SADU BENA, APO YANG KAYO HILANG SADU IYO. MANO SIPANGKALAN PADO MALAH INI NAK NGISI ADAT DINGEN PUSKO NAK JADI ANAK BUAH ANAK PUNAKAN DESA KITO INI, MENURUT ADAT MANO BUMI DIPIJAK SITU LANGIT DIJUNJUNG SAMO TEGENANG SAMO DICAUK LAMAN BERSIH SAMO DITEMPUH LBUHK IDAK KA KURANG IKAN NEGERI IDAK KAKURANG ADAT TEPIAN IDAK KA KURANG BASO TUMBUH DALAM NEGERI UTANG NEGERI SAMO DIBAYA GAWE NEGERI SAMO DIKAKAP, SECIOK BAK AYAM SEDENTING BAK BESI SERUMPUN BAK SERAI, MANO UHANG SITU PULO KITO DALAM MASYARAKAT, JANGAN NAK NYANGKUT KA BUUN DILIYI, JANGAN NAK NAYANGKUT KA BATANG NGEBAT KE PINGGAN SALAH KATO ADAT BATAL KATO SERAK IDAK SAH KTO ICO PAKAI, KINI PUMEN ITU NGEN AGI TAMPAK BUNYI KETUK UHANG JUDAH IYO DENGAN KE BANGKAHULU KINI PARNOLAH SUDAH  MACO KA DOA KITO SERAH PADA TUAN GURU

SEJAK MANO MULAI MUNYALO
SEJAK LUBUK TEBING TARAH
SEJAK MANO MULAI BUKATO
DIMULAI PULO DENGAN BISMILAH
SERAPAT IKAN DI LUBUK
SIKO UGO NGAN KNO JALO
NGAN BANYAK KNO PUKAT
SERAPAT KITO DENGAN DUDUK
KAYO UGO NGAN TUMBUK KATO
KAMI BANYAK KATO MUFAKAT
PASANG DAP PASANG PULITO
DI EMBU MAKO NYO PEJAH
KAMI INI KNO UCAP KNO SAYO
JANGAN PULO JADI DUSO JADI SALAH
ADOPUN SEISI UHANG UMAH INI
IBARAT SEPUCUK CINOK JALO
IBARAT SEIRING CINOK PUKAT
ADO LUBUK PERUMPUN IKAN
AGI MINTAK DIAJUN,MI NTAK DIARAH
ADOPUN KAYO ITU
IBARAT UJAN PUNGGANTI PAYUNG
IBARAT LICIN PUNGGANTI TONGKAT
IBARAT KLAM PUNGGANTI SULUH
SULUH BINDANG UGO KAYO DALAM NEGERI PUMEN
ADOPUN KAYO ITU IBARAT MAKAI SKO PADI
KIAN BERISI KIAN MERUNDUK
KIAN TUO KIAN BALAJA
KIAN PANDAI KIAN BATUIK
ADO DIS MELAYU NGATO
BATEMU PUKAT DENGAN JALO
PATUT DISIRAT KADUO NYO
BATEMU ADAT DENGAN DENGAN PUSAKO
PATUT DIBILANG KADUO NYO
ADOPUN KAMI INI
IBARAT ENAU TUO SEGANYO RAPAT
SUNGGUH RAPAT MAKO DISANDAI
DI SANDAI MAKO DISUJI
KAMI INI SILAKU ANAK MUDO
ADO PENDAPAT KURANG PANDAI
KALAU PANDAI JANGAN DI PUJI
KALAU SALAH TOLONG DI TUNJUKKAN
ADOPUN KAMI INI
BELUM NYO LENTIK CINOK TAJI
BELUM NYO TANDAI CINOK DULANG
BELUM NYO CEDIK CINOK KANTI
BELUM NYO PANDAI CINOK KAWAN
LALU LALANG MERBAH MANDI
BATEMU AYI BASIMPANG DUO
SALAM LALU SEMBAH KEMBALI
DISEBUT PULO HAJAT UHANG SIPUNGKO
KALU NAK TAU PADO BUNGKO
BALIPAT KUPADO BANGKA
KALU NAK TAU PADA USUL
BALIPAT PADO ASAL
KEPASA MEMBELI BENANG
TABELI TIBNANG PLIN
IDAK DITAP IDAK DIBILANG
JANGAN PULO KITO NAK MAKAN BUAH PULI MALIN
CINOK LADIN PENGGALI TUBUH
CINOK TEBU DI PUNGGUNG MUSANG
CINOK BULUH HAYUT TNGAH DUO WIH
TIAPUNG-APUNG TI GELANG-GELANG
IDAK TENTU UJUNG NGAN PANGKIN
IDAK PULO WAJIB PAKAI KITO
MANO NGAN WAJIB PAKAI KITO
IDAK DIBILANG USUL DENGAN ASAL
TEBIT AYI DARI HULU
TEBIT ANGIN DARI PUHUN
TEBIT GETAH DARI BATANG
TEBIT KATO DARI MULO
MANO JADI PARA MULO KATO
ATEH KITO DI TUNGGU TANAH
TAK AJO DINGAN JNANG
ATEH DI SUNGKUT LANGIT
TITANAI BUMI
ATEH MENJADI SO DUO
TIGO SO AYAM EMPAT
EMPAT PULO PERKARO
MANO DISEBUT EMPAT PERKARO
SO PERUMPUN, DUO LAKI-LAKI, TIGO AMA ALLAH, EMPAT AMA RAJO
MANO TERHADAP PGANG ANAK PARUMPUN,
GTARIK KAIN DENGAN SILIPEK
PANDAI BERINGKEK BALIPEK SANGGUN
DUDUK SOPAN DENGAN MALU
MANO DIKATO DUDUK SOPAN DENGAN MALU
AMBAK ANYAM BATENUN GANTIH
BAKAYU BAAYI BASUNG BA LAPO
PIUK GEDANG BATUNGGU JARANG
BAKEMBANG LAPIK BAKEMBAG TIKA
LEPIH MENDAH PGI PAGI
NANTIK MENDAH BALIK PETANG
ITU TERHADAP PEGANG ANAK PERUMPUN
MANO TERHADAP PEGING ANAK LAKI-LAKI
TARIK KAIN DENGAN SILIPEK
DEKAT LITA DENGAN INCUNG
DUDUK SOPAN DENGAN MALU
BARU PULO TAU TIRU TURIH TAULADAN
MANO DIKATO TIRU TURIH TAULADAN
TARIK LADIN KEMBALI TUBU
TARIK BEDAH DENGAN BELIUNG
MASUK IMBO KALUA IMBO
MASUK BATIH KALUA
CINCANG TARAH NIKUN PANGGUNG
NEBAT KA LAMAN MUBU MINGKAH
MENGGALIH MATA MALAK
PANAGI NGAN TNGAH TIGO
MINJUAN TEMPAT NGAN MAHA
MEMBELI TEMPAT NGAN MURAH
SUHUT KA DUSUN DENGAN LAMAN
KITO DUDUK BA UNDUN DALAM BEREMPAT
KALU DUDUK DENGAN ANAK BINI KITO
CINOK IMAU TIDU DENGAN BELANG
CINOK GAJAH TIDU DENGAN GADING
KALU ILANG SAMO MURUGI
KALU BALABU SAMO MUNDAPAT
ITU PGING LAKI-LAKI
MANO TERHADAP PGING AMA ALLAH
TURUN AYAT DARI ALLAH
TURUN HADIS DARI NABI
JADI QURAN 30 JUZ
JADI KITAB 30 LPAK
DITURUN DI BANAIK
DI BIAK DI KEMBANG
DI KEMBANG DI BACO
AGI TIKEMBANG SAMPAI KINI
MAKO BERDIRILAH BELIAU IMAM KETIK DENGAN BEREMPAT
NGAN MEGANG EMPAT JURAI MESJID
HARI SATU MANTIKU LIMO
SHABAT EMPAT SIFAT DUO PULUH
AMMA PULO YANG DUO
MANO DIKATO AMA YANG DUO
SATU AMA ALLAH
DUO AMA RASUL
MANO PULO DIKATO
TERHADAP PEGANG AMA RAJO
SATU LIH KADUO BTUL KATIGO NYEMBAH
MENYEMBAH BRIH ITAM BRIH PUTIH
RASUL BAWANG KULIT MANIH
TEBU PANJANG KALADI BERISI
KALU IDAK DI HARAP IDAK DI ATUR
TALENDO KUPADO RAJO MARU SUMAI
CINCANG TARA CINCANG
CINCANG TILETAK DIATEH PAHO
IDAK DI TAP IDAK DIBILANG
IDAK LEPEH AJAT UAHANG SIPUNGKO
SEKALI KE INDO PURO
DUO TIGO KU BATANG ASAI
SEKALI MUKAK PURO
IMAK DUO TIGO UTANG SELESAI

PERNIKAHAN
ATEH KAMI MUNARUH ANAK BUJANG
IBARAT KEBAU JALANG IDAK BUKANDANG
ILI LEPIH MUDIK TALAMPAU
MEENCARI INTAN NI MAHKOTO SATI
MENCARI DAWAT HITAM KERTIH PUTIH
NALAK AUO SUKO DI TEBING
NALAK TEBING SUKO DI AUO
MENCARI NI DENGAN JERNIH
LAH DIILI LAMAN DENGAN PANJANG
LAH DIMUDIK LAMAN DENGAN PENDEK
SADO LINDIN SADO DIKETU
SADO PINTU SADO DI CENTI
KADANG TIKETUK PINTU UMAH TINGGAN
TA KETUK PULO PINTU UMAH INI
TAK KALO DIMASO ITU
DISINI PULO PUMEN BATEMU NING DENGAN JERNIH
DAPAT INTAN MAHKOTO SATI
DAPAT DAWAT INTAN KETIH PUTIH
ADAT TUO BAKARAWO
ADAT MUDO BA KAJINA
AUO LAH SUKO DENGAN TEBING
TBING LAH SUKO DENGAN AUO
ADO PULO DIS MELAYU NGATO
TEBU HITAM DALAM PLAK
BABUWIH SAME BABUKU
DENGAN JANTAN LAH TERAGAK
BATINO PULO LAH KATUJU
LAH KAMI DUDUK PULO
ANAK JANTAN TIGANAI UMAH
KAYO ANAK MAMAK DEPATI PENGHULU
SERTO DENGAN TUAN SEGALO MALIN
LANGSUNG PULO KAYO TAP AHI
KAYO PIKIH PULO MALIM
LAH KAYO BULAT AYI DI PAMULUH
LAH KAYO BEKU KATO DI MUFAKAT
ADO PULO DIS MELAYU NGATO
ANAK LANGKAP PAI KA LANGKAP
DULU SAMENDO KAPAYU KUMBUH
DULU BAKATO NGAN BELI BENDI
LAH KAYO BEKU KATO DIMUFAKAT
LAH KAYO BULAT AYI DI PEMBULUH
DENGAN KAYO UNDING NGAN MBUH JADI
LANGSUNG PULO KAYO PIKIH KAN MALEM
KAYO KTAN KAN AHI
TEPAT PULO AHI KAMIS MALAM JUMAT
KAYO LUDUK KAN PULO KADI
SERTO DENGAN IMAM KETIK
SERTO DENGAN NENEK MAMAK PATI PENGHULU
SERTO PULO KAYO NGAN CERDIK PANDAI
PERANGKAT DESA KAYO UHANG DUSUN INI
LANGSUNG PULO KAYO IJAB DENGAN KABUL
LAH KAYO SAKSI PULO DIMUKO MASYARAKAT
SERTO PULO NENEK MAMAK DEPATI PENGHULU
DAN ANAK JANTAN TIGANAI UMAH
UNTUK MENGESAH ANAK BADUO INI NIKAH
KALU ANAK LAKI BADUO INI
IMAK BURUK BINGKAI DI PAYALIN
IMAK MAKUK SAMPAI PUTUH
IMAK NGEBAT SAMPAI PTIH
JANGAN MAKUK BABALIK-BALIK
JANGAN NGEBAT BALIPAT-LIPAT
KALU ANAK LAKI BADUO INI
IMAK ILI SERENGKUH DAYUNG
IMAK MUDIK SERENTAK SATANG
IMAK SETINTING BAK BESI
IMAK SITIONG BAK AYAM
IMAK SIRUMPUN BAK SRAI
ITU NGAN KITO MINTAK PADO ALLAH PADO RASUL
KALU ANAK BADUO INI
IMAK NYO SUGIH IMAK NYO KAYO
BA UMO IMAK PULI PADI
MUNCAHI IMAK DAPAT KIPENG
NGAN DITANAM IMAK CEPAT TUMBUH
NGAN DI IDUT IMAK CEPAT BIAK
ITU KITO PINTAK PADO ALLAH
ADOPUN ANAK LAKI BADUO INI
SARI ADO SARI BAGLA
SARI ADO SARI BA NAMO
MANO PULO DIKATO
SARI ADO SARI BAGLA
SARI ADO SARI BA NAMO
DULU KITO BATINO AGIH GADIH JIE UHANG NGATO
MININ BARUBAH MENJADI BINI SI ANU
JANGAN PULO KITO BUAT,
KATO KAYO UHANG TUO BAHUN
AGI UGO KAYO NYEBUT PANTUN
PANTING AHI PTANG MANO NIAN TUO AKU NINO
PANTING AHI PANEH BTANG
LAH BATEBAN KA KASAI
LAH BA ABANG KA BIBI
MINYAK WANGI AYAK ABIH KA TIGO TABUNG
NALAK TUO MANO PGI
ITU IDAK ADAT PAKAI KITO
DAN JUGO KITO NGAN JANTAN
DULU IYO DISEBUT GLA
MININ LAH BARUBAH JADI LAKI SI ANU
JANGAN PULO DIBAWO CINOK AYAM GARUGO
PANTENG NYO NGIMAK LAWAN KAPIYEN NYO LAH MANANGGAK
PANTING NYO NGIMAK ANAK GADIH, NGAN ABANG BIBI, NGAN TEBAN KASIE
AWAK LAH NGA RINDE
PANTING AHI PTANG LAH BALICIN SIAH AMBUT
SAME BASIUN DENGAN BAKUKUK
NGATO SIMPANG NGAN MANO ADIK KU DUDUK
ITU IDAK ADAT PAKAI KITO
KALAU KITO DUDUK SUKU SUMENDO
JANGAN PULO DIBAWO SKO GAJAH GEDANG
SO GDANG NAK MENGEBAN
SO TINGGI NAK MUNANDO
IDAK ADAT PAKAI KITO
JANGAN PULO DIBAO SKO KACANG MIANG
SADO UHANG DI SINGKUT SADO KNO MIANG
SADO UHANG TISISING SADO KNO SIA
TILANDO DIBATENG UHANG NAK DIKI
ITU IDAK ADAT PAKAI KITO
JANGAN PULO DIBAO SKO KUCING KURUS
TAU DI LAPO AWAK TU LAH
IDAK DI TAU KANTI KIRI KANAN
IDAK PULO ADAT PAKAI KITO
JANGAN PULO DIBAO SKO KAYU TINGGI
SADO UHANG NAK DI IMPIN
UHANG NUMPANG BATEDUH, LAHAN NYO SKAH UHANG NAK DI TIMPO
SAME ADO PULO BALIUNG KANTI NGAN TAJAM
LAMBAT CEPATAWAK BAH JUGO
ITU ADAT IDAK PAKAI KITO
MANO ADAT PAKAI DIKITO
YO LAH SEMENDO TANGGU RAPEK
ANAK KECIK NYO IMAK TAU NEKIN
UHANG TUO IMAK TAU NAKA
MANDI DENGAN BUDAK NGAHU AYI
MAKAN DENGAN BUDAK NGAHU IMAH
KALU USIK DENGAN UHANG TUO, JANGAN RUGI KAPU DENGAN SIHIH
KALU USIK KITO SIMINGKAT, JANGAN RUGI UKOK SIBATANG
KALU USIK DENGAN BUDAK, JANGAN RUGI GULO-GULO SUAH
ITU NYO ADAT PAKAI KITO
INI PUMEN CINCANG TARA CENCANG
PULUT ITAM DALAM BELEK
UHANG BAUMO DITEPI KANDANG
KALU DIENTANG UMBUH NYO PANJANG TALI LANG-LANG
ILUK PULO DI PUNTAN IMAK NYO SINGKEK SEPANJANG TALI KAMBEK
KARNO AHI SUDAH LARUT PETANG
INI KATO IDAK PANJANG
DURIAN DITENGAH PADANG
AKANYO NYUSUN MUNYUSUN
KAMENYAN LAH DIPANGGANG
PA LANTA LAH DIAJUN
BACO KAN DOA DENGAN BERKAT DOA DENGAN SELAMAT
MANO JADI BERKAT, MANO JADI SELAMAT
MINTAK DI JAUH SEKALIAN BLA, AMPE SEKALIAN RESKI
KITO SINGGOK INI KALATEH
KACAK IMAK NYO BAIK
RESKI IMAK NYO MURAH
UMUR IMAK NYO PANJANG
AMAL IBADAH IMAK NYO BATAMBAH-TAMBAH
DOA IMAK DI KABULKAN ALLAH
SINGGOK INI PUMEN NGAN DAPAT KANTI NGATO
TUMBUK KATO
BASILAT IKAN DALAM LUBUK
IKAN SIRUANG KNO JALO
SERAPAT KITO DENGAN DUDUK
KAMI DISINI NGAN TUMBUK KATO
UANG KAYO ITU UANG TIMBAGO
DITITING SINI TEMBAGO PULO
KATO KAYO ITU KATO ADAT DENGAN PUSAKO
DIJAWAB DENGAN KATO ADAT PUSAKO PULO
LAH KAYO TAP LAH KAYO BILANG
SEJAK AWAL SAMPAI AKHIR
LAH BATITI PANGKAN TALI SAMPAI KA UJUNG TALI
ILI LAH TI ILIM MUDIK LAH TI MUARO
KALATEH LAH TIBO KA EMBUN PADU
KA BAWAH LAH SAMPAI KEKERSIK MUDO
BATEMU PULO DENGAN IKAN BURANAK MSU
IKAN BURANAK MSU IDAK PULO PANDAI BURAYI
NAMUN IDAK KAMI JUAP KATO KAYO
NAMPAK PULO KAMI ITU BABEN MUNALI
CINOK PURAGO DENGAN BATU TUNGGO
NAMUN DI JUAP KATO KAYO ITU
NAMPAK PULO KITO CEDIK NAK BABALAH KATO
ADO DIS MELAYU NGATO
GEDANG AYI UHANG SUNGAI LANDAI
UJAN SEBELAH DARI ULU
IDAK PULO KAMI NGACAK CERDIK ENGAN PANDAI
MENURUT TELATAH TILITIH UHANG TUO DULU
TITAH UHANG TUO DULU
ADAT KATO BA JUAP
ADAT ANDAI BA TINGKAH
ADAT GAYUNG BASAMBUT
IBARAT NGIRANG PADI DI TENGAH SAWAH
NAMUN NAK DISUSUN IDAK ADO NGAN JARANG
NAMUN NAK DI TUHING IDAK ADO NGAN KERAP
SADO KAYO TAP SADO BENAR
SADO KAYO BILANG SADO BETUL
LAH PANDAI NIAN KAYO BA TAP BA BILANG
ASAL LAH BABILOK JADI UKI
ASAL LAH BA BENTANG JADI BARIH
INI PUMEN.....(ULANG KATO UHANG)
ADO DIS MELAYU NGATO
RAPAT LAH RAPAT MUNJIHAT JALO
JALO DI JIHAT DENGAN MENANG SOTO
LAH KAYO TAP LAH KAYO BILANG DENGAN KATO PUSAKO
KAMI SAMBUT DENGAN KATO PUSAKO PULO
INI PUMEN GDANG GAYUNG NEBAT-NEBAT
PEDANG DILETAKKAN
LIK KAJI DISUDAHKAN
SURAT DI LINGKUTKAN
LIK KATO DIMUFAKAT
BICARO USAI
PANJANG JAMBAK URANG SULAK MUKAI
JALAN UHANG PGI KA PASA
TUMBUK MANCANG KATO RUPO SUDAH LAH SAMPAI
TENTANG MACO DOA KITO SERAH KEBUYA
LURUS JALAN KU KOTO RENDAH
JALAN TERUS KE TALANG TINGGI
TENTANG MANCANG KATO MNA LAH SUDAH
KALU MACO DOA KITO SERAH KE PAK HAJI
KEMATIAN
ADOPUN UHANG SEISI UMAH INI
UNTUNG IDAK DAPAT DIRAIH
MALANG IDAK DAPAT DITOLAK
MANO DIKATO UNTUNG IDAK DAPAT DIRAIH
MALANG IDAK DAPAT DITOLAK
TUMBUH BAK SENAWAN
INGGAP BAK LANGAU
TERBANG BAK BUNGO API
TASAUK BAK KAIN BASAH
DEKAT PENYAKIT TAK KALO MASA ITU
IYO ADAT KAYO BAHUN
LAH PGI PULO SIRANTANG ILI SIRANTANG MUDIK
MENCARI DUKUN DENGAN PANDAI TAWA
MENCARI LAM DENGAN PANDAI JAMPI
ADAT MININ
LAH PGI PULO NALAK DOKTER PANDAI NGUBAT
NALAK MANTRI NGAN PANDAI NYUNTIK
DOKTER JAUH LAH DATANG
MANTRI PARAK LAH TIBO
YO SADO UBAT DENGAN LEKAT
JADI NAMBAH PUNYAKIT GALO
SEKALI UBAT LEKAT
DUO TIGO PANYAKIT BATAMBAH
SEKALI MANTRI NYUNTIK
DUO TIGO PANYAKIT BATUKUK
YO IDAK DAPAT DITULUNG AGI PUMEN
SUDAH KEHENDAK YANG MAHA KUASA
ADO DIS MELAYU NGATO
APOLAH SUKAT PADI PAYO
SKAM BELAH DALAM GANTANG
IYO IDAK LAH LALU KUHENDAK KITO
KUHENDAK ALLAH JUGO DENGAN DATANG
ANGIN YO LAH BARA TIUP
UMBAK YO LAH BARA SAMBUNG
DISEPI EMAS DENGAN PERAK
DI KALAKANG HARTO DENGAN BENDO
DITENGAH JIYO DI MASO ITU
YO ILANG TUAN DIMASO ITU
BUKAN PULO ILANG SIO-SIO
BUKAN PULO ILANG DI BUKIT DENGAN TINGGI
ILANG DILUSUN DENGAN LAMAN
ILANG DIRUMAH DENGAN TANGGU
ILANG DI PANGKU ANAK BUAH ANAK KAPONAKAN BELIAU
ADO DIS MELAYU NGATO
PISAU PERAUT DALAM KAMPIN
KAMPIN BURISI ADO SEBELAH
MALAIKAT MAUT DATANG MUMANGGIN
AJALLAH DATANG DARI PADO ALLAH
YO DITUHUT PULO DALAM ADAT
DENGAN PERATURAN AGAMO ISLAM
DIMANDI, DIKAPIN, DISEBAHYANG,
LANGSUNG PULO DIANTA KE TANAH LAYU
BALIK PULO KURUMAH DENGAN TANGGU
SUHUT PULO KITO KADUSUN DENGAN LAMAN
DITUHUT PULO PATAH KATO TALITI LIMO PERKARO
PERTAMO MAKAN NASI KANUHUN
KA DUO NIGO AHI
KATIGO NUJUH AHI
KA EMPAT EMPAT PULUH AHI
KALIMO SERATUH AHI
TEPAT PUMEN MALAM INI UHANG 7 AHI.........
TUMBUK KATO
LAK BAKILAT IKAT DALAM LUBUK
IKAN SIRUANG KNO JALO
LAH SIRAPAT KITO DENGAN DUDUK
KAMI DISINI NGAN TUMBUK KATO
UANG KAYO ITU UANG TEMBAGO
DITINTING SINI TIMBAGO PULO
KATO KAYO ITU KATO ADAT DENGAN PUSAKO
DIJAWAB KATO ADAT PUSAKO PULO
BA UMO DITEPI AYI
PADI NGARENGGOK SINGGOK PINGGANG
NYAWAB KATO KAYO ITU SERTO DENGAN PIKI
ENTAH MANO LEBIH TA KURANG
LAH KAYO TAP LAH KAYO BILANG
SEJAK AWAL SAMPAI KU AKHIR
LAH BATITI PANGKAN TALI SAMPAI KA UJUNG TALI
MUDIK LAH TI ULU
ILI LAH TI MUARO
KULATIH LAH KU EMBUN PADU
KA BAWAH LAH KU KARANG JATI
LAH TENGAH KU RESIK BULAN
NAMUN IDAK DIJUAP KATO KAYO ITU
PUMEN KITO ORANG CERDIK PANDAI BUBALAH KATO
BUKAN DIKITO CERDIK PANDAI BUBALAH KATO
MENURUT ADAT TELATAH TELITIH UHANG TUO DULU
ADO DIS MELAYU NGATO
GEDANG AYI UHANG SUNGAI LANDAI
UJAN SEBELAH DARI ULU
IDAK PULO KAMI NGCAK CERDIK DENGAN PANDAI
MENURUT TITAH UHANG TUO DULU
MANO DIKATO TITAH UHANG TUO DULU
ADAT KATO BAJUAP
ADAT ANDAI BATINGKAH
ADAT GAYUNG BASAMBUT
HABIS GAYUNG DENGAN PENBAT NYO
PEDANG DILETAKKAN
HABIS KAJI DENGAN BE DALIL
SURAT DILINGKUTKAN
HABIS KATO DENGAN MUFAKAT
BICARO USAI
IBARAT NGIRANG PADI DITENGAH SAWAH
NAMUN NAK DISISUN IDAK ADO NGAN JARANG
NAMUN NAK DITUHING IDAK ADO DENGAN KERAP
SADO KAYO KATO SADO YO
SADO KAYO BILANG SADO BENA
LAH PANDAI NIAN KAYO BA TAP BA BILANG
TABILOK KATO KAYO ITU MENJADI UKI
ASAL LAH BABENTANG JADI BARIH
MININ PUMEN
PANJANG JAMBAK UHANG SULAK MUKAI
JALAN UHANG PGI KU PASA
TUMBUK MANCANG KATO RUPO LAH SAMPAI
TENTANG MACO DOA KITO SERAH PADO BUYA.

dalimidepati@gmail.com